លោកហ្សេឡេនស្គី ថាការរារែករបស់លោកខាងលិច ដូចឱ្យដៃដល់រុស្ស៊ី
សង្គ្រាមអ៊ុយក្រែន ៖ ដោយធ្វើដំណើរទៅកាន់ប្រទេសលីទុយអានី កាលពីថ្ងៃទី១០ មករា ប្រធានា
សង្គ្រាមអ៊ុយក្រែន ៖ ដោយធ្វើដំណើរទៅកាន់ប្រទេសលីទុយអានី កាលពីថ្ងៃទី១០ មករា ប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី សម្ដែងការព្រួយបារម្ភរបស់លោក ចំពោះការរារែករបស់ពួកលោកខាងលិចក្នុងការផ្ដល់ជំនួយដល់អ៊ុយក្រែន។
ក្នុងសន្និសីទសារព័ត៌មានមួយរួមជាមួយសមភាគីលីទុយអានី លោកហ្ស៊ីតាណាស់ណាអ៊ូសឹដា លោកហ្សេឡេនស្គីពន្យល់ថា ការរារែកនេះជាការឲ្យដៃដល់រុស្ស៊ី។ ការរារែកនេះរបស់បណ្ដាដៃគូយើងទាក់ទិនដល់ជំនួយហិរញ្ញវត្ថុនិងយោធាដល់អ៊ុយក្រែន គ្រាន់តែបង្កើនក្ដីក្លាហាននិងកម្លាំងរបស់រុស្ស៊ី។ លោកថ្លែងបែបនេះប៉ុនប៉ងធ្វើការប្រកាសអាសន្នជាថ្មីដោយលោកថាលោកវ្ល៉ាឌីមៀរ ពូទីន ចង់កាន់កាប់អ៊ុយក្រែនទាំងមូល។
ក្រោយរលកនៃការវាយប្រហារជាច្រើនរបស់រុស្ស៊ីលើដែនដីអ៊ុយក្រែន លោកហ្សេឡេស្គី លើកពីការការខ្វះប្រព័ន្ធការពារអាកាសរបស់លោកខាងលិច។ លោកថារយៈពេលប៉ុន្មានថ្ងៃចុងក្រោយនេះ រុស្ស៊ីវាយប្រហារអ៊ុយក្រែន ដោយគ្រាប់មីស៊ីលនិងដ្រូនសរុបដល់៥០០ តែយើងកម្ទេចអស់៧០%។
កម្មវិធីជំនួយរបស់សហភាពអឺរ៉ុបក្នុងទឹកប្រាក់៥០ពាន់លានអឹរ៉ូ នៅតែបិទខ្ទប់នៅក្រុងព្រុចសែល ក្រោយវេតូរបស់ហុងគ្រី។ ចំណែកសភាអាមេរិកនៅតែប្រទាំងប្រទើសគ្នា លើការផ្ដល់ជំនួយថែមទៀតដល់អ៊ុយក្រែន។
តាមរបាយការណ៍មួយរបស់វិទ្យាស្ថានស្រាវជ្រាវអាល្លឺម៉ង់KIEL INSTITUTE ចេញផ្សាយកាលពីខែធ្នូកន្លងទៅថា ជំនួយដែលសន្យាផ្ដល់ដល់អ៊ុយក្រែន រវាងខែសីហា និងខែតុលា ឆ្នាំំ២០២៣ បានធ្លាក់ចុះជិត៩០% បើប្រៀបធៀបទៅនឹងដំណាក់ដូចគ្នានេះនៃឆ្នាំ២០២២។ នេះជាជំនួយដែលមានកម្រិតទាបបំផុតតាំងពីចាប់ផ្ដើមសង្គ្រាមមក ៕
ចែករំលែកព័តមាននេះ