ជឿថា បងប្អូនប្រិយមិត្តជាច្រើននាក់ ខណៈពេលកំពុងតែធ្វើដំណើរតាមផ្លូវ ប្រាកដណាស់ជាធ្លាប់ជួបហើយ ទាក់ទងនឹងរឿងម៉ូតូកង់បី ឬរថយន្តមួយចំនួន ជាពិសេសរថយន្តកុងតឺន័រ ឬរថយន្តក្រឡុកស៊ីម៉ង់ត៍ជាដើម បានបំពាក់ភ្លើងហ្វាបា.ញ់មកក្រោយ ធ្វើឲ្យ
រាជធានីភ្នំពេញ ៖ ជឿថា បងប្អូនប្រិយមិត្តជាច្រើននាក់ ខណៈពេលកំពុងតែធ្វើដំណើរតាមផ្លូវ ប្រាកដណាស់ជាធ្លាប់ជួបហើយ ទាក់ទងនឹងរឿងម៉ូតូកង់បី ឬរថយន្តមួយចំនួន ជាពិសេសរថយន្តកុងតឺន័រ ឬរថយន្តក្រឡុកស៊ីម៉ង់ត៍ជាដើម បានបំពាក់ភ្លើងហ្វាបា.ញ់មកក្រោយ ធ្វើឲ្យចាំងភ្នែករបស់អ្នកបើកបរខាងក្រោយ និងពិបាកមើលផ្លូវខ្លាំងណាស់ ។ មិនត្រឹមតែប៉ុណ្ណឹង ម៉ូតូកង់បីមួយចំនួន ថែមទាំងលេងភ្លើងហ្វាញាក់ៗទៀតផង ដោយមិនខ្វល់ពីអារម្មណ៍អ្នកដទៃសោះឡើយ។
ជាក់ស្តែងដូចជាករណីរថយន្ត Food Rapter ពណ៌ស មួយគ្រឿង ដែលបំពាក់ភ្លើងហ្វាពីក្រោយចាំងស្ទើរតែខ្វាក់ភ្នែកទៅហើយ និងត្រូវបានអ្នកដំណើរថតបាន នៅលើផ្លូវមួយនាពេលយប់។ សំណួរសួរថា តើត្រឹមត្រូវតាមច្បាប់លក្ខណៈបច្ចេកទេសយានយន្តដែរឬទេ? ខណៈពេលជាន់ហ្វ្រាំង ហ្វាភ្លឺចាំងពេញភ្នែក ធ្វើឲ្យអ្នកធ្វើដំណើរដទៃទៀតដែលបើកពីខាងក្រោយនោះ ពិតជាពិបាកមើលផ្លូវយ៉ាងខ្លាំងតែម្តង ដែលអាចនាំឲ្យកើតមានគ្រោះថ្នាក់ណាមួយកើតឡើងក៏ថាបានដែរ។
ជាមួយគ្នានេះដែរ អ្នកបង្ហោះវីដេអូឃ្លីបខាងលើនេះ ក៏បានស្នើទៅកាន់សមត្ថកិច្ច មេត្តាជួយចាត់វិធានការផង។
ទាក់ទងករណីខាងលើនេះ អ្នកលេងបណ្តាញសង្គមបាននាំគ្នាលើកឡើងថា «មុននឹងច្បាប់អនុញ្ញាតអោយអ្នកណាម្នាក់បើកបររថយន្តនៅលើផ្លូវសាធារណៈ អ្នកនោះត្រូវរៀនបើកបរ និងឆ្លងកាត់ការប្រឡងយកប័ណ្ណបើកបរជាមុនសិន។ ចំណែករថយន្តក៏អញ្ចឹងដែរ មុននឹងច្បាប់អនុញ្ញាតអោយបើកបរនៅលើផ្លូវសាធារណៈ ក៏ត្រូវឆ្លងកាត់ការធ្វើតេស្តត្រួតពិនិត្យលក្ខណៈបច្ចេកទេសសិនដែរ អញ្ចឹងគ្រប់រថយន្ត និងអ្នកបើកបរ សុទ្ធតែយល់ដឹងពីច្បាប់ចរាចរណ៍អស់ហើយ លើកលែងតែរថយន្តនោះ និងអ្នកបើកបរនោះ មិនបានឆ្លងកាត់ច្បាប់ចរាចរណ៍ ទើបមិនដឹងថា តើភ្លើងរបៀបណាដែលច្បាប់អនុញ្ញាត? និងភ្លើងប្រភេទណាដែលច្បាប់ហាមឃាត់?» ។
អ្នកខ្លះទៀត ក៏បានលើកឡើងទៀតថា «បងប្អូនដែលមានឡាន គួរតែចាប់ហ្វាបញ្ចាំងមកក្រោយមួយ ទុកសម្រាប់ទប់ទល់ដូចអាឡានឆ្កួ.តហ្នឹង។ ពេលឃើញវា បងប្អូនត្រូវតែវ៉ាវាទៅខាងមុខ ហើយបើកហ្វាបញ្ចាំងដាក់វាវិញ»។ អ្នកខ្លះទៀតបញ្ចេញអារម្មណ៍ថា «អ្នកបើកក្រោយពិតជាវេទនាមើលផ្លូវដោយសារភ្លើងហ្វានៃពន្លឺចាំងដាក់ភ្នែក ។ មានលុយទិញរថយន្តជិះ ដាក់ភ្លើងខុសបច្ចេកទេស ធ្វើឲ្យប៉ះពាល់ដល់អ្នកធ្វើដំណើរខាងក្រោយ តែម្ចាស់មិនខ្វល់ធ្វើម៉េចឲ្យតែប្លែក រថយន្តថ្លៃ តែម្ចាស់អន់ចរិត»។
ពាកព័ន្ធករណីរថយន្តបំពាក់ភ្លើងហ្វាបា.ញ់ពីក្រោយ ដែលបណ្តាលឲ្យចាំងសឹងតែខ្វាក់ភ្នែកអ្នកបើកពីខាងក្រោយនោះ គឺនៅតែកើតមាននៅលើដងផ្លូវដដែល ជាពិសេសរថយន្តកុងតឺន័រ ឬរថយន្តក្រឡុកស៊ីម៉ង់ត៍ជាដើម បើទោះជាមានការរអ៊ូរទាំពីប្រជាពលរដ្ឋឲ្យសមត្ថកិច្ច ជាពិសេសប៉ូលិសចរាចរណ៍មានវិធានការណ៍ទៅលើក្រុមលេងភ្លើងហ្វាពីក្រោយទាំងនោះក៏ដោយ។
ជាមួយគ្នានេះ មហាជនក៏បានចោទជាសំណួរសួរថា តើរថយន្តបំពាក់ភ្លើងហ្វា បា.ញ់ពីក្រោយទាំងអស់នោះ ធ្វើត្រូវតាមបទដ្ឋានលក្ខណៈបច្ចេកទេស ឬយ៉ាងណា? បានជាពុំឃើញត្រូវប៉ូលិសធ្វើការឃាត់ចាប់យកមកដុះក្អែលអ៊ីចឹង បើទោះជាវីដេអូជាក់ស្តែង ត្រូវបានគេបង្ហោះផ្អើលពាសពេញបណ្តាញសង្គមក៏ដោយ»៕
អត្ថបទដោយ ៖ មាស តុលា
ចែករំលែកព័តមាននេះ