រាជធានីភ្នំពេញ ៖ កាលពីរសៀលថ្ងៃទី២៤ ឧសភា ២០១១ លោកឧបនាយករដ្ឋមន្ត្រីហោ ណាំហុង រដ្ឋមន្ត្រីក្រសួងការបរទេស បានផ្ញើលិខិតជាផ្លូវការមួយច្បាប់ជូនលោកម៉ាទី ណាតាឡេហ្គាវ៉ា រដ្ឋមន្ត្រីការបរទេសនៃសាធារណរដ្ឋឥណ្ឌូណេស៊ី និងជាប្រធានអាស៊ានស្តីពី «ដំណោះស្រាយជាកញ្ចប់ វិធានការ៦ចំណុចពាក់ព័ន្ធនឹងការបញ្ជូនអ្នក
រាជធានីភ្នំពេញ ៖ កាលពីរសៀលថ្ងៃទី២៤ ឧសភា ២០១១ លោកឧបនាយករដ្ឋមន្ត្រីហោ ណាំហុង រដ្ឋមន្ត្រីក្រសួងការបរទេស បានផ្ញើលិខិតជាផ្លូវការមួយច្បាប់ជូនលោកម៉ាទី ណាតាឡេហ្គាវ៉ា រដ្ឋមន្ត្រីការបរទេសនៃសាធារណរដ្ឋឥណ្ឌូណេស៊ី និងជាប្រធានអាស៊ានស្តីពី «ដំណោះស្រាយជាកញ្ចប់ វិធានការ៦ចំណុចពាក់ព័ន្ធនឹងការបញ្ជូនអ្នកសង្កេតការណ៍ឥណ្ឌូណេស៊ី និងដំណើរការដោះស្រាយបញ្ហាឈ្លានពានព្រំដែននៅតំបន់ប្រាសាទព្រះវិហារពីសំណាក់ទាហានថៃ» ។
យោងតាមលិខិតរបស់លោកឧបនាយករដ្ឋមន្ត្រីហោ ណាំហុង ដែលបានដាក់ផ្សាយតាមគេហទំព័ររបស់ក្រសួងការបរទេសកម្ពុជាកាលពី រសៀលថ្ងៃទី២៤ ឧសភា ២០១១ ឱ្យដឹងថា លោកហោ ណាំ ហុង បានសសេរថា ខ្ញុំមានកិត្តិយសសូមយោងទៅលើលិខិតរបស់លោកចុះថ្ងៃទី២៣ ឧសភា ២០១១ និងលិខិតលើកមុនរបស់ខ្ញុំជូនចំពោះលោកចុះថ្ងៃទី២២ ឧសភា ២០១១ ពាក់ព័ន្ធនឹង «ដំណោះស្រាយជាកញ្ចប់» ដែលបានឯកភាពគ្នានៅក្នុងកិច្ចប្រជុំរដ្ឋមន្ត្រីការបរទេសកម្ពុជា ថៃ និងឥណ្ឌូនេស៊ី នៅទីក្រុងហ្សាការតា ប្រទេសឥណ្ឌូណេស៊ីនៅថ្ងៃទី៩ ឧសភា ២០១១ នោះ តើបានដំណើរការដល់ណាហើយ ។
លោកឧបនាយករដ្ឋមន្ត្រីហោ ណាំហុង បានបន្តថា ពាក់ព័ន្ធនឹងបញ្ហានេះ «ខ្ញុំសូមបញ្ជាក់ជាថ្មីថា ចម្លើយជាវិជ្ជមានពីរដ្ឋាភិបាលថៃ គឺដាច់ខាតជាការចាំបាច់មិនអាចខ្វះបានទេ ដើម្បីអនុវត្តដំណោះស្រាយជាកញ្ចប់ខាងលើនេះ ។ ការធ្វើអ្វីផ្សេងពីនេះ និងផ្ទុយពីដំណោះស្រាយជាកញ្ចប់គឺមិនអាចទទួលយកបានទេ» ៕
ចែករំលែកព័តមាននេះ