ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញ នៅសាលារាជធានីភ្នំពេញ នាព្រឹកថ្ងៃទី២៥ ខែធ្នូ ឆ្នាំ២០២៣នេះ លោក ឃួង ស្រេង អភិបាលរាជធានីភ្នំពេញបានលើកឡើងថា សមត្ថកិច្ចទាំងអស់ត្រូវពង្រឹងការអនុវត្តច្បាប់ចរារចរណ៍ផ្លូវគោក
រាជធានីភ្នំពេញ ៖ ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញ នៅសាលារាជធានីភ្នំពេញ នាព្រឹកថ្ងៃទី២៥ ខែធ្នូ ឆ្នាំ២០២៣នេះ លោក ឃួង ស្រេង អភិបាលរាជធានីភ្នំពេញបានលើកឡើងថា សមត្ថកិច្ចទាំងអស់ត្រូវពង្រឹងការអនុវត្តច្បាប់ចរារចរណ៍ផ្លូវគោក ទៅតាមអនុសាសន៍ណែនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ដោយសម្តេចបានមានប្រសាសន៍ហើយថា «សម្តេចជាខ្នងបង្អែករបស់កងកម្លាំងយើង ក្នុងការអនុវត្តច្បាប់» តែត្រូវធ្វើអោយបានត្រឹមត្រូវតាមច្បាប់ប្រកបដោយឧត្ដមភាព។
លោកឃួង ស្រេង បានដាក់បំរាមចំពោះមន្ត្រីប៉ូលិសចរាចរណ៍ មិនត្រូវស្លៀកពាក់ស៊ីវិល ហើយប្រើវិទ្យុទាក់ទង ដើម្បីស្ទាក់ចាប់យានយន្តដែលល្មើសច្បាប់ទេ ត្រូវតែប្រើប្រាស់ឯកសណ្ឋានអោយបានត្រឹមត្រូវ ចៀសវាងអោយបានពីការរិះគន់នៃការអនុវត្តច្បាប់ចរារណ៍នេះ។
លោកបន្តថា កម្លាំងមានសមត្ថកិច្ចចរាចរណ៍ មិនមែនអនុវត្តការងារលើតែបញ្ហាចរាចរណ៍នោះទេ តែត្រូវសហការគ្នាក្នុងការរក្សាសន្តិសុខ សណ្តាប់ធ្នាប់ ពោលគឺធ្វើយ៉ាងណាអោយភូមិ-សង្កាត់មានសុវត្ថិភាព។ ហើយត្រូវពង្រឹងការទុកដាក់សំរាម ធ្វើអោយបរិស្ថានមានភាពល្អប្រសើរ រៀបចំសណ្តាប់ធ្លាប់អោយបានល្អបន្ថែមទៀត មិនអោយមានការផ្ញើម៉ូតូ ឬឡានតាមផ្លូវ និងការលក់ដូរតាមដងផ្លូវជាដាច់ខាត ជាមួយនឹងការលុបបំបាត់ល្បែ.ងស៊ីសងគ្រប់ប្រភេទនៅក្នុងមូលដ្ឋាន។ អាជ្ញាធរខណ្ឌជាប់ព្រំប្រទល់ ត្រូវសហការជាមួយស្រុក-ខេត្តជាប់ព្រំដែន ដើម្បីរក្សាអោយបាននូវសន្តិសុខល្អជូនប្រជាពលរដ្ឋ ។
លោកបន្តថា ការងារសន្តិសុខ កឺជាការងារដែលយើងត្រូវធ្វើជាប្រចាំ ជាពិសេសនៅចុងឆ្នាំនេះ មានការងារច្រើនណាស់ដែលត្រូវអនុវត្ត ដើម្បីការពារសន្តិសុខ សណ្តាប់ធ្នាប់ជូនប្រជាពលរដ្ឋ ដោយសារតែមានកម្មវិធីសប្បាយច្រើន ដែលកងកម្លាំងត្រូវការពារ។ ហើយត្រូវពង្រឹងលើវិធានការទប់ស្កាត់ក្មេងទំនើ.ងនៅតាមសាលារៀន ដោយខាងសាលាភ្ជាប់ប្រព័ន្ធតេឡេក្រាមជាមួយអាជ្ញាធរ និងកងកម្លាំង ដើម្បីទប់ស្កាត់ ជាមួយនឹងការដាក់កម្លាំងនៅទីតាំងណាដែលមានហានិភ័យ ហើយត្រូវពង្រឹងការអនុវត្តច្បាប់សាងសង់ ត្រូវចុះពិនិត្យមើលការដ្ឋានសាងសង់នៅក្នុងមូលដ្ឋានថា តើមានច្បាប់អនុញ្ញាតទេ0x017d7 សំដៅរក្សាសុវត្ថិភាពសំណង់ មិនបង្កហានិភ័យដល់ប្រជាពលរដ្ឋ។
លោកបន្តថា ជាមួយគ្នានឹងពិនិត្យឡើងវិញ ចំពោះការផ្តល់សេវាជូនប្រជាពលរដ្ឋ សំដៅធ្វើយ៉ាងណាអោយការផ្តល់សេវាតាមច្រកចេញចូលតែមួយកាន់តែល្អប្រសើរ ទទួលបាននូវការពេញចិត្ត ពេញថ្លើមពីប្រជាពលរដ្ឋបន្ថែមទៀត។
លោក ឃួង ស្រេង បានលើកឡើងពីការត្រៀមរៀបចំកម្មវិធីសម្ពោធដាក់អោយប្រើប្រាស់ស្ថានីយប្រព្រឹត្តិកម្មទឹកកខ្វក់ ជើងឯក ស្ថិតនៅភូមិទួលរកា១ សង្កាត់ចាក់អង្រែក្រោម ខណ្ឌមានជ័យ ក្រោមហិរញ្ញប្បទានសហប្រតិបត្តិការឥតសំណងរបស់រដ្ឋាភិបាលជប៉ុន ក្រោមអធិបតីភាពដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅព្រឹកថ្ងៃទី២៧ ខែធ្នូ និងត្រៀមកម្លាំង ដើម្បីរក្សាសន្តិសុខ សណ្តាប់ធ្នាប់ចរាចរណ៍នៅថ្ងៃខួប២៥ឆ្នាំ នៃការបញ្ចប់សង្គ្រាមនៅកម្ពុជា ក្រោមគោលនយោបានឈ្នះឈ្នះថ្ងៃ២៩ ខែធ្នូ (១៩៩៨-២០២៣) នៅវិមានឈ្នះឈ្នះ ស្ថិតក្នុងសង្កាត់ព្រែកតាសេក ខណ្ឌជ្រោយចង្វា ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត និងត្រៀមកម្លាំងក្នុងពិធីបុណ្យចូលឆ្នាំសកល បុណ្យ៧មករា រំលឹកខួបទី៤៥ឆ្នាំនៃការរំដោះប្រទេសជាតិចេញពីរបបប៉ុលពតផងដែរ៕
ចែករំលែកព័តមាននេះ