រូបភាពគ្រោងឆ្អឹ.ងមនុស្សក្រៅភពជាច្រើនសន្លឹក ដែលមានប្រភពដើមពីយេទ័រ ត្រូវបានសារព័ត៌មាន channelnewsasia ចុះផ្សាយនៅថ្ងៃទី១៣ ខែមករា ឆ្នាំ២០២៤ ក្រោមចំណងជើងថា «អ្នកវិទ្យាសាស្ត្រអះអាងថា សា.កស.ពមនុស្សក្រៅភព នៅក្នុងប្រទេសប៉េរូ តាមពិតជាគ្រោងឆ្អឹ.ងដែលមានប្រភពដើមនៅលើផែនដី» គ្រោងឆ្អឹ.ងនៃ
បរទេស ៖ រូបភាពគ្រោងឆ្អឹ.ងមនុស្សក្រៅភពជាច្រើនសន្លឹក ដែលមានប្រភពដើមពីយេទ័រ ត្រូវបានសារព័ត៌មាន channelnewsasia ចុះផ្សាយនៅថ្ងៃទី១៣ ខែមករា ឆ្នាំ២០២៤ ក្រោមចំណងជើងថា «អ្នកវិទ្យាសាស្ត្រអះអាងថា សា.កស.ពមនុស្សក្រៅភព នៅក្នុងប្រទេសប៉េរូ តាមពិតជាគ្រោងឆ្អឹ.ងដែលមានប្រភពដើមនៅលើផែនដី» គ្រោងឆ្អឹ.ងនៃសា.កស.ពមនុស្សក្រៅភពមួយគូរដ៏អាថ៌កំបាំងនេះ បង្កឱ្យមានភាពភ្ញាក់ផ្អើលយ៉ាងខ្លាំងដល់មនុស្សជុំវិញពិភពលោក ក្រោយពីត្រូវបានគេឆែកឆេររកឃើញនៅក្នុងប្រអប់បញ្ញើអីវ៉ាន់ ហើយត្រូវដឹកជញ្ជូនតាមយន្តហោះមកដល់អាកាសយានដ្ឋានក្នុងប្រទេសប៉េរូ កាលពីខែតុលា ឆ្នាំ២០២៣ តែក្រោយមកត្រូវបានគេយកទៅតាំងបង្ហាញក្នុងរដ្ឋធានី Lima។
រហូតឈានមកដល់ថ្ងៃទី១២ ខែមករា ឆ្នាំ២០២៤ ការពិតត្រូវបានលាតត្រដាង ដោយក្រុមអ្នកវិទ្យាសាស្ត្រតាមរយៈការសិក្សាមួយ ធ្វើឡើងដោយវិទ្យាស្ថាន Legal Medicine ។ លទ្ធផលនៃការស្រាវជ្រាវលើសា.កស.ពមនុស្សក្រៅភពទាំង២នោះ ត្រូវបានអ្នកវិទ្យាសាស្ត្រប្រកាសនៅឯសន្និសីទសារព័ត៌មានក្នុងទីក្រុងលីម៉ា ថា «វាគ្រាន់តែជាគ្រោងឆ្អឹ.ងដែលផ្គុំឡើងពីឆ្អឹ.ងច្រើនប្រភេទ មានដើមកំណើតនៅលើភពផែនដីទាំងស្រុង»។ ផ្អែកលើលទ្ធផលនេះ អ្នកជំនាញបានច្រានចោលពាក្យចចាមអារ៉ាមទាក់ទងនឹងជីវិ.តមនុស្សក្រៅភព។
លោក Flavio Estrada បុរាណវិទូប្រចាំនៅវិទ្យាស្ថានច្បាប់វេជ្ជសាស្ត្រ និងកោសល្យវិច្ច័យរបស់ប្រទេសប៉េរូ បាននិយាយដែរថា «នេះមិនមែនជាឆ្អឹ.ងរបស់មនុស្សក្រៅភពទេ ពួកវាជាគ្រោងឆ្អឹ.ងដែលត្រូវបានផ្គុំបញ្ចូលគ្នាពីឆ្អឹ.ងមនុស្ស និងឆ្អឹ.ងសត្វ»។ លោក Flavio បានបន្ថែមថា «វាជាសាច់រឿងមួយ ដែលត្រូវបានគេបង្កើតឡើងទាំងស្រុង»។
