ករណីជនជាតិចិនចំនួន៣៧នាក់បង្កជម្លោះចា.ក់សម្លា.ប់គ្នានៅក្នុងខុនដូ «ព្រីនស៍ផ្លាហ្សា» ខណ្ឌសែនសុខ រាជធានីភ្នំពេញនោះ នារសៀលថ្ងៃទី០៦ ខែមករា ឆ្នាំ២០២៤នេះ ជនជាតិចិនចំនួន៥នាក់ ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ និង៣២នាក់ទៀត បានប្រគល់ឲ្យទៅ
រាជធានីភ្នំពេញ ៖ ករណីជនជាតិចិនចំនួន៣៧នាក់បង្កជម្លោះចា.ក់សម្លា.ប់គ្នានៅក្នុងខុនដូ «ព្រីនស៍ផ្លាហ្សា» ខណ្ឌសែនសុខ រាជធានីភ្នំពេញនោះ នារសៀលថ្ងៃទី០៦ ខែមករា ឆ្នាំ២០២៤នេះ ជនជាតិចិនចំនួន៥នាក់ ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ និង៣២នាក់ទៀត បានប្រគល់ឲ្យទៅនាយកដ្ឋាននគរបាលអន្តោប្រវេសន៍ ដើម្បីរៀបចំបែបបទបណ្តេញចេញទៅក្រៅប្រទេសវិញ។
ជនសង្ស័យទាំង៥នាក់ខាងលើនេះ ក្នុងនោះមាន៤នាក់ គឺនៅសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ រួមមាន ៖ ១- ឈ្មោះ ZHUANG ZONG YI ភេទប្រុស អាយុ២៥ឆ្នាំ, ២- ឈ្មោះ CAI PO HAN ភេទប្រុស អាយុ២២ឆ្នាំ, ៣- ឈ្មោះ DAI JI TING ភេទប្រុស អាយុ៣៧ ឆ្នាំ, ៤- ឈ្មោះ HANG SHUN Li ភេទប្រុស អាយុ២៨ឆ្នាំ។
ចំណែកម្នាក់ទៀតមានឈ្មោះ ZHANG ZHONG MOU ភេទប្រុស អាយុ២២ឆ្នាំ នៅការិយាល័យនគរបាលព្រហ្មទណ្ឌកម្រិតស្រាល ជាអ្នកកសាងសំណុំរឿងទៅកាន់សាលាដំបូងរាជធានីភ្នំពេញដូចគ្នា។ ដោយជាប់ពាក់ព័ន្ធពីបទ ប្រើអំពើហិ.ង្សាដោយចេតនាមានស្ថានទម្ងន់ទោស «ដោយមរណភាពជនរងគ្រោះ» ដែលប្រព្រឹត្តនៅចំណុចអគារខុនដូ «ព្រីនស៍» ជាន់ទី១ និងជាន់ទី៤ ស្ថិតក្នុងភូមិសេបេសេ សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី០៣ ខែមករា ឆ្នាំ២០២៤ ដែលសំណុំរឿងខាងលើនេះ តំណាងអយ្យការអមសាលាដំបូងកំពុងបើកការស៊ើបសួរ ។
សូមជម្រាបថា កាលពីវេលាម៉ោង១រំលងអធ្រាត្រឈានចូលថ្ងៃទី០៣ ខែមករា ឆ្នាំ២០២៤ មានករណីឃា.ត.ក.ម្មមួយរវាងជនជាតិចិន និងជនជាតិចិន ដោយប្រើកូនកាំបិ.តចុងស្រួ.ចចា.ក់សម្លា.ប់គ្នា នៅចំណុចខុនដូ «ព្រីនស៍អីនធើណាសិនណលផ្លាហ្សា» អគារ១ ជាន់ទី៤ ស្ថិតក្នុងភូមិសេប៉េសេ ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ លោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ កម្លាំងសមត្ថកិច្ចនគរបាលការិយាល័យនគរបាលព្រហ្មទណ្ឌកំរិតធ្ងន់ និងកម្រិតស្រាលរាជធានីភ្នំពេញ បានចុះសហការជាមួយកម្លាំងនៃអធិការដ្ឋាននគរបាលខណ្ឌសែនសុខ ទៅដល់កន្លែងកើតហេតុ ហើយធ្វើការស្រាវជ្រាវ និងបង្ក្រាបចាប់ឃាត់ខ្លួនជនជាតិចិនចំនួន៣៧នាក់ ក្នុងនោះមានស្រី៥នាក់, ២នាក់ជាជនជាតិវៀតណាម រួមទាំងដកហូតកាំភ្លើ.ងខ្លីមួយដើម កាំបិ.ត និងវត្ថុរឹងមួយចំនួនមួយទៀត ។
បើតាមការបញ្ជាក់ពីសាក្សីបានឲ្យដឹងថា មុនកើតហេតុ មានជនជាតិចិនប្រុសស្រីមួយក្រុម រួមទាំងជនរងគ្រោះផងដែរ បានទៅអង្គុយផឹកស៊ីជួបជុំគ្នាជាធម្មតា ហើយទំនងប្រើប្រាស់គ្រឿ.ងញៀ.នទៀតផង ។ ក្រោយមក ភាគីទាំងពីរក៏មានទំនាស់គ្នារឿងខ្ទីលុយ ធ្វើឲ្យកើតជាជម្លោះឈ្លោះប្រកែកគ្នាខ្លាំងៗ រហូតមានការដេ.ញវា.យតប់ និងកា.ប់ចា.ក់គ្នាពេញក្នុងអគារខុនដូនោះ ធ្វើឲ្យជនដៃដល់បានដកកាំបិ.តចា.ក់ទៅលើរងគ្រោះម្នាក់ជាច្រើនកាំបិត បណ្តាលឲ្យរងរបួសធ្ងន់ធ្ងរ ហើយត្រូវបានសាច់ញាតិដឹកយកទៅសង្គ្រោះបន្ទាន់នៅមន្ទីរពេទ្យឯកជនមួយ។
នៅពេលកើតហេតុកម្លាំងសមត្ថកិច្ចនគរបាលខណ្ឌសែនសុខ ដឹកនាំដោយលោក ហ៊ួរ ម៉េងវ៉ាង អធិការ ក្រោមការសហការជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល និងកម្រិតធ្ងន់រាជធានីភ្នំពេញ បានចុះទៅដល់ និងធ្វើការឡោមព័ទ្ធចាប់ឃាត់ខ្លួនជនជាតិចិនសរុបចំនួន៣៧នាក់ ។ ក្នុងនោះជនដៃដល់៤នាក់ ត្រូវបានសមត្ថកិច្ចនគរបាលព្រហ្មទណ្ឌកម្រិតធ្ងន់ឃាត់ខ្លួន និង៣៣នាក់ទៀត ស្ថិតនៅនគរបាលព្រហ្មទណ្ឌកម្រិតស្រាល នាំយកទៅសាកសួរតាមជំនាញរៀងៗខ្លួន ។
ជាលទ្ធផលចុងក្រោយ ក៏បានរកឃើញជនសង្ស័យពាក់ព័ន្ធអំពើឃា.តក.ម្មចា.ក់សម្លា.ប់ជនជាតិចិនដូចគ្នាចំនួន៥នាក់ និងបាននាំខ្លួនទៅកសាងសំណុំរឿងបញ្ជូនទៅកាន់តុលាការ ចំណែកឯ៣២នាក់ទៀត ត្រូវបណ្តេញចេញទៅក្រៅប្រទេស ៕
ចែករំលែកព័តមាននេះ