វិមានសភាក្នុងរដ្ឋអាមេរិកផ្សេងៗជម្លៀសមនុស្សចេញ ពេលប្រកាសអាសន្នគ្រាប់បែ.ក
សហរដ្ឋអាមេរិក ៖ អាជ្ញាធរមូលដ្ឋាននិងបណ្ដាសារព័ត៌មានក្នុងស្រុកឲ្យដឹងថា វិមានកាពីតូលយ៉ាង
សហរដ្ឋអាមេរិក ៖ អាជ្ញាធរមូលដ្ឋាននិងបណ្ដាសារព័ត៌មានក្នុងស្រុកឲ្យដឹងថា វិមានកាពីតូលយ៉ាងតិច៦ក្នុងរដ្ឋផ្សេងៗគ្នារបស់អាមេរិក កាលពីថ្ងៃទី៣មករា បានជម្លៀសមនុស្សចេញ ក្រោយការប្រកាសអាសន្នគ្រាប់បែក បន្ទាប់ពីទទួលសំបុត្រគំរាមកំហែងគ្រឿងផ្ទុះ។
ទោះបីយ៉ាងណា ពុំមានគ្រឿងផ្ទុះណាមួយឬរបស់គ្រោះថ្នាក់ត្រូវបានរកឃើញឡើយ ពេលប៉ូលិសជម្លៀសមនុស្សចេញពីវិមានសភានៃរដ្ឋចចជៀ ខេននេកធីខេត កេនទុកគី មីជីហ្គេន មីស៊ីស៊ីពីនិងម៉ុងតាណា។ វិមានកាពីតូលក្នុងរដ្ឋនិមួយៗ ជាអគារផ្លូវការជាទូទៅមានការិល័យសភារដ្ឋនិងការិយាល័យរបស់អភិបាលរដ្ឋ។
សារព័ត៌មានក្នុងស្រុករាយការណ៍ថា ការគំរាមកំហែងមានក្នុងសារយ៉ាងច្រើនផ្ញើរដល់អ្នកទទួលខុសត្រូវរដ្ឋនានាក្នុងទូទាំងប្រទេស។ ក្នុងចំណោមសារទាំងនេះមានសារមួយសរសេរថា ខ្ញុំបានដាក់គ្រឿងផ្ទុះជាច្រើន ខាងក្នុងវិមានកាពីតូលរបស់អ្នក។ គ្រឿងផ្ទុះទាំងនោះត្រូវបានលាក់យ៉ាងល្អហើយនឹងផ្ទុះក្នុងប៉ុន្មានម៉ោងទៀត។ ខ្ញុំធានាថាលោកអ្នកទាំងអស់នឹងត្រូវស្លាប់។
ឧប្បត្តិហេតុនោះកើតមាន៣ថ្ងៃមុនដល់ខួបនៃការលើកគ្នាចូលអុកឡុកវិមានកាពីតូលក្រុងវ៉ាសិុនតោន ដោយបណ្ដាអ្នកគាំទ្រលោកដូណាល់ត្រាំ៕
ចែករំលែកព័តមាននេះ