គួររំលឹកថា កាលពីខែតុលា ឆ្នាំ២០២៣ គ្រោងឆ្អឹ.ងទាំងពីរ ត្រូវបានឆែកឆេររកឃើញដោយមន្ត្រីការិយាល័យអាកាសយានដ្ឋានទីក្រុង Lima នៅក្នុងកេសក្រដាសបញ្ញើអីវ៉ាន់មួយរបស់ក្រុមហ៊ុន DHL។ ក្នុងពេលរកឃើញនោះ គ្រោងឆ្អឹ.ងទាំងពីរ ត្រូវបានស្លៀកពាក់ក្នុងសម្លៀកបំពាក់ប្រពៃណី Andean ដែលមើលទៅដូចជា សា.កស.ពម៉ាម៉ីមួយគូរដ៏ពិតប្រាកដ ទើបបណ្តាលឱ្យមានការផ្សព្វផ្សាយយ៉ាងទូលំទូលាយ ហើយសាយភាពទូទាំងពិភពលោក បង្កើតឱ្យការវិភាគប៉ាន់ស្មានខុសៗគ្នាទៅលើប្រភពដើមនៃគ្រោងឆ្អឹ.ងអេលៀនទាំងពីរនេះ។
ហើយមុនមួយខែនៃការផ្ទុះរឿងអេលៀន នៅប៉េរូ ពោលគឺនៅខែកញ្ញា ឆ្នាំ២០២៣ រឿង អេលៀននេះ បានល្បីល្បាញខ្លាំងនៅឯប្រទេសម៉ិចស៊ីកូ បន្ទាប់ពីសា.កស.ពម៉ាំមីតូចៗចំនួនពីរដែលមានក្បាលវែង និងដៃ មានម្រាមដៃបី ត្រូវបានគេយកទៅតាំងបង្ហាញនៅក្នុងសម័យប្រជុំសភាម៉ិកស៊ិក ដែលបង្កើតការផ្សព្វផ្សាយយ៉ាងទូលំទូលាយ។
អ្នកកាសែតម៉ិកស៊ិក និងជាអ្នកដែលវក់នឹងការតាមដានរឿងអេលៀន រឿងថាសហោះ UFO លោក Jaime Maussan បានអះអាងថា «សា.កស.ពទាំងនោះ មានអាយុកាលប្រហែល ១០០០ឆ្នាំ ហើយត្រូវបានរកឃើញក្នុងប្រទេសប៉េរូ ក្នុងឆ្នាំ២០១៧ ប៉ុន្តែក្រោយមក អ្នកជំនាញភាគច្រើនបានច្រានចោលការលើកឡើងទាំងនោះ ដោយអះអាងថា ជាការក្លែងបន្លំ ហើយថា សា.កស.ពម៉ាំមីទាំងពីរនោះ គឺជាការផ្គុំគ្នានៃសា.កស.ពមនុស្សបុរាណជាមួយផ្នែកខ្លះសត្វតែប៉ុណ្ណោះ»។
យ៉ាងណាក៏ដោយ នៅក្នុងសន្និសីទសារព័ត៌មានដែលត្រូវបានរៀបចំឡើងដោយក្រសួងវប្បធម៌របស់ប្រទេសប៉េរូ កាលពីថ្ងៃសុក្រ ទី១២ ខែមករា អ្នកជំនាញមិនបានបញ្ជាក់ថា «សា.កស.ពអេលៀន ដែលបានរកឃើញនៅព្រលានយន្តហោះក្រុងលីម៉ា មានជាប់ទាក់ទងទៅនឹងសា.កស.ពអេលៀន នៅក្នុងប្រទេសម៉ិកស៊ិកនោះទេ ប៉ុន្តែអ្នកជំនាញបានសង្កត់ធ្ងន់ថា សា.កស.ពអេលៀនក្លែងក្លាយទាំងពីរនេះ មិនមែនជាសា.កស.ពមនុស្សក្រៅភពនោះឡើយ៕
អត្ថបទដោយ ៖ អោម ចែតច័ន្ទណារ៉ា
ចែករំលែកព័តមាននេះ