មេដឹកនាំកម្ពុជាពីសម័យកាល គឺសម្តេចតេជោ ហ៊ុន សែន ដែលកាន់អំណាចពីឆ្នាំ១៩៨៥ ដល់ឆ្នាំ២០២៣ និងសម្តេចធិបតី ហ៊ុន ម៉ាណែត ដែលបានឡើងបន្តពីឆ្នាំ២០២៣ មកដល់ពេលនេះ គឺជាមេដឹកនាំដែលអោយតម្លៃខ្ពស់លើវេទិកាសេដ្ឋកិច្ចពិភពលោក មានឈ្មោះជាភាសាអង់គ្លេសថា
មេដឹកនាំកម្ពុជាពីសម័យកាល គឺសម្តេចតេជោ ហ៊ុន សែន ដែលកាន់អំណាចពីឆ្នាំ១៩៨៥ ដល់ឆ្នាំ២០២៣ និងសម្តេចធិបតី ហ៊ុន ម៉ាណែត ដែលបានឡើងបន្តពីឆ្នាំ២០២៣ មកដល់ពេលនេះ គឺជាមេដឹកនាំដែលអោយតម្លៃខ្ពស់លើវេទិកាសេដ្ឋកិច្ចពិភពលោក មានឈ្មោះជាភាសាអង់គ្លេសថា «World Economic Forum» ។
ផ្អែកតាមសកម្មភាពជាបន្តបន្ទាប់សម្រាប់សម្តេចតេជោ បានអោយតម្លៃជាពិសេសលើវេទិកានេះខ្លាំង ចាប់តាំងពីបានចូលរួមវេទិកានៅដាវូស ប្រទេសស្វីស ចាប់ពីថ្ងៃទី១៧ ដល់ថ្ងៃទី២០ ខែមករា ឆ្នាំ២០១៧ ហើយឆ្លងតាមការចូលរួម និងការប្តេជ្ញាចិត្តនៅពេលនោះ កម្ពុជាក៏បានសម្រេចធ្វើជាម្ចាស់ផ្ទះរៀបចំវេទិកាសេដ្ឋកិច្ចពិភពលោក ស្តីពី «អាស៊ាននៅរាជធានីភ្នំពេញ» នៅថ្ងៃទី១០ ដល់ថ្ងៃទី១២ ខែឧសភា ឆ្នាំដដែល ក្រោមប្រធានបទ «យុវជន បច្ចេកវិទ្យា និងកំណើន»។
ព្រឹត្តិការណ៍នៅពេលនោះ អាចជាប្រវត្តិសាស្ត្រនិ ងជាជោគជ័យថ្មីលើកទី១ហើយ សម្រាប់កម្ពុជា ដែលបានរៀបចំវេទិកាដោយនាំយកថ្នាក់ដឹកនាំខាងពាណិជ្ជកម្ម អ្នកជំនាញការ អ្នកវិទ្យាសាស្ត្រ អ្នកវិនិយោគ ព្រមទាំងមេដឹកនាំតំបន់ និងអ្នកសារព័ត៌មានជាតិ និងអន្តរជាតិ សរុបទាំងអស់៧០០នាក់ មកពី៤០ប្រទេសចូលរួម។
ក្រោយពេលដែលកម្ពុជា បានរៀបចំកិច្ចការនេះបានជោគជ័យ គណៈកម្មាធិការរៀបចំវេទិកាសេដ្ឋកិច្ចពិភពលោក ស្តីពី អាស៊ាន បានវា.យតម្លៃវេទិកាកាលនោះថា ជាឱកាសមាសដ៏មានតម្លៃសម្រាប់កម្ពុជា ក្នុងការបង្ហាញខ្លួននៅលើឆាកអន្តរជាតិ។
ចាប់តាំងពីពេលនោះមក សម្តេចតេជោ បានចូលរួមកម្មវិធីរបស់វេទិកានេះនៅដាវូស ជាបន្ត បន្ទាប់ហើយ បើតាមសេចក្តីប្រកាសរបស់ក្រសួងការរបទេសកាលពីថ្ងៃទី១២ ខែមករា ឆ្នាំ២០២៣ បានឲ្យដឹងថា សម្តេចធិបតី ហ៊ុន ម៉ាណែត ដែលជាមេដឹកនាំបន្តវេន ក៏បានដឹកនាំគណៈប្រតិភូកម្ពុជា បន្តគាំទ្រ និងចូលរួមវេទិកានេះដោយផ្ទាល់ផងដែរ ។
ក្រោយការប្រកាសនៅព្រឹកថ្ងៃទី១៣ ខែមករា យន្តហោះពិសេសដឹកគណៈប្រតិភូកម្ពុជា បានចាកចេញពីកម្ពុជាហើយ ដោយសម្តេចគ្រោងនឹងអញ្ជើញចូលរួមវេទិកាសេដ្ឋកិច្ចពិភពលោកលើកទី៥៤ នៅថ្ងៃទី១៦ និងថ្ងៃទី១៧ ខែមករា ឡើងក្រោមមូលបទ «ការកសាងឡើងវិញ នូវទំនុកចិត្ត» ដោយផ្តោតសំខាន់លើមូលដ្ឋានដែលជំរុញឲ្យមានទំនុកចិត្ត រួមទាំងតម្លាភាពសង្គតិភាព និងគណនេយ្យភាព ។
