អាមេរិកនិងអង់គ្លេសចាប់ផ្តើមវា.យប្រហារក្រុមហ៊ូធីយេម៉ែន សំដៅទីក្រុងជាច្រើន
ប្រទេសយេម៉ែន ៖ តាមទីភ្នាក់ងារព័ត៌មានបារាំងAFPចុះថ្ងៃទី១២មករាថា ទីក្រុងជាច្រើនរបស់យេ
ប្រទេសយេម៉ែន ៖ តាមទីភ្នាក់ងារព័ត៌មានបារាំងAFPចុះថ្ងៃទី១២មករាថា ទីក្រុងជាច្រើនរបស់យេម៉ែន រងការវាយប្រហារតាមអាកាសរបស់អាមេរិកនិងអង់គ្លេស កាលពីថ្ងៃទី១២មករានោះ ក្រោយពាក់កណ្ដាលយប់បន្តិច។
មុននេះបន្តិចអ្នកទទួកខុសត្រូវអាមេរិក៤រូបគូសបញ្ជាក់ប្រាប់រ៉យទ័រថា ក្រុងវ៉ាសិុនតោននិងក្រុងឡុងដ៍ចាប់ផ្ដើម វាយប្រហារបណ្ដាគោលដៅទាំងឡាយទាក់ទិននឹងពួកឧទ្ទាមហ៊ុូធីយេម៉ែន។ នេះជាព័ត៌មានអះអាងដោយប្រធានាធិបតីអាមេរិក។ ក្នុងសេចក្ដីប្រកាសមួយលោកចូបៃដិនអះអាងថា ក្រោមការត្រួតពិនិត្យរបស់លោក សហរដ្ឋអាមេរិករួមសហការជាមួយអង់គ្លេសជាមួយការទ្រទ្រង់ររបស់អូស្ត្រាលី បារ៉ែន កាណាដានិងហូឡង់ បានវាយប្រហារប្រកបដោយជោគជ័យ ប្រឆាំងគោលដៅមួយចំនួននៅយេម៉ែន ដែលប្រើដោយពួកឧទ្ទាមហ៊ូធី។ ប្រមុខសេតវិមានអះអាងថា លោកនឹងមិនរារែកឡើយ ក្នុងការបញ្ជាឲ្យចាត់វិធានការដទៃៗទៀត ដើម្បីការពារអាមេរិកនិងពាណិជ្ចកម្មអន្តរជាតិ។
នេះជាការវាយប្រហារដំបូងសំដៅពួកហ៊ូធី ចាប់តាំងពីក្រុមនោះចាប់ផ្ដើមវាយប្រហារ ប្រឆាំងផ្លូវទឹកពាណិជ្ជកម្មក្នុងសមុទ្រក្រហមមក។ តាមសារព័ត៌មានអាមេរិកជាច្រើនថា ការវាយប្រហារទាំងនេះធ្វើឡើងដោយយន្តហោះប្រយុទ្ធនិងបណ្ដាមីសីុលTOMAHAWK ។ ពួកហ៊ូធីជាសម្ព័ន្ធមិត្តរបស់អីុរ៉ង់និងត្រួតត្រាដែនដីដ៏ធំនៃប្រទេសយេម៉ែន នាពេលថ្មីៗនេះបានបង្កើនការវាយប្រហារ ដោយមីសីុលនិងដ្រូន នៅជិតច្រកសមុទ្រយុទ្ធសាស្ត្រBAB EL MANDEB ដែលបែងចែកឧបទ្វីបអារ៉ាប៊ិកនៃទ្វីបអាហ្វ្រិក។ ពួននោះនិយាយថា តម្រង់ការវាយប្រហារបណ្ដានាវាពាណិជ្ជកម្ម ដែលពួកគេសង្ស័យថាជាប់ទាក់ទិននឹងអីុស្រាអែលដោយអះអាងថា សកម្មភាពពួកគេជាការរួមសាមក្គីភាពជាមួយពួកហាម៉ាស់ប៉ាឡេស្ទីន ដែលកំពុងច្បាំងជាមួយអីុស្រាអែលនៅជ្រោយហ្គាហ្សា។
ជាការឆ្លើយតបវិញសហរដ្ឋអាមេរិកបានដាក់ពង្រាយរួចហើយ បណ្ដានាវាចម្បាំងហើយបង្កើតកាលពីខែធ្នូក្រុមចម្រុះអន្តរជាតិមួយដើម្បីការពារសន្តិសុខផ្លូវសមុទ្រក្នុងតំបន់នោះ ដែលតំណាងឲ្យ១២%នៃពាណិជ្ជកម្មពិភពលោក។ ក្រុមហ៊ុនដឹកជញ្ជូនតាមសមុទ្រមួយចំនួន ផ្អាកលែងឲ្យនាវាពួកគេបើកកាត់សមុទ្រក្រហម រហូតដល់មានបទបញ្ជាជាថ្មី។ បែបនេះនាំឲ្យការដឹកជញ្ជូនរវាងអឺរ៉ុបនិងអាសីុត្រូវចំណាយខ្ពស់៕
ចែករំលែកព័តមាននេះ