រាជធានីភ្នំពេញ៖ យោងតាមការផ្សាយរបស់មន្ទីរពេទ្យមិត្តភាពខ្មែរ-សូវៀត ជំងឺធ្លាក់ទឹកចិត្តគឺជាជំងឺផ្លូវចិត្តដ៏ធ្ងន់ធ្ងរ ដែលមិនត្រឹមតែជាការសោកសៅបន្តិចបន្តួចប៉ុណ្ណោះទេ ប៉ុន្តែវាប៉ះពាល់ដល់គ្រប់ទិដ្ឋភាពនៃជីវិត រួមទាំងនៅផ្ទះ កន្លែងធ្វើការ និងសាលារៀន។ លក្ខខណ្ឌចម្បងនៃវគ្គជំងឺ ក្នុងអំឡុងពេលនៃជំងឺធ្លាក់ទឹកចិត្ត…
រាជធានីភ្នំពេញ៖ យោងតាមការផ្សាយរបស់មន្ទីរពេទ្យមិត្តភាពខ្មែរ-សូវៀត ជំងឺធ្លាក់ទឹកចិត្តគឺជាជំងឺផ្លូវចិត្តដ៏ធ្ងន់ធ្ងរ ដែលមិនត្រឹមតែជាការសោកសៅបន្តិចបន្តួចប៉ុណ្ណោះទេ ប៉ុន្តែវាប៉ះពាល់ដល់គ្រប់ទិដ្ឋភាពនៃជីវិត រួមទាំងនៅផ្ទះ កន្លែងធ្វើការ និងសាលារៀន។
ក្នុងអំឡុងពេលនៃជំងឺធ្លាក់ទឹកចិត្ត អ្នកជំងឺនឹងជួបប្រទះនូវអារម្មណ៍សំខាន់ពីរ៖
ចំណាំសំខាន់! វគ្គនៃជំងឺធ្លាក់ទឹកចិត្តគឺខុសពីការប្រែប្រួលអារម្មណ៍ធម្មតា។ រោគសញ្ញាទាំងនេះត្រូវតែមានរយៈពេល ស្ទើរតែពេញមួយថ្ងៃ ស្ទើរតែរៀងរាល់ថ្ងៃ យ៉ាងហោចណាស់ ពីរ (២) សប្តាហ៍។
ក្រៅពីអារម្មណ៍ធ្លាក់ទឹកចិត្ត និងបាត់បង់ចំណាប់អារម្មណ៍ សញ្ញាផ្សេងទៀតដែលអ្នកជំងឺអាចមានរួមមាន៖
ការផ្តោតអារម្មណ៍មិនល្អ៖ ពិបាកក្នុងការគិត ឬសម្រេចចិត្ត។
អារម្មណ៍នៃតម្លៃខ្លួនឯងទាប/កំហុសខ្លាំងពេក៖ មានអារម្មណ៍ថាខ្លួនឯងគ្មានតម្លៃ ឬបន្ទោសខ្លួនឯងឥតឈប់ឈរ។
ភាពអស់សង្ឃឹមអំពីអនាគត៖ មើលមិនឃើញពន្លឺ ឬដំណោះស្រាយទៅថ្ងៃមុខ។
គំនិតអំពីការស្លាប់ ឬការធ្វើអត្តឃាត៖ ជាសញ្ញាអាសន្នបំផុតដែលត្រូវស្វែងរកជំនួយភ្លាមៗ។
រំខានដំណេក៖ គេងមិនលក់ ឬគេងច្រើនជ្រុល។
ការផ្លាស់ប្តូរចំណង់អាហារ ឬទម្ងន់៖ ស្រក ឬឡើងទម្ងន់ដោយមិនដឹងមូលហេតុ។
មានអារម្មណ៍អស់កម្លាំងខ្លាំង ឬថាមពលទាប៖ ខ្សោយកម្លាំង និងគ្មានកម្លាំងធ្វើការងារ។
ជំងឺធ្លាក់ទឹកចិត្តអាចធ្វើឲ្យអ្នកជំងឺជួបការលំបាកក្នុងគ្រប់ទិដ្ឋភាពទាំងអស់នៃជីវិត។ ប្រសិនបើអ្នក ឬអ្នកដែលអ្នកស្គាល់ មានរោគសញ្ញាទាំងនេះ សូមស្វែងរកការពិគ្រោះយោបល់ជាមួយគ្រូពេទ្យឯកទេសផ្លូវចិត្តជាបន្ទាន់៕
ចែករំលែកព័តមាននេះ