រាជធានីភ្នំពេញ ៖ ស្ត្រីជាជនសង្ស័យលូកហោប៉ៅល្បីឈ្មោះម្នាក់បានរត់គេចខ្លួនពីក្នុងស្នាក់ការនគរបាលប៉ុស្តិ៍ទួលសង្កែ កាលពីរសៀលថ្ងៃទី១៧ ឧសភា ២០១១ បន្ទាប់ពីត្រូវបានចាប់ខ្លួននៅពេលធ្វើសកម្មភាពលួចអីវ៉ាន់ នៅក្នុងផ្សារទួលសង្កែ ហើយការរត់រួចនោះ មិនគួរឱ្យជឿឡើយ
រាជធានីភ្នំពេញ ៖ ស្ត្រីជាជនសង្ស័យលូកហោប៉ៅល្បីឈ្មោះម្នាក់បានរត់គេចខ្លួនពីក្នុងស្នាក់ការនគរបាលប៉ុស្តិ៍ទួលសង្កែ កាលពីរសៀលថ្ងៃទី១៧ ឧសភា ២០១១ បន្ទាប់ពីត្រូវបានចាប់ខ្លួននៅពេលធ្វើសកម្មភាពលួចអីវ៉ាន់ នៅក្នុងផ្សារទួលសង្កែ ហើយការរត់រួចនោះ មិនគួរឱ្យជឿឡើយ។ ទាក់ទិនការរត់រួចរបស់ជនសង្ស័យមានព័ត៌មានទម្លាយឱ្យដឹងថា ជនសង្ស័យច្បាស់ជាមានមន្ត្រីប៉ូលិសណាម្នាក់ជាអ្នកដោះលែង ព្រោះមុនពេលរត់គេចខ្លួនគឺស្ត្រីជាជនសង្ស័យត្រូវបានគេដាក់ខ្នោះដៃជាប់នឹងម៉ូតូ ដាក់ក្នុងបន្ទប់ ហេតុអ្វីបានជារត់រួចស្រួលៗម៉្លេះ ។
ស្ត្រីជាជនសង្ស័យរត់ចេញពីប៉ុស្តិ៍នគរបាលឈ្មោះម៉ាក់ ស្រីល័ក្ខ អាយុុ១៨ឆ្នាំ មានទីលំនៅភូមិស្ពានខ្ពស់ សង្កាត់គីឡូម៉ែត្រលេខ៦ ហើយត្រូវបានកម្លាំងសន្តិសុខផ្សារទួលសង្កែចាប់ខ្លួនកាលពីវេលាម៉ោង៨ព្រឹកថ្ងៃទី១៧ ឧសភា ខណៈធ្វើសកម្មភាពលូកហោប៉ៅពីស្ត្រីមានផ្ទៃពោះម្នាក់ចូលផ្សារយកបាន៨០ដុល្លារ ។ បន្ទាប់ពីចាប់ខ្លួនបញ្ជូនទៅស្នាក់ការផ្សារ សន្តិសុខបាននាំយកស្ត្រីនោះទៅឆែកឆេរដកហូតបានប្រាក់៨០ដុល្លារ រួចប្រគល់ទៅឱ្យម្ចាស់ដើមវិញ ។
ដោយឡែកស្ត្រីជាជនសង្ស័យលួចត្រូវបានគណៈកម្មការផ្សារហៅសមត្ថកិច្ចប៉ូលិសទួលសង្កែនាំខ្លួនទៅចាត់ការតាមច្បាប់ ។ តាមព័ត៌មានឱ្យដឹងថា បន្ទាប់ពីបញ្ជូនទៅកាន់ស្នាក់ការប៉ុស្តិ៍ធ្វើការសាកសួរ ស្ត្រីរូបនោះត្រូវបានមន្ត្រីប៉ូលិសប៉ុស្តិ៍ម្នាក់ឈ្មោះឈុន សុខជា ដាក់ខ្នោះដៃជាប់នឹងម៉ូតូធុន C100 កូរ៉េក្នុងបន្ទប់ ហើយរហូតដល់ម៉ោង២ទៅ៣រសៀល ស្រាប់តែមន្ត្រីប៉ូលិសរូបនោះប្រាប់ថា ស្ត្រីជាប់សង្ស័យរត់គេចបាត់ទៅវិញ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព.
ចែករំលែកព័តមាននេះ