ព្រះមហាក្សត្រដាណឺម៉ាក់ថ្មីឡើងគ្រងរាជ
ប្រទេសដាណឺម៉ាក់់ ៖ នៅថ្ងៃទី១៤ មករា នេះ នៅប្រទេសដាណឺម៉ាក់ ព្រះអង្គម្ចាស់រជ្ជទាយាទហ្វ្រេដេរិក
ប្រទេសដាណឺម៉ាក់់ ៖ នៅថ្ងៃទី១៤ មករា នេះ នៅប្រទេសដាណឺម៉ាក់ ព្រះអង្គម្ចាស់រជ្ជទាយាទហ្វ្រេដេរិកបានក្លាយជាព្រះមហាក្សត្រហ្វ្រេដេរិកទី១០ ដែលឡើងគ្រងរាជបល្លង្កបន្តពីព្រះមាតាព្រះមហាក្សត្រីយានីMARGRETHEដែលប្រកាសដាក់រាជគួរឲ្យភ្ញាក់ផ្អើលបន្ទាប់ពីគ្រងរាជសម្បត្តិអស់ពេល៥២ឆ្នាំមក។
មានព្រះជន្ម៥៥ព្រះវស្សាព្រះអង្គម្ចាស់រជ្ជទាយាទហ្វ្រេដេរិក តែងធ្វើខ្លួនជាមនុស្សសាមញ្ញ ខុសពីទម្លាប់គ្រួសាររាជវង្ស ទើបធ្វើឲ្យប្រជាប្រិយភាពរបស់ទ្រង់មានខ្ពស់ដល់លើស៨០%។ កាលពីខែធ្នូកន្លងទៅទ្រង់បានថ្លែងថា ខ្លួនខ្ញុំណឹងជាមនុស្សដូចគេឯង ខ្ញុំចង់រក្សាការធ្វើខ្លួនជាជនសាមញ្ញតាមគោលការណ៍របស់ខ្លួន ក៏ទោះជាទ្រង់គង់លើរាជបល្លង្កក្ដី។
លើសពីនេះទៀតមហេសីរបស់ព្រះអង្គ ព្រះនាងម៉ារីដូណាល់សុន មិនមែនប្រភពមកពីគ្រួសាររាជវង្សឬគ្រួសារអភិជនឡើយ។ ព្រះនាងជាអ្នកច្បាប់ជានារីអូស្ត្រាលី ហើយបានជួបស្គាល់គ្នាចជាមួយព្រះអង្គម្ចាស់ហ្វ្រេដេរិកក្នុងបារមួយនៅក្រុងសីុដនី អំឡុងពេលប្រកួតកីឡាអូឡាំពិកឆ្នាំ២០០០។ ជារួមគ្រួសារព្រះអង្គ ជាគ្រួសារទំនើបមួយដែលនិយមចូលចិត្តចម្រៀងបុ៉បនិងកីឡា៕
ចែករំលែកព័តមាននេះ