ការកើតជាមនុស្ស គឺជារឿងកម្រ ហើយការកើតមកមានឱកាសបានរស់ជួបជុំឪពុកម្តាយ និងក្រុមគ្រួសារសាច់ញាតិក៏ជារឿងដ៏កម្រដែរ។ តួយ៉ាង នេនតូចមួយអង្គ មានជីវិ.តរស់នៅលើភពផែនដីនេះ ប៉ុន្តែមិនមានវាសនា
ខេត្តឧត្តរមានជ័យ ៖ ការកើតជាមនុស្ស គឺជារឿងកម្រ ហើយការកើតមកមានឱកាសបានរស់ជួបជុំឪពុកម្តាយ និងក្រុមគ្រួសារសាច់ញាតិក៏ជារឿងដ៏កម្រដែរ។ តួយ៉ាង នេនតូចមួយអង្គ មានជីវិ.តរស់នៅលើភពផែនដីនេះ ប៉ុន្តែមិនមានវាសនារស់នៅជួបជុំអ្នកមានគុណនោះឡើយ ហើយចុងក្រោយនេនតូច ក៏បានជ្រើសយកទីអារាម និងព្រះពុទ្ធព្រះធម៌ គឺជាទីពឹង។
មកដល់ចំណុចនេះ បងប្អូនប្រិយមិត្តអ្នកអានពិតជាចង់ដឹងហើយថា តើនេនតូចមួយអង្គនេះ មានខ្សែជីវិ.តយ៉ាងណា? ហើយនេនតូច កំពុងតែគង់នៅវត្តអារាមមួយណា?។ ប៉ុន្តែមុននឹងទៅដល់លម្អិត សូមក្រឡេកមើលវីដេអូខ្លីមួយ ដែលកំពុងអង្រួនបេះដូងមហាជន និងអ្នកប្រើប្រាស់បណ្តាញសង្គមសិន នោះគឺវីដេអូខ្លីមួយរបស់នេនតូចមួយអង្គ កំពុងតែបញ្ចុកបាយប្អូនស្រីម្នាក់ ធ្វើអោយមហាជនទប់អារម្មណ៍ស្ទើរតែមិនចង់បាន ដោយទឹកចិត្តដ៏ប្រពៃមួយនេះ ខណៈដៃម្ខាងកាន់ចាន និងដៃម្ខាងទៀតបញ្ចុកបណ្តើរ។
@puchhengan ♬ សំឡេងដើម – ផេន វិរៈ – ផេន វិរៈ
ជាការពិតណាស់ តាមរយៈសកម្មភាពរូបភាពវីដេអូប៉ុន្មានវិនាទីនេះ ធ្វើអោយមហាជនមានការចាប់អារម្មណ៍យ៉ាងខ្លាំង ហើយប្រសិនបើបានដឹងអំពីខ្សែជីវិ.តរបស់នេនតូចរូបនេះទៀត កាន់តែអាសូរជាពន់ពេក ក្រោយពីនេនតូច ត្រូវបា.ត់ប.ង់ភាពកត់ក្តៅតាំងពីក្មេង ព្រោះម្តាយឪពុកបានលាចាកលោកតាំងពីនេនតូច ពុំទាន់ដឹងក្តីមកម្ល៉េះ។
ក្រៅពីរស់នៅជាកូនកំព្រាមក នេនតូច គ្មានទីពឹងនោះឡើយ ដោយមានតែវត្តអារាម ព្រះពុទ្ធព្រះធម៌នេះហើយគឺជាទីពឹង ជាទីអាស្រ័យ និងស្នាក់នៅតែប៉ុណ្ណោះ ។ ពិតមែនហើយ ជីវិ.តមនុស្សរស់នៅក្នុងលោកទាំងឡាយ តែងតែកើតឡើងរមែងស្លា.ប់ទៅវិញ នេះគឺជាច្បាប់ធម្មជាតិ គ្មានអ្វីមកបញ្ឈប់បាននោះឡើយ ដូច្នេះគួរសាងសេចក្តីល្អ កុសលជាទ្រព្យ ក្រែងស្លា.ប់ទៅបានដល់ទីឋានដ៏ប្រពៃមួយ។
