ខេត្តសៀមរាប ៖ ស្នងការដ្ឋាននគរបាលខេត្តសៀមរាប បានចេញសេចក្តីបំភ្លឺនៅថ្ងៃទី៦ សីហា ឆ្នាំ២០២៥ ថា ក្នុងរយៈពេលប៉ុន្មានថ្ងៃចុងក្រោយនេះ មជ្ឈដ្ឋានជាតិ-អន្តរជាតិមួយចំនួនមានការចាប់អារម្មណ៍ទៅលើការស្លាប់ស្ត្រីជនជាតិបារាំងម្នាក់ឈ្មោះ GIRARD…
ខេត្តសៀមរាប ៖ ស្នងការដ្ឋាននគរបាលខេត្តសៀមរាប បានចេញសេចក្តីបំភ្លឺនៅថ្ងៃទី៦ សីហា ឆ្នាំ២០២៥ ថា ក្នុងរយៈពេលប៉ុន្មានថ្ងៃចុងក្រោយនេះ មជ្ឈដ្ឋានជាតិ-អន្តរជាតិមួយចំនួនមានការចាប់អារម្មណ៍ទៅលើការស្លាប់ស្ត្រីជនជាតិបារាំងម្នាក់ឈ្មោះ GIRARD FABRE LISA CELINE VERONICA នៅក្នុងប្រឡាយអមផ្លូវ៦០ម៉ែត្រ ត្រង់ចំណុចក្បែរអាហារដ្ឋានមាន់ស្រែស្ថិតនៅភូមិអារក្សស្វាយ សង្កាត់នគរធំ ខេត្តសៀមរាប ។ ពាក់ព័ន្ធនឹងករណីនេះ ក្រុមការងារប្រតិកម្មរហ័ស និងជាអ្នកនាំពាក្យស្នងការដ្ឋាននគរបាលខេត្តសៀមរាប សូមធ្វើការបំភ្លឺជូនសាធារណជនឱ្យបានជ្រាបដូចតទៅ ៖
នៅថ្ងៃទី២ សីហា ឆ្នាំ២០២៥ សមត្ថកិច្ចនគរបាលយើងបានទទួលព័ត៌មានពីតំណាងស្ថានកុងស៊ុលកិត្តិយសបារាំងប្រចាំខេត្តសៀមរាប និងបុគ្គលិកអង្គការ PSE ពាក់ព័ន្ធនឹងករណីបាត់ដំណឹងស្ត្រីជនជាតិបារាំងម្នាក់ នៅម្តុំប្រាសាទតាសោម អំឡុងពេលរត់សាកល្បងកម្មវិធីម៉ារ៉ាតុន ជាមួយមិត្តភក្តិ ។
ក្រោយពីទទួលបានព័ត៌មាននេះភ្លាម កម្លាំងសមត្ថកិច្ចយើង បានប្រើប្រាស់ កម្លាំង និង មធ្យោ បាយ ដើម្បីចាត់វិធានការ ខាង កម្លាំងជំនាញ របស់ស្នង ការនគរបាលខេត្តសៀមរាប ,កម្លាំងអធិការនគរ បាលក្រុង ស្រុក និង នគរបាលប៉ុស្តិ៍ សហការជាមួយសមត្ថ កិច្ចពាក់ព័ន្ធ ដូចជាះ ( អង្គភាពនគរបាលការពារបេតិក ភណ្ឌ , អង្គភាព នគរបាលទេសចរណ៍ ) ដើម្បីចុះស្រាវ ជ្រាវ ដល់ទីតាំងដែលបាត់ដំណឹងចុងក្រោយ ពីចំណុចប្រាសាទតាសោម រួចបន្តមកតាមព្រៃឧទ្យានអង្គរ ដល់កស្សិណអង្គរ ខាងលិចកែងផ្លូវ៦០ម៉ែត្រ ចាប់ពីថ្ងៃទី ២ រហូតដល់ថ្ងៃទី៤ ខែសីហា ឆ្នាំ២០២៥ ពុំឃើញ មានតម្រុយ ពាក់ព័ន្ធនឹងដំណើររបស់ស្ត្រីជនជាតិបារាំងនោះឡើយ។
លុះដល់ម៉ោង ១០ និង ០៥ នាទី ថ្ងៃទី៤ ខែ សីហា ឆ្នាំ២០២៥ សមត្ថកិច្ច យើងទទួលសេចក្តីរាយ ការណ៍ពីប្រជាពលរដ្ឋ ដែលប្រទះឃើញ នៅជម្រាលប្រឡាយអមផ្លូវ៦០ ម៉ែត្រ ត្រង់ចំណុចមុខចំហៀងខាង ត្បូងអាហារដ្ឋាន មាន់ស្រែកម្លាំងយើង ចុះទៅដល់ឃើញមានសត្វរុយកំពុងរោមអ្វីមួយ ប៉ុន្តែមិនដឹង ជាអ្វីនោះទេ ក៏មានការសង្ស័យក៏ចុះទៅពិពិត្យ ជាក់ស្តែងដល់កន្លែងកើតហេតុ ទើបកម្លាំងយើងដឹងថា “ពិតជាសពរបស់ ស្ត្រី ជនជាតិបារាំង ដែលបានបាត់ខ្លួន នោះមែន។
យោងតាមការស្រាវជ្រាវ និងធ្វើកោសល្យវិច័យ របស់សមត្ថកិច្ចជំនាញ ជាមួយ ក្រុមគ្រូពេទ្យ អមសាលាដំបូងខេត្តសៀមរាប ព្រមទាំងមានការចូលរួម ដោយតំណាងស្ថានទូតកុងស៊ូល កិត្តិយស បារាំង ប្រចាំខេត្តសៀមរាប បានសន្និដ្ឋានថា ស្ត្រី ជនរងគ្រោះ ស្លាប់ដោយសារធ្លាក់ពីលើចិញ្ចើមផ្លូវ ( អាចបណ្តាលមកពីគាំងបេះដូង ) ។
បច្ចុប្បន្ន សាកសពស្ត្រីជនរងគ្រោះជាជនជាតិបារាំងត្រូវបានសមត្ថកិច្ចជំនាញ រៀបចំបញ្ជូនទៅតម្កល់ទុកនៅមន្ទីរពេទ្យមិត្តភាពខ្មែរ-សូវៀត នៃរាជធានីភ្នំពេញ រងចាំការសម្រេចពីក្រុមគ្រួសារ និងស្ថានទូតបារាំង ៕
ចែករំលែកព័តមាននេះ