វា.យប្រហារថ្មីៗលើនាវាពាណិជ្ជកម្មនៅសមុទ្រឥណ្ឌានិងសមុទ្រក្រហម
សហរដ្ឋអាមេរិក ៖ យោងតាមកងទ័ពអាមេរិកថា នាវាដឹកផលិតផលគីមី១គ្រឿង កាលពីថ្ងៃទី២៣ធ្នូ
សហរដ្ឋអាមេរិក ៖ យោងតាមកងទ័ពអាមេរិកថា នាវាដឹកផលិតផលគីមី១គ្រឿង កាលពីថ្ងៃទី២៣ធ្នូរងការវាយប្រហារនៅសមុទ្រឥណ្ឌា ពីសំណាក់ដ្រូន១គ្រឿងបង្ហោះចេញពីអ៊ីរ៉ង់ ហើយនាវាដឹកប្រេង២គ្រឿងនិងនាវាពិឃាតអាមេរិក១គ្រឿង ដែលកំពុងបើកបរក្នុងសមុទ្រក្រហម ក៏រងការវាយប្រហារដោយដ្រូន របស់ពួកឧទ្ទាមហ៊ូធីយេម៉ែនដែរ។
ការវាយប្រហារនាវាដឹកផលិតផលគីមី កើតមាននាវេលាម៉ោង១០ព្រឹកម៉ោងក្នុងស្រុកថ្ងៃទី២៣ធ្នូ។
ក្រសួងការពារប្រទេសអាមេរិកគូសបញ្ចាក់ថា ការវាយប្រហារនេះបណ្ដាលឲ្យមានភ្លើងឆាបឆេះលើនាវានោះហើយត្រូវបានពន្លត់ រួចពុំមានមនុស្សណាម្នាក់រងរបួសឡើយ។ នាវាឈ្មោះMV CHEM PLUTO ដោតទង់ជាតិលីបេរីយ៉ានោះ ជារបស់ក្រុមហ៊ុនជប៉ុនធ្វើអាជីវកម្មដោយក្រុមហ៊ុនហូឡង់មួយ។ នាវានោះរកស៊ីជាមួយក្រុមហ៊ុនអ៊ីស្រាអែលមួយ ហើយបើកបររវាងអារ៉ាប៊ីសាអូឌីតនិងឥណ្ឌា។
ចំណែកកាសែតអាមេរិក្ WALL STREET JOURNALអះអាងថា ក្រុមហ៊ុនហូឡង់ធ្វើអាជីវកម្មនាវានោះ ដែលមានទំនាក់ទំនងជាមួយក្រុមហ៊ុនអ៊ីស្រាអែលINDAN OFER ។ ការវាយប្រហារនេះកើតមានក្នុងសមុទ្រអារ៉ាប៊ី ចម្ងាយ២០០ម៉ាយភាគនិរតីកំពង់ផែVERAVALឥណ្ឌា។
កាលពីថ្ងៃទី២៣ធ្នូដែរនាវាដឹកប្រេងមួយគ្រឿងរបស់ហ្គាបុងដោតទង់ជាតិឥណ្ឌា រងការវាយប្រហារដោយដ្រូនមួយ មកពីតំបន់ស្ថិតក្រោមការត្រួតត្រារបស់ពួកឧទ្ទាមយេម៉ែនហ៊ូធី។ រីឯនាវាដឹកប្រេង១គ្រឿងទៀត ដោតទង់ជាតិន័រវែសក៏រងការវាយប្រហារដោយដ្រូនមួយរបស់ពួកហ៊ូធីដែរក្នុងសមុទ្រក្រហម។
នោះជានាវាពាណិជ្ជកម្មទី១៤និងទី១៥ ដែលរងការវាយប្រហារដោយពួកហ៊ូធីក្នុងសមុទ្រក្រហមចាប់តាំងពីថ្ងៃទី១៧តុលាមក។ រីឯនាវាពិឃាតអាមេរិក១គ្រឿងដែលកំពុងល្បាតក្នុងសមុទ្រក្រហម កាលពីថ្ងៃទី២៣ធ្នូបានបាញ់ទម្លាក់ដ្រូនវាយប្រហាររបស់ពួកហ៊ូធី៤គ្រឿង ដែលហោះសំដៅមកវាយប្រហារនាវានោះ៕
ចែករំលែកព័តមាននេះ