ព្រះអគ្គីបានឆាបឆេះអគារទីលានបា.ញ់កាំភ្លើ.ងភ្នំពេញយ៉ាងសន្ធោសន្ធៅ ដោយមិនទាន់ដឹងមូលហតុ ដែលបង្កឲ្យមានផ្សែងហុយឡើងទៅលើអាកាសយ៉ាងខ្មៅខ្មួលខ្មាញ់ ។ ភ្លាមៗនោះ រថយន្តពន្លត់អគ្គិភ័យរបស់អង្គភាពនគរបាលតម្រួតបទបញ្ជា ស្ថិតនៅជាប់
រាជធានីភ្នំពេញ ៖ ព្រះអគ្គីបានឆាបឆេះអគារទីលានបា.ញ់កាំភ្លើ.ងភ្នំពេញយ៉ាងសន្ធោសន្ធៅ ដោយមិនទាន់ដឹងមូលហតុ ដែលបង្កឲ្យមានផ្សែងហុយឡើងទៅលើអាកាសយ៉ាងខ្មៅខ្មួលខ្មាញ់ ។ ភ្លាមៗនោះ រថយន្តពន្លត់អគ្គិភ័យរបស់អង្គភាពនគរបាលតម្រួតបទបញ្ជា ស្ថិតនៅជាប់នោះស្រាប់ បានបា.ញ់ទឹកពន្លត់អស់២រថយន្ត តែមិនរលត់ឡើយ បន្ទាប់មក ក៏មានរថយន្តពន្លត់អគ្គិភ័យរបស់អង្គភាពផ្សេងៗទៀត បានទៅដល់ជាបន្តបន្ទាប់ ។ ហេតុការណ៍នោះបានកើតឡើងកាលពីវេលាម៉ោង១១ព្រឹក ថ្ងៃទី១៤ ខែមករា ឆ្នាំ២០២៤ នៅចំណុច «ទីលានបា.ញ់កាំភ្លើ.ងភ្នំពេញ» ដែលមានទីតាំងស្ថិតនៅជាប់នឹងតម្រួតបទបញ្ជា ស្ថិតក្នុងភូមិខ្វែ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានប្រាប់ឲ្យដឹងថា ភ្លើងបានឆាបឆេះខ្លាំងណាស់ ហើយឆេះកង់រថយន្តដែលដាក់តម្រៀបគរលើគ្នាសម្រាប់ទប់គ្រា.ប់កាំភ្លើ.ងមិនឲ្យផ្លាតហោះចេញក្រៅបង្កគ្រោះថ្នាក់ដល់អ្នកដទៃ ព្រមទាំងគ្រឿងជ័រដែលងាយនឹងឆាបឆេះជាច្រើនទៀតផងដែរ។ ទើបនៅពេលភ្លើងឆេះភ្លាម ក្រុមអ្នកពន្លត់អគ្គិភ័យខំប្រឹងបា.ញ់ទឹកពន្លត់ដែរ ប៉ុន្តែមិនអាចពន្លត់ឲ្យភ្លើងឱ្យរលត់ភ្លាមៗបាននោះឡើយ។ មិនតែប៉ុណ្ណោះ ក៏បានប្រើប្រាស់គ្រឿងចក្រអេស្កាវ៉ាទ័រ ទៅកាយទម្លុះជញ្ជាំងរបង និងអគារ ដើម្បីបា.ញ់ទឹកពន្លត់ផងដែរ។
ប្រភពដដែល បានប្រាប់ឲ្យដឹងបន្តថា ពេលនេះ នៅមិនទាន់ដឹងពីមូលហតុនៃការឆាបឆេះនោះនៅឡើយទេ ប៉ុន្តែសង្ស័យថា អាចមកពីឆ្លងចរន្តអគ្គិសនី ហើយសមត្ថកិច្ចក៏កំពុងធ្វើការស្រាវជ្រាវលើហេតុការណ៍នោះហើយ។
ដោយឡែកនៅពេលមានភ្លើងឆេះភ្លាមៗ បុគ្គលិកនៅក្នុងទីតាំងបា.ញ់កាំភ្លើ.ងនោះបាននាំគ្នាប្រមូលគ្រា.ប់កាំភ្លើ.ងវែង និងកាំភ្លើ.ងខ្លីៗគ្រប់ប្រភេទជាច្រើគ្រា.ប់ចេញពីកន្លែងកើតហេតុទៅទុកនៅទីកន្លែងមានសុវត្ថិភាព ដើម្បីចៀសវាងបង្កគ្រោះថ្នាក់ដល់អ្នកភូមិនៅជុំវិញកន្លែងកើតហេតុនោះ។
ប្រភពដដែលបានប្រាប់ឲ្យដឹងបន្តទៀតថា ចំពោះទំហំនៃការខូចខាតដែលបង្កឡើងដោយគ្រោះអគ្គិភ័យនេះ នៅពុំទាន់ដឹងថា តើគិតជាទឹកប្រាក់អស់ប៉ុន្មាននៅឡើយទេ? ហើយនៅពេលនោះ ក៏មានរថយន្តពន្លត់អគ្គិភ័យប្រមាណជាង១០គ្រឿង បានទៅបា.ញ់ទឹកពន្លត់ជាបន្តបន្ទាប់ រហូតដល់រលត់នៅថ្ងៃដដែលនោះ៕
ចែករំលែកព័តមាននេះ