ខេត្តមណ្ឌលគិរី ៖ រថយន្តទួរីសមួយគ្រឿងដែលដឹកឈើប្រណីតប្រភេទធ្នង់បម្រុងលោតឆត្រ ទៅប្រទេសវៀតណាម បានក្រឡាប់ផ្ងារជើងតាមបណ្តោយផ្លូវជាតិលេខ ៧៦A កាលពីវេលាម៉ោង៩ព្រឹក ថ្ងៃទី២៤ ឧសភា ត្រង់ចំណុចអូរងើយ ឃុំសែនមនោរម្យ ស្រុកអូររាំង
ខេត្តមណ្ឌលគិរី ៖ រថយន្តទួរីសមួយគ្រឿងដែលដឹកឈើប្រណីតប្រភេទធ្នង់បម្រុងលោតឆត្រ ទៅប្រទេសវៀតណាម បានក្រឡាប់ផ្ងារជើងតាមបណ្តោយផ្លូវជាតិលេខ ៧៦A កាលពីវេលាម៉ោង៩ព្រឹក ថ្ងៃទី២៤ ឧសភា ត្រង់ចំណុចអូរងើយ ឃុំសែនមនោរម្យ ស្រុកអូររាំង ។
តាមប្រភពព័ត៌មានពីសមត្ថកិច្ចនៅកន្លែងកើតហេតុបានឱ្យដឹងថា រថយន្តទួរីសនេះពណ៌លឿង គ្មានស្លាកលេខ ដឹកឈើប្រណីតប្រភេទធ្នង់ចំនួន១១ដុំប្រវែង២ម៉ែត្រ និងមានមុខកាត់ពី៣ ទៅ៤តឹក ឡាំងបួនជ្រុង បម្រុងយកទៅលក់នៅប្រទេសវៀតណាមតាមច្រកស្រុកកែវសីមា លុះមកដល់ចំណុចខាងលើ ក៏បានដាច់កង់ក្រោយខាងឆ្វេង ទើបបណ្តាលឱ្យក្រឡាប់ ។
បន្ទាប់ពីរថយន្តក្រឡាប់ អ្នកបើកបរបានរត់គេចខ្លួនបាត់ ហើយបច្ចុប្បន្នរថយន្ត និងឈើត្រូវបានដឹកយកមករក្សាទុកនៅស្នងការដ្ឋាននគរបាលខេត្ត ។ មន្ត្រីប៉ូលិសមិនទាន់បានដឹងថា ម្ចាស់ឈើនេះជានរណាទេ ៕
ចែករំលែកព័តមាននេះ