រាជធានីភ្នំពេញ ៖ បុរសម្នាក់ដែលគេដឹងថា ជាបុគ្គលិកបម្រើការងារនៅអង្គការមួយត្រូវបានក្រុមគ្រួសារបញ្ជូនមកមន្ទីរពេទ្យកាល់ម៉ែតដើម្បីសង្គ្រោះជីវិត ក្រោយពីបុរសនោះត្រូវក្រុមចោរប្រដាប់អាវុធធ្វើសកម្មភាពប្លន់យកម៉ូតូបានសម្រេច និងបា.ញ់ឱ្យរបួសធ្ងន់នៅលើផ្លូវលំស្ថិតក្នុងឃុំព្រែករកា ស្រុកកណ្តាលស្ទឹង ខេត្តកណ្តាល
រាជធានីភ្នំពេញ ៖ បុរសម្នាក់ដែលគេដឹងថា ជាបុគ្គលិកបម្រើការងារនៅអង្គការមួយត្រូវបានក្រុមគ្រួសារបញ្ជូនមកមន្ទីរពេទ្យកាល់ម៉ែតដើម្បីសង្គ្រោះជីវិត ក្រោយពីបុរសនោះត្រូវក្រុមចោរប្រដាប់អាវុធធ្វើសកម្មភាពប្លន់យកម៉ូតូបានសម្រេច និងបាញ់ឱ្យរបួសធ្ងន់នៅលើផ្លូវលំស្ថិតក្នុងឃុំព្រែករកា ស្រុកកណ្តាលស្ទឹង ខេត្តកណ្តាល កាលពីវេលាម៉ោង៧និង៣០នាទីយប់ថ្ងៃទី២៥ ឧសភា ២០១១ ។ ជនរងគ្រោះក្នុងអំពើប្លន់យកម៉ូតូនៅចំណុចខាងលើត្រូវបានគេស្គាល់ឈ្មោះអ៊ុំ អឹម ភេទប្រុស អាយុ៤២ឆ្នាំ ជាបុគ្គលិកអង្គការមួយ ទីលំនៅឃុំព្រែករកា ស្រុកកណ្តាលស្ទឹង ខេត្តកណ្តាល ។
ក្រុមគ្រួសារបុរសរងគ្រោះខាងលើបានឱ្យដឹងថា មុនពេលកើតហេតុ ជនរងគ្រោះជិះម៉ូតូម៉ាកហុងដា C125 ស៊េរី២០១១ ពណ៌ខ្មៅ ពាក់ស្លាកលេខ កណ្តាល 2M-4587 ចេញពីកន្លែងធ្វើការឆ្ពោះទៅផ្ទះ លុះមកដល់ផ្លូវលំមួយស្ថិតក្នុងភូមិសាស្ត្រឃុំព្រែករកា ស្រុកកណ្តាលស្ទឹង ស្រាប់តែមានបុរស៣នាក់ជិះម៉ូតូមួយគ្រឿងម៉ាកហុងដា C125 ស៊េរី២០០៨ ពណ៌ខ្មៅ មិនចាំស្លាកលេខ បានបើកមកកៀរម៉ូតូបុរសរងគ្រោះឱ្យឈប់ រួចហើយជនម្នាក់ក្នុងចំណោម៣នាក់នោះបានលោតចុះពីលើម៉ូតូមកក្បែរបុរសរងគ្រោះ ហើយដណ្តើមយកសោម៉ូតូ ប៉ុន្តែត្រូវបានប្រតាយប្រតប់គ្នា ឃើញដូច្នេះក្រុមចោរដកកាំភ្លើងខ្លីមិនស្គាល់ម៉ាកបាញ់សំដៅមកលើបុរសរងគ្រោះមួយគ្រាប់ បណ្តាលឱ្យត្រូវចំស្មាខាងស្តាំ រួចធ្លាយទៅថ្គាម ។
ជនរងគ្រោះបានដេកដួលនៅលើដី ដោយយកដៃទប់ថ្គាមដែលរងរបួសចេញឈាមប្រឡាក់ពេញអាវ ភ្លាមៗនោះក្រុមចោរដ៏ព្រហើនបានយកសោពីបុរសរងគ្រោះបញ្ឆេះម៉ូតូជិះចេញទៅបាត់ដោយជោគជ័យមិនរំខានដល់សមត្ថកិច្ចមូលដ្ឋាននោះទេ ។ ជនរងគ្រោះត្រូវបានគេបញ្ជូនទៅមន្ទីរពេទ្យបង្អែកស្រុកកណ្តាលស្ទឹង ប៉ុន្តែដោយសារមុខរបួសធ្ងន់ធ្ងរ ទើបបន្តទៅមន្ទីរពេទ្យកាល់ម៉ែត ដើម្បីសង្គ្រោះជីវិត។ គ្រូពេទ្យបានបង្ហើបថា បុរសរងគ្រោះឈ្មោះអ៊ុំ អឹម ត្រូវចោរបាញ់ចំស្មាខាងស្តាំ ហើយធ្លាយទៅថ្គាមខាងស្តាំបណ្តាលឱ្យបែកឆ្អឹង ប៉ុន្តែជនរងគ្រោះនៅអាចនិយាយបាន និងធ្វើការវះកាត់ផងដែរ ៕
ចែករំលែកព័តមាននេះ