ខេត្តកោះកុង ៖ ថ្លែងចេញពីទឹកដីខេត្តកោះកុង សម្តេចធិបតី នាយករដ្ឋមន្ត្រី បានគូសបញ្ជាក់ដោយចំអកទៅកាន់អ្នកខ្លះ មានទាំងបរទេស ដែលប្រកាសអួតថា ស្នេហាបរិស្ថាន តែពេលមានសង្គ្រាម…
ខេត្តកោះកុង ៖ ថ្លែងចេញពីទឹកដីខេត្តកោះកុង សម្តេចធិបតី នាយករដ្ឋមន្ត្រី បានគូសបញ្ជាក់ដោយចំអកទៅកាន់អ្នកខ្លះ មានទាំងបរទេស ដែលប្រកាសអួតថា ស្នេហាបរិស្ថាន តែពេលមានសង្គ្រាម នាំគ្នារត់ចោលបាត់ ដោយមិនហ៊ានចូលរួមប្រយុទ្ធនោះទេ។
សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការ «ស្ពានសម្តេចតេជោ ហ៊ុន សែន កោះយ៉» ក្នុងស្រុកមណ្ឌលសីមា ខេត្តកោះកុង នាព្រឹកថ្ងៃទី៨ ខែមករា ឆ្នាំ២០២៤ បានលើកឡើងយ៉ាងដូច្នេះថា ៖ «បើគ្មានសន្តិភាព តំបន់ទាំងអស់នោះ តើមានប្រជាពលរដ្ឋទៅរស់នៅរួចទេ ? អ្នកខ្លះ ឥឡូវតាំងខ្លួនជាអ្នកស្រឡាញ់ធម្មជាតិ ទាំងបរទេសខ្លះចូលទៅធ្វើកម្មភាព នៅតំបន់នោះថា ខ្លួនការពារបរិស្ថាន ប៉ុន្តែកាលពេលសង្គ្រាមវ៉ៃគ្នា ចាំគ្នានាំចូលតើ» ។
សម្តេចធិបតី បានបន្តថា មានអ្នកខ្លះ គ្រាន់តែរាជរដ្ឋាភិបាល ធ្វើការដំឡើងឲ្យប្រជាពលរដ្ឋប្រើប្រាស់ មានប្រជាពលរដ្ឋពី ឬបីឃុំ បានស្នើសុំឲ្យដំឡើងឲ្យគាត់ប្រើប្រាស់ដែរ។ តែដល់សួរថា ហេតុអ្វីពេលមុន មិនចាំតភ្ជាប់ប្រើប្រាស់ គាត់ថា មានអ្នកខ្លះថា កុំត ព្រោះខ្លះ អីចេះ ខ្លាចអីចុះ ។
សម្តេចធិបតី បានអះអាងថា ការអភិវឌ្ឍប្រទេស គឺកើតចេញពីប្រទេសមានសន្តិភាព ផ្ទុយទៅវិញ បើគ្មានសន្តិភាពទេ គឺមិនអាចធ្វើអ្វីបាននោះទេ ។
ជាមួយគ្នានោះដែរ ប្រមុខរាជរដ្ឋាភិបាល បានលើកឡើងថា ៖ «ខ្ញុំមិនថា អ្វីទេ តែបើគ្មានសន្តិភាព តើយើងអាចបង្រូមបង្រួមជាតិបាន ឬទេ ? យើងអាចធ្វើខេត្តកោះកុង ភ្ជាប់នៅពេលសព្វថ្ងៃនេះ បានទេ » ៕
ចែករំលែកព័តមាននេះ