មេដឹកនាំប្រឆាំងរុស្ស៊ី១រូបត្រូវគេយកទៅឃុំនៅអាក់ទិក
ប្រទេសរុស្ស៊ី ៖ ប្រទេសបារាំងក៏ដូចជាអាមេរិកដែរ បានថ្កោលទោសកាលពីថ្ងៃទី២៥ ធ្នូ ការបញ្ជូនមេ
ប្រទេសរុស្ស៊ី ៖ ប្រទេសបារាំងក៏ដូចជាអាមេរិកដែរ បានថ្កោលទោសកាលពីថ្ងៃទី២៥ ធ្នូ ការបញ្ជូនមេដឹកនាំប្រឆាំងរុស្ស៊ី លោកអាឡិចសីណាវ៉ាល់នី យកទៅឃុំឃាំងដល់តំបន់អាក់ទិក។
រុស្ស៊ីបានរក្សាអាថ៌កំបាំងចាប់តាំងពីជិត១០ថ្ងៃមកហើយ ពីស្ថានភាពរបស់លោកអាឡិចសីណាវ៉ាល់នីនិងពីការផ្ទេររូបលោកយកទៅឃុំនៅតំបន់ដាច់ស្រយាលបំផុត កាត់ផ្ដាច់ថែមទៀតទំនាក់ទំនងជាមួយសាច់ញាតិគ្រួសារលោក ខណៈស្ថានភាពសុខភាពលោកកាន់តែដុនដាប ចាប់តាំងពីលោកជាប់ឃុំឃាំងមក។
ជាសត្រូវជូរចត់របស់លោកវ្ល៉ាឌីមៀរ ពូទីន លោកអាឡិចសីណាវ៉ាល់នី អាយុ៤៧ឆ្នាំ ទទួលការកាត់ទោសដាក់ពន្ធនាគារដល់១៩ឆ្នាំ ពីបទធ្វើសកម្មភាពជ្រុលនិយមនានា។ លោកត្រូវចាប់ខ្លួនកាលពីខែមករាឆ្នាំ២០២១ ពេលវិលត្រឡប់ចូលរុស្ស៊ីវិញ ក្រោយត្រឡប់ពីទៅព្យាបាលនៅអាល្លឺម៉ង់ បន្ទាប់ពីរងការបំពុល។ លោកត្រូវបាត់ខ្លួនពីកន្លែងឃុំឃាំងមួយស្ថិតនៅចម្ងាយ២៥០គីឡូម៉ែត្រពីក្រុងមូស្គូ កាលពីដើមខែធ្នូរួចទើបតែលេចមុខក្នុងកន្លែងឃុំឃាំងមួយឯតំបន់អាក់ទិករុស្ស៊ី៕
ចែករំលែកព័តមាននេះ