គួរបញ្ជាក់ថា ទោះបីជា នេនតូច ត្រូវប្រឈមនូវការខ្វះខាតក្តី តែបានទីអារាមជាទីពឹង ជាពិសេសព្រះសង្ឃនៅក្នុងវត្ត តែងតែទូន្មាន និងអប់រំប្រៀនប្រដៅ ក៏ដូចជាបង្រៀនដល់កូននេនតូចរូបនេះផងដែរ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ព្រះគណម្ចាស់ លុច ឆេងអាន ដែលជាព្រះសង្ឃ និងជាអ្នកយកកូននេន យ៉ាត ម៉េងហុង មកស្នាក់អាស្រ័យជាមួយ ដោយព្រះអង្គឈ្វេងយល់ថា «កូននេន យ៉ាត ម៉េងហុង រូបនេះ មានការខ្វះខាត ដោយសារឪពុកម្តាយបានលាចាកឆ្ងាយតាំងពីតូច ហើយគ្មានទីពឹង គឺជាក្មេងកំព្រា។ ម្ល៉េះហើយ ព្រះអង្គក៏យកនេនតូចមកគង់នៅជាមួយ ដោយទុកដូចជាកូន ជាសាច់ញាតិផងដែរ។ ហើយនេនតូចនេះ មានស្រុកកំណើតនៅភូមិអូរសោម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ដោយសព្វថ្ងៃនេះ គង់នៅវត្តមហាមុន្នីរាជការាម ហៅវត្តថ្កូវ ស្ថិតក្នុងភូមិថ្កូវ ស្រុកត្រពាំប្រាសាទ ខេត្តឧត្តរមានជ័យ»។
តាមរយៈសកម្មភាពដែលបញ្ចុកបាយនោះ ការពិតទៅក្មេងស្រីរូបនោះពុំមែនជាប្អូននោះឡើយ តែជាក្មួយរបស់ព្រះគណម្ចាស់ លុច ឆេងអាន។ ខណៈពេលមានការនឹករលឹកម្តងម្តាលក៏មកលេង ហើយនេនតូច ស្រឡាញ់ប្អូនទុកដូចជាប្អូនបង្កើត ទើបបានជាបញ្ចុកបាយដូច្នេះ ពោលគឺទោះបីជា នេនតូច ខ្វះភាពកក់ក្តៅក៏ពិតមែន ប៉ុន្តែនេនតូច មិនខ្វះភាពកក់ក្តៅផ្តល់ឱ្យមនុស្សជុំវិញខ្លួននោះឡើយ។
ព្រះគណម្ចាស់ លុច ឆេងអាន បានមានសង្ឃដីការបន្តថា «គណម្ចាស់ស្រឡាញ់ចូលចិត្តនេនតូចៗ ជាពិសេសក្មេងកំព្រាតែម្តង ដោយលោកតែងតែបង្ហាត់បង្រៀន អប់រំ ប្រៀនប្រដៅ ដោយចង់អោយនេនតូចៗមានចំណេះវិជ្ជានៅក្នុងខ្លួន ដូចជា នេនតូច យ៉ាត ម៉េងហុង ដែលក្មេងកំព្រានេះ»។
ព្រះតេជ្ជគណ លុច ឆេងអាន បានមានសង្ឃដីការបន្តថា «នេនតូច ដែលកំព្រានេះ បួសរៀនបាន២វស្សាមកហើយ ដោយនេនតូច ចង់ចេះ ចង់ដឹង និងខិតខំប្រឹងប្រែងត្រង់ត្រាប់ពីគណម្ចាស់ ដែលជាគ្រូផងដែរ»។
គួរបញ្ជាក់ផងដែរថា នេនតូច យ៉ាត ម៉េងហុង ដែលជាក្មេងកំព្រារូបនេះ គឺមានបងប្អូនចំនួន៦នាក់ ដោយបងប្អូននេនតូច មានការខ្វះខាតរៀងៗខ្លួន ដូច្នេះហើយទើបបានជានេនតូច ផ្ញើខ្លួននឹងសង្ឃទាំងវ័យក្មេងដូច្នេះ៕
អត្ថបទដោយ ៖ លីហួ គីមឆាយ
@puchhengan ♬ Instrumen Sedih Renungan – JUL MARUF
@puchhengan ♬ សំឡេងដើម – វីរៈកុលបុត្រ – វីរៈកុលបុត្រ
@puchhengan ♬ เสียงต้นฉบับ – บีช วงกลม ทีเอ็มจีเรคคอร์ด – บีช วงกลม นะครับ
@puchhengan កូនណេរកំសត់😰ស៊ូៗណា🙏🏻💪
♬ សំឡេងដើម – លោកម្ចាស់៚បញ្ញា – Khnei Panha
ចែករំលែកព័តមាននេះ