ហេសប៊ុលឡាហ៍ អះអាងវា.យប្រហារទីបញ្ជាការដ្ឋានយោធាអ៊ីស្រាអែល
សង្គ្រាមអ៊ីស្រាអែលនិងក្រុមហាម៉ាស់ ៖ ក្រុមហេសប៊ុលឡាហ៍លីបង់អះអាងថា បានវា.យប្រហារនាថ្ងៃទី
សង្គ្រាមអ៊ីស្រាអែលនិងក្រុមហាម៉ាស់ ៖ ក្រុមហេសប៊ុលឡាហ៍លីបង់អះអាងថា បានវា.យប្រហារនាថ្ងៃទី៩ មករា លើមជ្ឈមណ្ឌលទីបញ្ជាការកងទ័ពអ៊ីស្រាអែលនៅភាគខាងជើងប្រទេស ជាការឆ្លើយតបចំពោះការសម្លា.ប់ជនទី២របស់ក្រុមហាម៉ាស់ប៉ាឡេស្ទីន និងអ្នកទទួលខុសត្រូវជាន់ខ្ពស់ម្នាក់របស់ក្រុមគេ។
ចលនាអ៊ិស្លាមលីបង់នោះក្នុងសេចក្ដីប្រកាសមួយនិយាយថា បានវាយប្រហារមជ្ឈមណ្ឌលទីបញ្ជាការតំបន់ខាងជើងរបស់កងទ័ពអ៊ីស្រាអែល ដោយប្រើដ្រូនអត្តឃា.តច្រើនគ្រឿង ជាការឆ្លើយតបចំពោះការសម្លា.ប់កាលពីថ្ងៃទី២មករា ជនទី២របស់ហាម៉ាស់លោកសាឡេហ៍អាល់អារូរី និងការសម្លា.ប់អ្នកទទួលខុសត្រូវជាន់ខ្ពស់ម្នាក់របស់ក្រុមគេ លោកវីសសាមតាវីលកាលពីថ្ងៃទី៨មករា។
ការវាយប្រហារគ្នារវាងអ៊ីស្រាអែលនិងក្រុមហេសប៊ុលឡាហ៍ កើតមានស្ទើររាល់ថ្ងៃនៅព្រំដែនរវាងអ៊ីស្រាអែលនិងលីបង់ ចាប់តាំងពីថ្ងៃទី៨តុលាមក។ តាំងពីកើតមានអំពើហិង្សាមក ក្រុមហេសប៊ុលឡាហ៍បាត់បង់យុទ្ធជនខ្លួនយ៉ាងតិច១៣៥នាក់ ក្នុងការវាយប្រហាររបស់អ៊ីស្រាអែលលើភាគខាងត្បូងលីបង់។ ចំណែកជនសីុវិលជាង២០នាក់ក្នុងនោះមានអ្នកកាសែត៣នាក់ក៏ត្រូវស្លា.ប់ដែរ។ នៅភាគខាងជើងអីុស្រាអែលទាហាន៩នាក់និងជនស៊ីវិល៥នាក់ត្រូវស្លា.ប់៕
ចែករំលែកព័តមាននេះ