រាជធានីភ្នំពេញ ៖ រថយន្តម៉ាកឡង់គ្រីស្ស័រមួយគ្រឿងត្រូវបានរថភ្លើង បើកបុកពេញទំហឹង បណ្តាលអោយធ្លាក់ផ្លូវរងការខូចខាតធ្ងន់ធ្ងរ ខណៈពេលដែលបើកឆ្លងផ្លូវដែកមិនប្រុងប្រយ័ត្នហើយ រថភ្លើងមកដល់ ។ ទោះបីជាយ៉ាងណានេះ ចាត់ទុកជាសំណាង…
រាជធានីភ្នំពេញ ៖ រថយន្តម៉ាកឡង់គ្រីស្ស័រមួយគ្រឿងត្រូវបានរថភ្លើង បើកបុកពេញទំហឹង បណ្តាលអោយធ្លាក់ផ្លូវរងការខូចខាតធ្ងន់ធ្ងរ ខណៈពេលដែលបើកឆ្លងផ្លូវដែកមិនប្រុងប្រយ័ត្នហើយ រថភ្លើងមកដល់ ។
ទោះបីជាយ៉ាងណានេះ ចាត់ទុកជាសំណាង ពុំបណ្តាលអោយអ្នកបើកបររងរបួសឡើយ ។ ហេតុការណ៍គ្រោះថ្នាក់នេះ បានកើតឡើង កាលពីវេលាម៉ោងប្រមាណ១០និង៣០នាទីព្រឹក ថ្ងៃទី០៦ ខែមករា ឆ្នាំ ២០២៤ នៅចំណុចផ្លូវលំឆ្លងផ្លូវដែកមុខយានដ្ឋានដេយ៍លីអូតូ ក្នុង ភូមិ ភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
រថយន្តដែលបានជួបគ្រោះថ្នាក់នោះ ម៉ាកឡង់គ្រីស្ស័រ ពណ៌ស ពាក់ស្លាកលេខ ភ្នំពេញ២BH.១៥១៨ បើកបរដោយបុរសម្នាក់មិនស្គាល់អត្តសញ្ញាណឡើយ បានរងការខូចខាតខ្ទេចមុខផ្នែកខាងឆ្វេង ។
តាមព័ត៌មានបានអោយដឹងថា នៅមុនពេលកើតហេតុរថយន្តបានបើក ចេញពីយានដ្ឋានខាងលើ ដើម្បីឆ្លងផ្លូវដែក ខណៈនោះក៏បានវ៉ាក់នឹង រថយន្តហ៊ីម៉ាកយ៉ាន់ដាយមួយគ្រឿង ដែលបើកពីមុខ ស្របពេលនោះមានរថភ្លើងមួយខ្សែចេញពីរាជធានីភ្នំពេញហើយ អ្នកបើកបរក៏បានបើកថយក្រោយវិញ តែមិនទាន់ត្រូវរថភ្លើងបុ.កចំក្បាលពេញទំហឹងតែម្តង ។
តាមសាក្សីបានអោយដឹងថា រថយន្តត្រូវរថភ្លើងបុ.កប៉ើងជាច្រើនម៉ែត្រ ធ្លាក់ផ្លូវ ហើយរថយន្តខូចខាតធ្ងន់ធ្ងរ ហើយអ្នកបើកបរបានបើកទ្វារចេញមកដោយពុំរងរបួសឡើយ ។ ចំណែករថភ្លើងធ្លាក់កាងរងការខូចខាត ផ្នែកខាងមុខ រួចក៏បានបន្តដំណើរទៅបាត់ទៅ ។
ភ្លាមៗ អ្នកបើកបររថយន្តក៏បានដោះស្លាកលេខចេញ ។ បន្ទាប់ពីកើតមានគ្រោះថ្នាក់រថយន្ត ត្រូវបាននគរបាលចរាចរណ៍ចុះទៅស្ទួច រួចបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយ ។
ទោះបីជាយ៉ាង គេពុំដឹងថា នណាសងខាងណានោះទេ ។ បើតាមព័ត៌មាន អោយដឹងថា ខាងរថភ្លើងទំនងជាទារសំណងការខូចខាតខណៈដែលម្ចាស់រថយន្តទារការខូចខាតដែរ ៕
ចែករំលែកព័តមាននេះ