បុរសម្នាក់ ត្រូវសមត្ថកិច្ចឃាត់ខ្លួនភ្លាមៗ ក្រោយពីទា.ញដុំថ្មវា.យទៅលើជនរងគ្រោះ២នាក់ប្ដីប្រពន្ធ បណ្ដាលឲ្យរងរបួសទាំងពីរនាក់ ដោយសារប្ដីប្រពន្ធរូបនេះ បានខ្ចីទូរស័ព្ទរបស់ជនសង្ស័យយកទៅនិយាយ ហើយមិនព្រមប្រគល់ឲ្យវិញ ក៏កើតទៅជាការ
ខេត្តបាត់ដំបង ៖ បុរសម្នាក់ ត្រូវសមត្ថកិច្ចឃាត់ខ្លួនភ្លាមៗ ក្រោយពីទា.ញដុំថ្មវា.យទៅលើជនរងគ្រោះ២នាក់ប្ដីប្រពន្ធ បណ្ដាលឲ្យរងរបួសទាំងពីរនាក់ ដោយសារប្ដីប្រពន្ធរូបនេះ បានខ្ចីទូរស័ព្ទរបស់ជនសង្ស័យយកទៅនិយាយ ហើយមិនព្រមប្រគល់ឲ្យវិញ ក៏កើតទៅជាការប្រទូស្តរ៉ាយតែម្ដង បង្កឱ្យមានការភ្ញាក់ផ្អើលកាលពីល្ងាចថ្ងៃទី២៩ ខែធ្នូ នៅចំណុចភូមិព្រះពន្លា ឃុំរូងជ្រៃ ស្រុកថ្មគោល ។
តាមរយៈរបាយការណ៍លោក សេង លុច អធិការស្រុកថ្មគោល បានប្រាប់ឲ្យដឹងថា ជនសង្ស័យឈ្មោះ រឿន ចាន់ អាយុ៣៦ឆ្នាំ ជាម្ចាស់ទូរស័ព្ទ រស់នៅចំណុចកើតហេតុ ។ រីឯពីរនាក់ប្ដីប្រពន្ធ ដែលអះអាងថា ខ្លួនជាជនរងគ្រោះនោះម្នាក់ឈ្មោះ សែន សឹង ហៅសុខ អាយុ៣៩ឆ្នាំ (ប្ដី) របួសបែកក្បាលខាងក្រោយ និងប្រពន្ធឈ្មោះ ទី ថារី អាយុ៣៧ឆ្នាំ រងរបួសបែកត្រង់ថ្ងាស់ខាងមុខធ្ងន់ ។
លោក សេង លុច បានប្រាប់ថា ជនសង្ស័យបានប្រើប្រាស់ដុំថ្មវា.យទៅលើជនរងគ្រោះទាំងពីរនាក់ប្ដីប្រពន្ធ នៅពេលផ្ទុះជម្លោះមួយប្រាវដែលផ្ដើមចេញពីរឿងខ្ចីទូរស័ព្ទ។
បើតាមការសួរនាំពីដំណើររឿង ស្ត្រីឈ្មោះ ទី ថារី បានសុំខ្ចីទូរស័ព្ទរបស់ឈ្មោះ រឿន ចាន់ យកមកនិយាយ តែខណៈពេលម្ចាស់សុំទូរស័ព្ទវិញ បែរជាឈ្មោះ ថារី នេះ មិនព្រមប្រគល់ឲ្យគេវិញទេ ទើបឈានដល់ផ្ទុះអំពើហិ.ង្សាតែម្ដង ។
ប្រភពពីសាក្សីខ្លះ បាននិយាយប្រាប់ឱ្យដឹងថា ដំបូងឡើយ គេឃើញស្ត្រីឈ្មោះ ថារី ពិតជាបានសុំខ្ចីទូរស័ព្ទពីឈ្មោះ ចាន់ យកមកនិយាយមែន តែគេមិនដឹងថា និយាយរឿងអ្វីទេ? ។ ប្រភពដដែលបានឲ្យដឹងទៀតថា ពេលនិយាយចប់ ម្ចាស់ទូរស័ព្ទក៏សុំវិញ តែបែរជាឈ្មោះ ថារី មិនព្រមឲ្យ រហូតកើតមានការប្រទាញប្រទង់គ្នាតែម្ដង ។
ប៉ុន្តែជាមួយគ្នានោះ គេក៏ឃើញឈ្មោះ សុខ បានស្ទុះទៅជួយប្រពន្ធ ធ្វើឲ្យម្ចាស់ទូរស័ព្ទខឹងកាន់តែខ្លាំងទ្រាំមិនបានក៏ស្ទុះទៅរើសដុំថ្មវា.យពីរនាក់ប្ដីពន្ធ រហូតម្នាក់ៗរងរបួសបែកក្បាល តែប្រពន្ធហាក់រាងធ្ងន់បន្តិច ។ លុះបន្តិចក្រោយមក ក៏ត្រូវសមត្ថកិច្ចចុះមកអន្តរាគមន៍ រួចឃាត់ខ្លួនម្ចាស់ទូរស័ព្ទវា.យខ្នោះតែម្ដង ។ ហើយបើពិនិត្យលើករណីនេះ គឺផ្ដើមចេញពីរឿងស្ត្រីឈ្មោះ ថារី ខ្ចីទូរស័ព្ទគេនិយាយហើយបែរជាមិនព្រមឱ្យម្ចាស់គេវិញ លុះដល់តែផ្ទុះជម្លោះ លទ្ធផលចុងក្រោយគឺម្ចាស់ម្ចាស់ទូរស័ព្ទត្រូវជាប់ខ្នោះ រីឯអ្នកខ្ចីទូរស័ព្ទទាំង២នាក់ប្ដីប្រពន្ធ ក៏ក្លាយជាជនរងគ្រោះ ។
លោក សេង លុច បានបញ្ជាក់ដែរថា បើតាមលោកពិនិត្យលើសំណុំរឿងនេះ មន្ត្រីជំនាញ ដែលបានសួរនាំភាគីទាំងពីរអំពីករណីខាងលើនេះ ពិតជាផ្ដើមចេញពីរឿងខ្ចីទូរស័ព្ទមែន ។ លោកបានបន្ថែមថា ស្ត្រីឈ្មោះ ទី ថារី បានខ្ចីទូរស័ព្ទពីឈ្មោះ រឿន ចាន់ យកទៅនិយាយ តែមិនព្រមឲ្យម្ចាស់គេវិញ ទើបផ្ទុះជម្លោះតែម្ដង។ នៅពេលប្ដីស្ត្រីរូបនេះស្ទុះទៅជួយ ទើបត្រូវជនសង្ស័យវា.យនឹងដុំថ្ម បណ្ដាលឲ្យរងរបួសទាំងពីរនាក់ប្ដីប្រពន្ធ ។
ដោយយោងតាមបទបញ្ជាលោកស្នងការខេត្ត ពេលនេះ មន្ត្រីជំនាញបានឃាត់ខ្លួនជនសង្ស័យឈ្មោះ រឿន ចាន់ (ម្ចាស់ទូរស័ព្ទ) ដើម្បីសួរនាំ និងចាត់ការតាមនីតិវិធីហើយ ៕
ចែករំលែកព័តមាននេះ