ប្រជាកសិករ ក៏ដូចជាម្ចាស់កសិដ្ឋានចិញ្ចឹមសត្វជ្រូក និងសត្វគោ បាននាំគ្នាត្អូញត្អែរអំពីតម្លៃសា.ច់សត្វធ្លាក់ចុះ ធ្វើឱ្យពួកគាត់ខាតបង់ថវិការជាច្រើន ខ្លះចង់បោះបង់ការចិញ្ចឹម និងលក់កសិដ្ឋានរបស់ខ្លួនចោល ព្រោះមិនអាចទប់ទល់នឹង
ខេត្តកំពង់ឆ្នាំង ៖ ប្រជាកសិករ ក៏ដូចជាម្ចាស់កសិដ្ឋានចិញ្ចឹមសត្វជ្រូក និងសត្វគោ បាននាំគ្នាត្អូញត្អែរអំពីតម្លៃសា.ច់សត្វធ្លាក់ចុះ ធ្វើឱ្យពួកគាត់ខាតបង់ថវិការជាច្រើន ខ្លះចង់បោះបង់ការចិញ្ចឹម និងលក់កសិដ្ឋានរបស់ខ្លួនចោល ព្រោះមិនអាចទប់ទល់នឹងប្រាក់ចងការ និងយកដើមមកបើកអាជីវកម្មចិញ្ចឹមសត្វបន្តទៀតបាន ។
បន្ទាប់ពីចាប់ជ្រូកលក់ឱ្យឈ្មួញមកទិញកា.ប់សា.ច់អស់១៣ក្បាល ក្នុងចំណោមជ្រូកជាង៣០ក្បាល លោក ពាញ គាលី ដែលជាម្ចាស់កសិដ្ឋានចិញ្ចឹមសត្វជ្រូក និងគោ ស្ថិតក្នុងភូមិត្រពាំងក្របៅ ឃុំខ្លុងពពក ស្រុកទឹកផុស ខេត្តកំពង់ឆ្នាំង បានរៀបរាប់ពីក្តីអស់សង្ឃឹមទៅលើអាជីវកម្មចិញ្ចឹមសត្វនេះថា ៖ «តម្លៃជ្រូករស់លក់នៅថ្ងៃនេះ គឺតម្លៃត្រឹមតែ៦ពាន់រៀល ក្នុង១គីឡូក្រាមប៉ុណ្ណោះ គឺថោកខ្លាំងណាស់។ ហើយបើគិតតម្លៃដែលអ្នកចិញ្ចឹមជ្រូកអាចចំណេញបានខ្លះ គឺចាប់ពីជាង៨ពាន់ទៅ៩ពាន់រៀលក្នុង១គីឡូក្រាម ដូច្នេះបើជ្រូក១ក្បាល មានទម្ងន់ជាង១០០គីឡូ អ្នកចិញ្ចឹមជ្រូកត្រូវខាតអស់ជាង៤០ម៉ឺនរៀល»។
ជាម្ចាស់កសិដ្ឋានចិញ្ចឹមសត្វជ្រូក និងគោខាងលើបន្តថា «ចំណែកសត្វគោវិញក៏ដូចគ្នាដែរ តម្លៃទិញចូលមកចិញ្ចឹមបំប៉នយកសាច់១គីឡូក្រាម ថ្លៃត្រឹម១ម៉ឺន២ពាន់រៀលតែប៉ុណ្ណោះ បច្ចុប្បន្នតម្លៃលក់ចេញត្រឹមតែ៧ពាន់រៀលប៉ុណ្ណោះ ក្នុង១គីឡូក្រាម។ បើនិយាយពីតម្លៃចំណីជ្រូកវិញ ចំណីកូនជ្រូកទើបចាប់ផ្តើមចិញ្ចឹម១បេ តម្លៃ១ម៉ឺន៥ពាន់រៀល រីឯចំណីកូនធំបន្តិច១បេ ថ្លៃ១ម៉ឹន២ពាន់រៀល និងចំណីឱ្យស៊ីរហូតដល់ធំចាប់លក់ ១បេ តម្លៃ៦ម៉ឺន៥ពាន់រៀល បើគិតពីចិញ្ចឹមរហូតចាប់លក់ ក្នុងទម្ងន់១០០គីឡូ ជ្រូក១ក្បាលស៊ីអស់៦បេឯណោះ»។
ម្ចាស់កសិដ្ឋានចិញ្ចឹមសត្វរូបនោះ បានបញ្ជាក់ពីមូលហេតុដែលនាំឱ្យតម្លៃសា.ច់សត្វធ្លាក់ចុះថា «គឺដោយសារការលួ.ចនាំចូលសា.ច់បង្កកច្រើនពេក ហើយទ្រង់ទ្រាញនាំចូលដោយសម្រុកទៀតផង»។
ប្រភពដដែលបន្តទៀតថា «ដោយហេតុនេះហើយ លោកសូមសំណូមពរដល់ក្រសួងកសិកម្ម សូមមេត្តាជួយចាត់វិធានការទៅលើការលួ.ចនាំចូលសា.ច់បង្កកចូលក្នុងស្រុកឱ្យបានម៉ឺនម៉ាត់បំផុត ព្រោះបើមិនដូច្នោះទេ កុំថាឡើយអ្នកចិញ្ចឹមសត្វខ្នាតធំ ខ្នាតមធ្យម សូម្បីតែអ្នកចិញ្ចឹមមាន់ទាបួនដប់ក្បាលសម្រាប់តែទិញសៀវភៅឱ្យកូនរៀន ក៏ខាតបង់ដែរ។ សម្រាប់រូបលោក បើតម្លៃសា.ច់ក្នុងទីផ្សារនៅបន្តធ្លាក់ចុះបែបនេះទៀត លោកនឹងលក់កសិដ្ឋានឈប់ចិញ្ចឹមហើយ ដោយសារតែរកប្រាក់បង់ធនាគារមិនបានទេ ព្រោះមុខរបរនេះសុទ្ធតែយកប្រាក់ពីធនាគារទាំងអស់»។
ជុំវិញបញ្ហាខាងលើនេះ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានបញ្ជាក់ថា «កត្តាសា.ច់ចុះថោក វាគឺជាតម្លៃទីផ្សាររួមទូទាំងប្រទេស ហើយក៏មិនសំដៅដោយសារតែសាច់បង្កកនាំចូលពីប្រទេសជិតខាងដែរ វារួមសមនឹងមានការចិញ្ចឹមច្រើន។ ហើយបច្ចុប្បន្ន នៅទូទាំងប្រទេស សា.ច់ជ្រូករស់មួយគីឡូក្រាម ៦ ២០០រៀល និងសា.ច់គោរស់មួយគីឡូក្រាម ជាង៧ពាន់រៀល ជាទូទៅទៅហើយ»៕
ចែករំលែកព័តមាននេះ