៥ថ្ងៃក្រោយរញ្ជួយដីនៅជប៉ុន រកឃើញយាយអាយុ៩០ម្នាក់ នៅរស់រានមានជីវិត
ប្រទេសជប៉ុន ៖ ការរញ្ជួយដីខ្លាំងមួយនៅភាគកណ្ដាលជប៉ុនពីថ្ងៃទី១ មករា មក តាមតុល្យការថ្មីចេញ
ប្រទេសជប៉ុន ៖ ការរញ្ជួយដីខ្លាំងមួយនៅភាគកណ្ដាលជប៉ុនពីថ្ងៃទី១ មករា មក តាមតុល្យការថ្មីចេញផ្សាយនាព្រឹកថ្ងៃទី៨ មករា ដោយអាជ្ញាធរថា ចំនួនអ្នកស្លាប់ឡើងដល់យ៉ាងតិច១៦១នាក់ ចំណែកមនុស្ស១០៣នាក់នៅតែបាត់ខ្លួន។ មុននេះនាថ្ងៃទី៦ មករា ពួកអ្នកជួយសង្គ្រោះកាយរកឃើញ ជីដូនម្នាក់អាយុ៩០ឆ្នាំនៅរស់រានមានជីវិត ក្រោយពីជាប់ក្រោមគំនរបាក់បែកនៃផ្ទះរបស់គាត់អស់ពេល៥ថៃ្ងមក។
អ្នកជួយសង្គ្រោះមកពីគ្រប់ទិសទីនៃប្រទេសជប៉ុន បន្តរុករកក្រោមគំនរបាក់បែកសាកសពមនុស្សឬអ្នកដែលអាចនៅរស់រានមានជីវិត។ លោកយាយដែលរកឃើញគាត់នៅមានការចងចាំល្អ អាចឆ្លើយតបច្បាស់គ្រប់សំនួរ។លោកយាយត្រូវបានបញ្ជូនទៅកាន់មន្ទីរពេទ្យមួយដើម្បីព្យាបាល។ ក្នុងវីដេអូមួយដែលប៉ូលិសចេញផ្សាយនិងដកស្រង់ផ្សាយតាមបណ្ដាញសង្គម គេឃើញពេលពួកអ្នកជួយសង្គ្រោះកាយឃើញគាត់ហើយស្រែកសួរគាត់ថាតើលោកយាយយ៉ាងម៉េចដែរ គាត់ឆ្លើយយ៉ាងច្បាស់ថា អត់អីទេ៕
ចែករំលែកព័តមាននេះ