នាយករដ្ឋមន្ត្រីថៃ ៖ ការដំឡើងអត្រាការប្រាក់របស់ធនាគារកណ្តាល ប៉ះពាល់ដល់សេដ្ឋកិច្ចជាតិ
ប្រទេសថៃ ៖ នាយករដ្ឋមន្ត្រីថៃ លោក សេដ្ឋា ថាវីស៊ីន បានលើកឡើងថា ការដំឡើងអត្រាការប្រាក់
ប្រទេសថៃ ៖ នាយករដ្ឋមន្ត្រីថៃ លោក សេដ្ឋា ថាវីស៊ីន បានលើកឡើងថា ការដំឡើងអត្រាការប្រាក់
ប្រទេសថៃ ៖ នាយករដ្ឋមន្ត្រីថៃ លោក សេដ្ឋា ថាវីស៊ីន បានលើកឡើងថា ការដំឡើងអត្រាការប្រាក់របស់ធនាគារកណ្តាលថៃ គ្មានផលល្អទាល់តែសោះសម្រាប់សេដ្ឋកិច្ចជាតិ ថែមទាំងប៉ះពាល់យ៉ាងធ្ងន់ធ្ងរដល់គ្រួសារមានចំណូលទាប រួមទាំងអាជីវកម្មខ្នាតតូច។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី៨ ខែមករា ឆ្នាំ២០២៤។
រដ្ឋាភិបាលលោកនាយករដ្ឋមន្ត្រីថៃ សេដ្ឋា ថាវីស៊ីន មហាសេដ្ឋីអចលនទ្រព្យដែលបានចូលកាន់តំណែងកាលពីខែសីហា ឆ្នាំ២០២៣ កំពុងស្វែងរកការជំរុញកំណើនសេដ្ឋកិច្ចរបស់ប្រទេសសេដ្ឋកិច្ចធំទីពីរនៅអាស៊ីអាគ្នេយ៍មួយនេះ តាមរយៈការជំរុញការចំណាយរបស់អ្នកប្រើប្រាស់។
លោកនាយករដ្ឋមន្ត្រីថៃ បានលើកឡើងនៅលើប្រព័ន្ធផ្សព្វផ្សាយសង្គម X កាលពីថ្ងៃអាទិត្យសប្តាហ៍មុនថា ធនាគារនៃប្រទេសថៃបានដំឡើងអត្រាការប្រាក់ ទោះបីជាអតិផរណាអវិជ្ជមានជាច្រើនខែជាប់ៗគ្នាយ៉ាងក៏ដោយ ដែលគ្មានផលល្អសម្រាប់សេដ្ឋកិច្ចជាតិទាល់តែសោះ ហើយថែមទាំងជះឥទ្ធិពលដល់ប្រជាជនមានប្រាក់ចំណូលទាប និងសហគ្រាសធុនតូច និងមធ្យម។ លោកសង្ឃឹមថា ធនាគារកណ្តាលនឹងរួមចំណែកជួយប្រជាជន ដោយមិនដំឡើងអត្រាការប្រាក់ក្នុងទិសដៅផ្ទុយពីអតិផរណា។
ធនាគារកណ្តាលថៃបានរក្សាអត្រាគោលរបស់ខ្លួនមិនផ្លាស់ប្តូរនៅ ២.៥% នៅក្នុងខែវិច្ឆិកា ឆ្នាំ២០២៣ ដោយបានដំឡើងចំនួន២០០ពិន្ទុមូលដ្ឋាន ចាប់តាំងពីខែសីហាឆ្នាំមុន ដើម្បីទប់ស្កាត់អតិផរណា។ ចំណែកអតិផរណាស្ថិតនៅ -០.៨៣% នៅក្នុងខែធ្នូ ឆ្នាំមុន និងនៅខែទី៨ជាប់ៗគ្នា ដែលស្ថិតក្រៅគោលដៅរបស់ធនាគារកណ្តាលចាប់ពី ១% ទៅ ៣%៕
ចែករំលែកព័តមាននេះ