ភ្នំភ្លើងអ៊ីស្លង់ GRIMSVÖTN លែងផ្ទុះទៀតកាលពីថ្ងៃទី២៥ ឧសភា រួចលែងបញ្ចេញផេះទៀតហើយ ចំណែកបណ្តាក្រុមហ៊ុនអាកាសចរណ៍ចាប់ផ្តើមធ្វើការហោះហើរឡើងវិញជាធម្មតា ។ អង្គការ EUROCONTROL ដែលគ្រប់គ្រងដែនអាកាសអឺរ៉ុបវាយតម្លៃថា ពពកផេះភ្នំភ្លើងនេះ ដែលញ៉ាំងឱ្យមានការលុបចោលជើងហោះហើរជាច្រើនរយនៅអង់គ្លេស
ភ្នំភ្លើងអ៊ីស្លង់ GRIMSVÖTN លែងផ្ទុះទៀតកាលពីថ្ងៃទី២៥ ឧសភា រួចលែងបញ្ចេញផេះទៀតហើយ ចំណែកបណ្តាក្រុមហ៊ុនអាកាសចរណ៍ចាប់ផ្តើមធ្វើការហោះហើរឡើងវិញជាធម្មតា ។
អង្គការ EUROCONTROL ដែលគ្រប់គ្រងដែនអាកាសអឺរ៉ុបវាយតម្លៃថា ពពកផេះភ្នំភ្លើងនេះ ដែលញ៉ាំងឱ្យមានការលុបចោលជើងហោះហើរជាច្រើនរយនៅអង់គ្លេស និងនៅអាល្លឺម៉ង់ ព្រមទាំងក្នុងផ្នែកមួយចំនួននៃតំបន់ស្កង់ឌីណាវនឹងត្រូវបាត់នាពេលយប់ ។ កាលពីថ្ងៃទី២៥ ឧសភា ជើងហោះហើរនៃយន្តហោះចំនួនប្រមាណជា៤៨០ជើង ត្រូវបានលុបចោលនៅអាល្លឺម៉ង់ ។
ការផ្ទុះភ្នំភ្លើង GRIMSVÖTN ដែលចាប់ផ្តើមពីថ្ងៃទី២១ ឧសភា មក ពុំបង្កការរាំងស្ទះធ្ងន់ធ្ងរដល់ការដឹកជញ្ជូនតាមអាកាសដូចការផ្ទុះភ្នំភ្លើង EYJAFJALLA-JÖKULL នៅអ៊ីស្លង់ដែរ កាលពីឆ្នាំទៅមិញឡើយ ។ ភ្នំភ្លើង GRAISVÖTN ពេលនេះបញ្ចេញតែចំហាយ និងគ្មានបញ្ចេញពពកផេះឡើយ ។ ភ្នំភ្លើងនេះហាក់ដូចជាកំពុងតែឈប់ធ្វើសកម្មភាព ៕
ចែករំលែកព័តមាននេះ