ក្រសួងកាបរទេស បានបញ្ជាក់ថា នៅស្វីស សម្តេចធិបតីនឹងចូលរួមថ្លែងបទអន្តរាគមន៍ នៅក្នុងកម្មវិធីអាហារការងារថ្ងៃត្រង់ ក្រៅផ្លូវការជាមួយនឹងថ្នាក់ដឹកនាំសេដ្ឋកិច្ចពិភពលោក ដោយផ្តោតលើប្រធានបទ «ការស្តារទំនុកចិត្តលើប្រព័ន្ធសកលលោកឡើងវិញ» សំដៅស្វែងរកវិធីសាស្ត្រឈ្នះឈ្នះ ដើម្បីដោះស្រាយនូវបញ្ហាប្រឈមដែលជាក្តីបារម្ភសកលលោកនា ពេលបច្ចុប្បន្ន និងលើកម្ពស់ការចូលរួម និងកិច្ចសន្ទនាដោយសន្តិវិធី ដែលជាមាគ៌ាដ៏ល្អប្រសើរ ក្នុងការកសាងទំនុកចិត្តទៅវិញទៅមក ដែលចាំបាច់សម្រាប់កិច្ចសហប្រតិបត្តិការប្រកប ដោយប្រសិទ្ធភាព ។
ក្នុងឱកាសនោះដែរ សម្តេចធិបតីនឹងជួបថ្នាក់ដឹកនាំសង្គមស៊ីវិល និងធុរជននៃក្រុមហ៊ុន ឈានមុខមួយចំនួន ដើម្បីទាក់ទាញការវិនិយោគមកកម្ពុជា ។
វត្តមានសម្តេចធិបតីនៅកម្មវិធីវេទិកាសេដ្ឋកិច្ចពិភពលោកនៅពេលខាងមុខដ៏ខ្លីនេះ ថ្វីត្បិតតែជាវត្តមានលើកដំបូងនៅក្នុងនាមជាមេដឹកនាំកម្ពុជា ប៉ុន្តែនេះមិនមែនជាលើកទី១ទេ ដែលសម្តេចបានធ្វើការទាក់ទង និងការជួបធុរជននៅក្រៅប្រទេស ។ នៅក្នុងបេសកកម្មទៅកាន់ប្រទេសនានា កន្លងដូចជា ៖ ទៅចិន ជប៉ុន សហរដ្ឋអាមេរិក អារ៉ាប៊ប៊ី សាអូឌីតកន្លងមក សម្តេចបានធ្លាប់ធ្វើកិច្ចការនេះជាមួយនឹងធុរជនសំខាន់ៗ នៅក្នុងប្រទេសទាំងនេះអស់ហើយ ។
សម្រាប់នៅដាវូស លើកនេះសង្ឃឹមថា សម្តេចអាចនឹងទាក់ទាញធុរជនអឺរ៉ុប កាន់តែច្រើនថែមទៀតមកកម្ពុជា ឬក៏អាចនឹងបើកផ្លូវពាណិជ្ជកម្មកម្ពុជាកាន់តែទូលំទូលាយថែមទៀត ជាមួយនឹងអឺរ៉ុប។
មកដល់ពេលនេះ វេទិកាសេដ្ឋកិច្ចពិភពលោក គឺជាអង្គការក្រៅរដ្ឋាភិបាលមួយ ដែលបង្កើតឡើងដោយមានគោលបំណងសំខាន់ គឺផ្តោតនៅលើសកម្មភាពទាក់ម៉ូយផ្នែកធុរកិច្ច ។ អង្គការនេះ បង្កើតឡើងតាំងពីឆ្នាំ១៩៧១ និងបានក្លាយជាវេទិកាមួយដែលមានការគាំទ្រពីរដ្ឋាភិបាលនានា និងក្រុមហ៊ុនចម្រុះជាតិសាសន៍រហូតដល់ទៅជាង១០០០ក្រុមហ៊ុន និងស្ថាប័ន។ នៅក្នុងមួយឆ្នាំៗ ស្ថាប័ននេះបានរៀបចំកម្មវិធីផ្សេងៗដែលជាស្ពានចម្លងការតភ្ជាប់សម្រាប់ធុរជននានានៅលើសកលលោក មិនក្រោម៣០០០នាក់ឡើយ ។
សរុបមកវិញ ក្រោមទស្សនៈវិស័យការទូត និងគោលនយោបាយទាក់ទាញដែលសម្តេចធិបតីដាក់ចេញដំណើរទៅដាវូស លើកនេះ យើងរំពឹងថា ស្ថានភាពនេះក៏ដូចជាទំនាក់ទំនងពាណិជ្ជកម្ម សេដ្ឋកិច្ច ទេសចរណ៍ និងវិនិយោគទុនកម្ពុជា និងអឺរ៉ុប នឹងកាន់តែយល់គ្នាច្បាស់ ហើយអាចនឹងឈានដល់កិច្ចព្រមព្រៀងដែលមានតម្លៃសម្រាប់ការបន្តពិពិធកម្ម សេដ្ឋកិច្ច ដែលរាជរដ្ឋាភិបាលបានដាក់ចេញ ។
អត្ថបទដោយ ៖ ហេង ចេស្តារ
ចែករំលែកព័តមាននេះ