តបវិញ! អ៊ុយក្រែនវា.យប្រហារដោយដ្រូនសំដៅហេដ្ឋារចនាសម្ព័ន្ធថាមពលរុស្ស៊ី
សង្គ្រាមអ៊ុយក្រែន ៖ ប្រធានាធិបតីរុស្ស៊ីលោកវ្លាំឌីមៀរពូទីនក្នុងរដូវរងា២ឆ្នាំមកហើយ វាយប្រហារលើ
សង្គ្រាមអ៊ុយក្រែន ៖ ប្រធានាធិបតីរុស្ស៊ីលោកវ្លាំឌីមៀរពូទីនក្នុងរដូវរងា២ឆ្នាំមកហើយ វាយប្រហារលើបណ្ដាហេដ្ឋារចនាសម្ព័ន្ធថាមព លអ៊ុយក្រែន ធ្វើឲ្យពលរដ្ឋប្រទេសនេះត្រូវរស់នៅដោយលំបាកវេទនា ក្នុងភាពងងឹតនិងក្រោមធាតុអាកាសត្រជាក់ខ្លាំងព្រោះតែការដាច់ភ្លើង។ ពេលនេះដល់វេនអ៊ុយក្រែន ធ្វើបាបរុស្សុីវិញម្ដងដោយវាយប្រហារជាមួយដ្រូនបណ្ដាហេដ្ឋារចនាសម្ព័ន្ធថាមពលរុស្ស៊ី។
កាលពីថ្ងៃទី៩មករាអ៊ុយក្រែនបានវាយ ប្រហារដោយដ្រូន សំដៅលើប្លុកប្រេងនិងថាមពលមួយនៃទីក្រុងអូរែលភាគខាងលិចរុស្សុី។ អាជ្ញាធរមូលដ្ឋានអះអាងថា ឃ្លាំងប្រេងមួយរងការប៉ះពាល់ព្រមទាំងអគាររបស់ក្រុមហ៊ុនផ្គត់ផ្គង់ថាមពលមូលដ្ឋានមួយគឺក្រុមហ៊ុនORYOLENERGO។
ការវាយប្រហាររបស់អ៊ុយក្រែនលើដែនដីរុស្សុី អាចធ្វើឡើងជាពិសេសដោយដ្រូនរយៈឆ្ងាយ។ ទីក្រុងអូរែលស្ថិតនៅប្រមាណជា៣៧០គីឡូម៉ែត្រ ខាងត្បូងក្រុងមូស្គូនិង២២៥គីឡូម៉ែត្រពីព្រំដែនអ៊ុយក្រែន។ អភិបាលក្រុងនោះលោកអានដ្រេក្លីតកូវអះអាងពីការវាយប្រហារនេះតាមរយៈសារតេឡេក្រាមមួយដោយបញ្ជាក់ថា អគ្គិភ័យមួយត្រូវបានពន្លត់។ ក្នុងពេលវាយប្រហាររបស់ដ្រូនសត្រូវ លើទីតាំងប្លុកថាមពលនិងប្រេងតំបន់ក្រុងអូរែល នុស្ស៣នាក់រងរបួសស្រាល៕
ចែករំលែកព័តមាននេះ