ខេត្តកណ្តាល ៖ ម៉ូតូពីរគ្រឿងបើកបរដោយអ្នកស្រវឹងទើបចេញពីកន្លែងផឹកស៊ីបានបើកបុកគ្នាពេញទំហឹង បណ្តាលឱ្យមនុស្សម្នាក់ស្លា.ប់ភ្លាមនៅនឹងកន្លែង និងពីរនាក់ទៀតរងរបួសធ្ងន់ ។ ឧបទ្ទវេហតុនោះកើតឡើងកាលពីវេលាម៉ោង៨ និង៥០នាទីយប់ថ្ងៃទី២៤ ឧសភា ឆ្នាំ២០១១ នៅលើកំណាត់ផ្លូវជាតិលេខ៤ ក្នុងភូមិទឹកជា ឃុំពើក ស្រុកអង្គស្នួល
ខេត្តកណ្តាល ៖ ម៉ូតូពីរគ្រឿងបើកបរដោយអ្នកស្រវឹងទើបចេញពីកន្លែងផឹកស៊ីបានបើកបុកគ្នាពេញទំហឹង បណ្តាលឱ្យមនុស្សម្នាក់ស្លាប់ភ្លាមនៅនឹងកន្លែង និងពីរនាក់ទៀតរងរបួសធ្ងន់ ។ ឧបទ្ទវេហតុនោះកើតឡើងកាលពីវេលាម៉ោង៨ និង៥០នាទីយប់ថ្ងៃទី២៤ ឧសភា ឆ្នាំ២០១១ នៅលើកំណាត់ផ្លូវជាតិលេខ៤ ក្នុងភូមិទឹកជា ឃុំពើក ស្រុកអង្គស្នួល ខេត្តកណ្តាល ។
ម៉ូតូដែលបើកបុកគ្នានោះ១គ្រឿងម៉ាកហុងដាវ៉េវពណ៌កាប់ស្តាំង ពាក់ស្លាកលេខឆ ៣៥៥៤ ភព១ ជិះគ្នា២នាក់បើកបរដោយយុវជនឈ្មោះសុខ សារ៉ាត់ អាយុ២០ឆ្នាំ មានទីលំនៅក្នុងភូមិព្រៃរកា ឃុំឆក់ឈើនាង ស្រុកអង្គស្នួល ។ ម៉ូតូនេះបើកបរធ្វើដំណើរក្នុងទិសដៅពីកើតទៅលិចក្នុងល្បឿនលឿន ហើយរេចង្កូតទៅបុកជាមួយម៉ូតូ១គ្រឿងទៀតម៉ាកវីវ៉ា ពណ៌ខ្មៅ បើកបរដោយបុរសឈ្មោះចន ចុម អាយុ៣៩ឆ្នាំ ជាមេការសំណង់ មានទីលំនៅក្នុងភូមិអង្គស្នួលទី៣ ឃុំពើក ដែលកំពុងបើកបរបញ្ច្រាសទិសគ្នាពេញទំហឹង ។
ប្រភពដដែលបន្តទៀតថា អ្នកជិះម៉ូតូម៉ាកវ៉េវរងរបួសធ្ងន់២នាក់ និងអ្នកជិះម៉ូតូម៉ាកវីវ៉ាស្លាប់បាត់បង់ជីវិតនៅនឹងកន្លែងកើតហេតុ ។ ក្រោយ ពេលកើតហេតុប៉ូលិសបានទៅវាស់វែង និងបញ្ជូនអ្នករបួសទៅកាន់មន្ទីរពេទ្យ បន្ទាប់មកនាំយកម៉ូតូទៅរក្សាទុកនៅអធិការដ្ឋានស្រុករង់ចាំការដោះស្រាយ ។ ប៉ូលិសសន្និដ្ឋានថាគ្រោះថ្នាក់នោះ បណ្តាលមកពីអ្នកបើកបរម៉ូតូទាំងពីរគ្រឿងស្រវឹងដូចគ្នា ៕
ចែករំលែកព័តមាននេះ