ម្តាយម្នាក់ចិញ្ចឹមកូនបួនដប់នាក់រស់ ប៉ុន្តែកូនៗចិញ្ចឹមម្តាយម្នាក់មិនរស់។ ជាការពិតណាស់ នេះគឺជារឿងពិតរបស់លោកយាយម្នាក់ កំពុងតែធ្វើអោយមហានជនចង់ដឹងជាខ្លាំង ក្រោយពីលោកមានវ័យកាន់តែជ្រេទៅហើយក្តី តែលោកយាយពុំបានស្រាក់ស្រាន្ដនោះឡើយ ដោយលោកយាយនៅតែអូសរទេះរើស
ខេត្តកំពត ៖ ម្តាយម្នាក់ចិញ្ចឹមកូនបួនដប់នាក់រស់ ប៉ុន្តែកូនៗចិញ្ចឹមម្តាយម្នាក់មិនរស់។ ជាការពិតណាស់ នេះគឺជារឿងពិតរបស់លោកយាយម្នាក់ កំពុងតែធ្វើអោយមហានជនចង់ដឹងជាខ្លាំង ក្រោយពីលោកមានវ័យកាន់តែជ្រេទៅហើយក្តី តែលោកយាយពុំបានស្រាក់ស្រាន្ដនោះឡើយ ដោយលោកយាយនៅតែអូសរទេះរើសកំប៉ុង សម្បកដបត្រុកៗ នៅក្នុងក្រុងកំពត ធ្វើឱ្យបងប្អូនមហាជននៅម្តុំនោះ អាចនឹងឃើញលោកយាយហើយ ព្រោះលោកយាយប្រកបរបរនេះប្រមាណជាង៤០ឆ្នាំមកហើយ។
ពិតមែនហើយ ម្តាយគេម្តាយយើង នៅពេលឃើញបែបនេះ ពិតជាគួរឱ្យអាណិតលោកយាយខ្លាំងណាស់ ហើយលោកយាយប្រកបរបរមួយនេះរាប់សិបឆ្នាំហើយ ដោយលោកពុំចង់ពឹងកូនៗ ពោលគឺលោកយាយមានកម្លាំងធ្វើការងារបាន លោកយាយចេះតែខំទៅ ដើម្បីខ្លួនមួយ ក្រពះមួយ។
បើតាមគណនីបណ្តាញសង្គមយក្ស Tik Tok មួយ បានធ្វើការបង្ហោះ ហើយលោកឡើងថា «ខ្ញុំក្រទ្រព្យ តែចិត្តខ្ញុំអត់ក្រទេ»។ ក្នុងនោះផងដែរ ក៏ឃើញថា មានមហាជនជាច្រើននាក់សម្តែងការអាណិតលោកយាយជាពន់ពេក ក្រោយឃើញលោកយាយចាស់ សក់ក៏ស្កូវ ខ្នងក៏កោង តែលោកយាយនៅអូសរទះអេតចាយទៀត ខណៈលោកយាយមានអាយុ៨៩ឆ្នាំហើយ ពោលគឺខណៈចាស់ៗមួយចំនួន មានវ័យស្របានឹងលោកយាយ អាចនឹងទទួលបានភាពកក់ក្តៅពីកូនចៅ ទឹកក្តៅ ទឹកត្រជាក់ ដោយឥតលំបាកនោះឡើយ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក ម៉ៅ សំណាង ដែលជាអ្នកដឹងជញ្ជូន បានប្រាប់អោយដឹងថា «លោកតែងតែឃើញយាយនៅម្តុំរង្វង់មូលធុរេននៃខេត្តកំពត ដោយលោកយាយប្រកបរបរដើររើសអេតចាយ ហើយមួយថ្ងៃៗ បានត្រឹម៥ពាន់រៀល ឬ១០០០០រៀលក្នុងមួយថ្ងៃប៉ុណ្ណោះ។ លោកយាយមិនចង់ពឹងកូនចៅនោះឡើយ ហើយលោកយាយបានប្រកបរបរមួយនេះ ប្រមាណជាជាង៤០ឆ្នាំមកហើយ»។
លោក ម៉ៅ សំណាង ដែលតែងតែជួបលោកយាយ និងជួយដល់លោកយាយដោយការផ្តល់អាហារជាញឹកញាប់ បានប្រាប់អោយដឹងបន្តថា «លោកយាយពិតជាគួរអោយអាណិតណាស់ ព្រោះលោកយាយមានវ័យចាស់ណាស់ទៅហើយ ប៉ុន្តែលោកយាយនៅតែដើរអូសរទេះរើសអេតចាយបានដដែល។ លោកយាយរើសអេតចាយតាំងពីម៉ោង៥ព្រឹកស្រាងៗ រហូតដល់ម៉ោង៥ទៅ៦ល្ងាច ដោយលោកយាយដើរគ្រប់កន្លែងរៀងរាល់ថ្ងៃ»។
លោកបន្តថា «លោកយាយពុំលើកដៃសុំគេនោះឡើយ ដោយលោកយាយខ្មាសគេ ដូច្នេះការដែលដើរអេតចាយនោះ លោកយាយរីករាយជាជាងការលើកដៃសុំគេ។ ហើយមួយទៀត ចំពោះរឿងកូនចៅវិញ គឺលោកយាយមាន ប៉ុន្តែលោកយាយបញ្ជាក់ច្បាស់ៗថា លោកយាយរស់នៅតែឯងស្រួលជាង ដោយមិនចង់ពឹងកូនចៅនោះឡើយ»។
គួរបញ្ជាក់ដែរថា លោកយាយពើបប្រទះនូវការខ្វះខាតយ៉ាងខ្លាំង ហើយភ្នែករបស់លោកយាយម្ខាងក៏មើលច្បាស់ដែរ ព្រោះតែវ័យរបស់លោកយាយក៏កាន់តែជ្រេទៅហើយ៕
អត្ថបទដោយ ៖ លីហួ គីមឆាយ
@unes68715027 ការឆ្លើយតបនឹង @user57221291758414 #ខ្ញុំក្រទ្រព្យតែទឹកចិត្ដខ្ញុំអត់ក្រទេ
♬ សំឡេងដើម – nang jr zin – nang jr zin
@unes68715027 ការឆ្លើយតបនឹង @ochhing ទឹកប្រាក់របស់បងបងទិញគ្រឿងប្រេីប្រាស់ជូនលោកយាយហេីយ 🙏💞
♬ សំឡេងដើម – nang jr zin – nang jr zin
ចែករំលែកព័តមាននេះ