ម៉ូតូវេស្ពា១គ្រឿងកំពុងធ្វើដំណើរសុខៗ ត្រូវភ្លើងឆេះយ៉ាងសន្ធោសន្ធៅ
- ភ្នំពេញ
រាជធានីភ្នំពេញ ៖ ម៉ូតូម៉ាកវេស្ពាមួយគ្រឿងកំពុងតែធ្វើដំណើរតាមដងផ្លូវសុខៗ សង្ស័យឆ្លងចរន្ត
រាជធានីភ្នំពេញ ៖ ម៉ូតូម៉ាកវេស្ពាមួយគ្រឿងកំពុងតែធ្វើដំណើរតាមដងផ្លូវសុខៗ សង្ស័យឆ្លងចរន្តអគ្គិសនី ឆាបឆេះយ៉ាងសន្ធោសន្ធៅ រងការខូចខាតទាំងស្រុង សល់តែដែកអេតចាយ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៣និង៥០នាទី រសៀលថ្ងៃទី៩ ខែ មករា ឆ្នាំ ២០២៤ នៅតាមបណ្តោយផ្លូវលេខ ២៧១ ខាងត្បូងផ្សារហេងលី ក្នុង សង្កាត់ទឹកថ្លា ខណ្ឌសែនសុខ រាជធានីភ្នំពេញ ហើយរថយន្តពន្លត់អគ្គីភ័យ១គ្រឿងបានទៅអន្តរាគមន៍ផងដែរ។
ម៉ូតូដែលត្រូវភ្លើងឆេះ ពុំត្រូវបានគេស្គាល់ស្លាកលេខ និងម្ចាស់នោះទេ ។
តាមព័ត៌មានអោយដឹងថា នៅមុនពេលកើតហេតុ គេឃើញម៉ូតូម៉ាកវេស្ពា១គ្រឿងខាងលើ ជិះគ្នា២នាក់បានធ្វើដំណើរតាមផ្លូវលេខ២៧១ ក្នុងទិសដៅពីខាងមន្ទីរពេទ្យព្រះកុសុមៈ ទៅខាងស្តុបណូគា ។ខណៈពេលធ្វើដំណើរហួសផ្សារហេងលីបន្តិច ទំនងជាឆ្លងចរន្តអាគុយ ឆេះហុយទ្រលោម និងក្លាយជាអណ្តាតភ្លើង ភ្លាមៗអ្នកបើកបរ ក៏បានអែបខាងផ្តួលម៉ូតូចោលរត់ចេញ ។
តាមព័ត៌មានបានអោយដឹងទៀតថា ខណៈនោះ ប្រជាពលរដ្ឋក្បែរខាងក៍បាននាំគ្នាជួយយកបំពង់ពន្លត់អគ្គីភ័យ បាញ់ពន្លត់ តែពុំអាចទប់ស្គាត់បាន ត្រូវភ្លើងឆេះតាមចិត្តយ៉ាងសន្ធោសន្ធៅ និងបង្កអោយមានការភ្ញាក់ផ្អើលដល់រថយន្តពន្លត់អគ្គីភ័យ១គ្រឿង ទៅអន្តរាគមន៍បាញ់ពន្លត់ តែម៉ូតូ១គ្រឿង រងការខូចខាតទាំងស្រុង ។ បន្ទាប់ពីភ្លើងបានរលត់ទៅ គេឃើញបុរសម្នាក់ ដែលគេអះអាងថា ម្ចាស់ម៉ូតូបានត្រឡប់មកវិញ តែពុំបានអោយដឹងនោះទេ ។
តាមប្រភពព័ត៌មានបានអោយដឹងថា ម៉ូតូ១គ្រឿង រួមទាំងសម្ភារៈមួយចំនួននៅក្នុងឃ្លុបម៉ូតូ ត្រូវភ្លើងឆេះរងការខូចខាតទាំងស្រុង តែពុំបានបណ្តាលឆេះរាលដាល និងរងគ្រោះថ្នាក់ដល់មនុស្សឡើយ ៕
ចែករំលែកព័តមាននេះ