ទោះបីជាច្បាប់បានការហាមឃាត់ ឬមានបទបញ្ជាពីសម្តេចតេជោ ហ៊ុន សែន អតីតនាយករដ្ឋមន្ត្រីយ៉ាងណាក្តី ក៏នៅតែកើតមានការបើកឲ្យលេងល្បែ.ងស៊ីសងខុសច្បាប់ តាមប្រព័ន្ធ Online គ្រប់ប្រភេទយ៉ាងអនាធិបតេយ្យរីកដូចផ្សិត តាមបណ្តាស្រុកនានា ស្ថិតក្នុង
ខេត្តក្រចេះ ៖ ទោះបីជាច្បាប់បានការហាមឃាត់ ឬមានបទបញ្ជាពីសម្តេចតេជោ ហ៊ុន សែន អតីតនាយករដ្ឋមន្ត្រីយ៉ាងណាក្តី ក៏នៅតែកើតមានការបើកឲ្យលេងល្បែ.ងស៊ីសងខុសច្បាប់ តាមប្រព័ន្ធ Online គ្រប់ប្រភេទយ៉ាងអនាធិបតេយ្យរីកដូចផ្សិត តាមបណ្តាស្រុកនានា ស្ថិតក្នុងខេត្តក្រចេះ នេះដដែល ។
បើតាមប្រភពពីសមត្ថកិច្ចខេត្តក្រចេះ បានលួ.ចបង្ហើបឱ្យដឹងថា ៖ មានប្រជាពលរដ្ឋជាច្រើននាក់មកហើយដែលបានប្តឹងសមត្ថកិច្ច និងអាជ្ញាធរភូមិ ឃុំ ស្រុក ខេត្ត ទាក់ទិននឹងមានការបើកឲ្យលេងល្បែ.ងស៊ីសងជ.ល់មាន់ខុសច្បាប់តាមប្រព័ន្ធ Online យ៉ាងអនាធិបតេយ្យរីកដូចផ្សិត ដែលមាននៅតាមបណ្តាស្រុកនានា ក្នុងខេត្តក្រចេះនេះ តែទោះបីជាយ៉ាងណា ក៏នៅមិនមានការចុះបង្ក្រាបដដែល។
ប្រភពដដែលបន្តថា ព្រោះគ្រប់ទីតាំងល្បែ.ងស៊ីសងជ.ល់មាន់តាមប្រព័ន្ធ Online ទាំងអស់នោះ ប្រហែលជាមានខ្សែខ្នងបង្អែកនៅចាំកាងពីក្រោយ ហើយនឹងជាឆ្នាំងបាយរបស់អាជ្ញាធរមានសមត្ថកិច្ចគ្រប់លំដាប់ថ្នាក់ផងដែរ ទើបគេហ៊ានឲ្យបើកលេងពេញទូទាំងខេត្តបែបនេះ ។
គេសង្កេតឃើញទីតាំងមួយចំនួនដែលកំពុងតែប្រមូលផ្តុំគ្នាលេងយ៉ាងអ៊ូរអរបំផុត ដូចជា នៅតារាងបាល់ទាត់ ជិតវត្តបច្ឆា ក្នុងក្រុងក្រចេះ ខេត្តក្រចេះ និងក្រោយផ្សារអូរឬស្សី មាន២ទីតាំង ស្ថិតក្នុងសង្កាត់អូរឫស្សី ក្រុងក្រចេះ ថែមទាំងមានការលេងហ៊ោកញ្ជៀវមិនគិតជាការរំខានដល់អ្នករស់នៅក្បែរខាង ឬខ្លាចសមត្ថកិច្ចបង្ក្រាបនោះឡើយ ព្រោះកំពុងពេញនិយម។
បើតាមប្រភពពីប្រជាពលរដ្ឋរស់នៅក្បែរទីតាំងលេងល្បែ.ងជ.ល់មាន់ Online នោះបានប្រាប់ឱ្យដឹងថា តាមភូមិ-ស្រុកនានា ក្នុងខេត្តក្រចេះទាំងមូល កើតមានការបើកឲ្យស្ទើរតែគ្រប់ភូមិទៅហើយ តាមភូមិសាស្ត្រទាំងនេះ បើកឲ្យលេងល្បែ.ងស៊ីសងខុសច្បាប់តាម Online ទាំងអស់ មិនដែលឃើញសមត្ថកិច្ចបង្ក្រាបនោះទេ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