ខេត្តរតនគិរី ៖ បុរសម្នាក់យករំសេវទៅច្នៃធ្វើគ្រាប់សម្រាប់បោកយកត្រី តែដោយសារភ្លាត់ស្នៀតពេលយកទៅរោលភ្លើងក៏ផ្ទុះឡើង បណ្ដាលឱ្យដាច់ប្រអប់ដៃឆ្វេងម្នាក់ និងម្នាក់ទៀតបានរងបួសឆ្អឹងខ្នង។ ហេតុការណ៍ដ៏រន្ធត់នេះ កើតឡើងកាលពីថ្ងៃទី២៧ ធ្នូ ឆ្នាំ២០២៣…
ខេត្តរតនគិរី ៖ បុរសម្នាក់យករំសេវទៅច្នៃធ្វើគ្រាប់សម្រាប់បោកយកត្រី តែដោយសារភ្លាត់ស្នៀតពេលយកទៅរោលភ្លើងក៏ផ្ទុះឡើង បណ្ដាលឱ្យដាច់ប្រអប់ដៃឆ្វេងម្នាក់ និងម្នាក់ទៀតបានរងបួសឆ្អឹងខ្នង។ ហេតុការណ៍ដ៏រន្ធត់នេះ កើតឡើងកាលពីថ្ងៃទី២៧ ធ្នូ ឆ្នាំ២០២៣ ស្ថិតនៅចំណុចអូរប៉ាជាន់ ក្នុងភូមិតឺនឃុំតឺន ស្រុកកូនមុំ ខេត្តរតនគិរី ។
ប្រភពពីសមត្ថកិច្ចបានឲ្យដឹងថា ជនរងគ្រោះ ទី១-ឈ្មោះប៉ា លិតយ៉ន ភេទប្រុស អាយុ៤២ឆ្នាំ ដាច់ប្រអប់ដៃខាងឆ្នេង និងទី២-ឈ្មោះចាង ឡងរាំង ភេទប្រុស អាយុ៤៩ឆ្នាំ ត្រូវរំសេវរោលពេញឆ្អឹងខ្នង ពួកគេជាជនជាតិដើមភាគតិចគ្រឹង មុខរបរជាកសិករ មានទីលំនៅភូមិតឺន ឃុំតឺន ស្រុកកូនមុំខេត្តរតនគិរី ។
ប្រភពពីមន្ត្រីនគបាលស្រុកកូនមុំបានឲ្យដឹងថា មុនកើតហេតុ ថ្ងៃទី២៧ ខែធ្នូ ឆ្នាំ២០២៣ ជនរងគ្រោះ និងបក្សពួក៧នាក់បាននាំគ្នាទៅរកត្រីនៅចំណុចអូរប៉ាជាន់ក្នុងភូមិសាស្ត្រស្រុកកូនមុំ ពេលទៅដល់អូរនោះ ពួកគេបានចុះទឹកដើម្បីរកត្រី ហើយម្នាក់ទៀត ឈ្មោះចាង ឡងរាំង បានបង្កាត់ភ្លើងរង់ចាំ ។ មួយសន្ទុះក្រោយមក ជនរងគ្រោះក៏បានឡើងមកលើគោកវិញ ខណ:ពេលនោះ រំសេវដែលច្នៃរួចនៅនិងហោប៉ៅជនរងគ្រោះបានត្រូវទឹកសើមជោកទៅហើយ ។
ពេលនោះជនរងគ្រោះក៏បានយកវាដាក់ក្នុងដបប្រេងកូឡា ដើម្បីរោលភ្លើងឲ្យស្ងួត ប៉ុន្ដែពេលរំសេវនោះត្រូវភ្លើក្ដៅក៏ផ្ទុះឡើង បណ្ដាលឲ្យដាច់ប្រអប់ដៃខាងឆ្វេង និងម្នាក់ទៀតនៅក្បែរគ្នានោះក៏ត្រូវរំសេវឆេះរោលឆ្អឹងខ្នងបណ្ដាលឲ្យរបួសស្រាល។
បច្ចុប្បន្ន ជងគ្រោះកំពុងសម្រាកព្យាបាលរបួសនៅមន្ទីរពេទ្យបង្អែកខេត្តរតនគិរី ៕
ចែករំលែកព័តមាននេះ