ក្រុងប៉ោយប៉ែត ៖ បុរសម្នាក់បានត្រូវបា.ញ់ឱ្យរបួសដេកនៅនឹងកន្លែង ហើយត្រូវបានប៉ូលិសចាប់វាយខ្នោះកាលពីវេលាម៉ោង១១ព្រឹក ថ្ងៃទី២៧ ឧសភា នៅកែងផ្លូវបត់ចូលផ្សារអគ្គៈ ស្ថិតនៅក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ។ ជនដែលត្រូវបា.ញ់ឱ្យរបួសនេះ ឈ្មោះសុខ ម៉ៅ អាយុ២២ឆ្នាំ មានទីលំនៅក្នុងភូមិក្បាលស្ពាន
ក្រុងប៉ោយប៉ែត ៖ បុរសម្នាក់បានត្រូវបាញ់ឱ្យរបួសដេកនៅនឹងកន្លែង ហើយត្រូវបានប៉ូលិសចាប់វាយខ្នោះកាលពីវេលាម៉ោង១១ព្រឹក ថ្ងៃទី២៧ ឧសភា នៅកែងផ្លូវបត់ចូលផ្សារអគ្គៈ ស្ថិតនៅក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ។ ជនដែលត្រូវបាញ់ឱ្យរបួសនេះ ឈ្មោះសុខ ម៉ៅ អាយុ២២ឆ្នាំ មានទីលំនៅក្នុងភូមិក្បាលស្ពាន សង្កាត់ប៉ោយប៉ែតបានរងរបួសចំខ្នង។
បើតាមប្រភពព័ត៌មានពីកន្លែងកើតហេតុឱ្យដឹងថា គេឃើញជនរូបនេះ និងបក្សពួកត្រូវប៉ូលិសតាមប្រមាញ់ពីក្រោយ ហើយពេលនោះជនម្នាក់រត់គេចទៅខាងត្បូងផ្លូវជាតិឆ្ពោះទៅផ្លូវរថភ្លើង ប៉ុន្តែបន្តិចក្រោយមកក៏ចាប់ខ្លួនបានវិញ។ ឯជនរូបនេះមុនពេលបាញ់ត្រូវ គេបានរត់ដួលម្តង ហើយនៅមុខហាងលក់បាយម្ហូប និងបបរស យីហោចន្ទរះ លុះពេលងើបឡើងរត់ម្តងទៀត ដើម្បីគេចពីការតាមប្រមាញ់ក៏ត្រូវបាញ់ឱ្យដួលនៅនឹងកន្លែងតែម្តង ។
បន្ទាប់ពីត្រូវបាញ់ដួល ប៉ូលិសក៏ចាប់វាយខ្នោះតែក្រោយមកក៏ដោះខ្នោះដៃវិញ រួចដឹកតាមម៉ូតូកង់បីយកទៅមន្ទីរពេទ្យ ។ គ្រាប់កាំភ្លើងដែលបាញ់នោះទំនងជាអាចបៀមនៅក្នុងខ្លួន ។ ជុំវិញហេតុការណ៍ខាងលើនេះ ប៉ូលិសដែលស្ថិតនៅក្នុងហេតុការណ៍មិនបានប្រាប់លំអិតដល់អ្នកកាសែតទេ ដោយគ្រាន់តែនិយាយយ៉ាងខ្លីថា ជននេះជាមុខសញ្ញាចែកចាយថ្នាំញៀន ។ ចំណែកលោកអ៊ុំ សុផល អធិការនគរបាលក្រុងពុំអាចទាក់ទងសុំការបំភ្លឺបានទេ ៕
ចែករំលែកព័តមាននេះ