ប្តីប្រពន្ធនិងកូនជិះម៉ូតូឌុបគ្នាចេញពីហូបស៊ុប ជួបគ្រោះអកុសល ត្រឹមមួយប៉ប្រិចភ្នែក
- ភ្នំពេញ
រាជធានីភ្នំពេញ ៖ ប្តីប្រពន្ធនិងកូនជិះម៉ូតូឌុបគ្នាទើបចេញពីហូបស៊ុប ស្រាប់តែត្រូវរថយន្តមិនចាំ
រាជធានីភ្នំពេញ ៖ ប្តីប្រពន្ធនិងកូនជិះម៉ូតូឌុបគ្នាទើបចេញពីហូបស៊ុប ស្រាប់តែត្រូវរថយន្តមិនចាំ
រាជធានីភ្នំពេញ ៖ ប្តីប្រពន្ធនិងកូនជិះម៉ូតូឌុបគ្នាទើបចេញពីហូបស៊ុប ស្រាប់តែត្រូវរថយន្តមិនចាំម៉ាក១គ្រឿង បើកបុ.កយ៉ាងពេញទំហឹង បណ្តាលឲ្យស្លា.ប់ប្រពន្ធនៅកន្លែងកើតហេតុ រីឯប្តីនិងកូនរងរបួសធ្ងន់ ត្រូវបញ្ជូនទៅសង្គ្រោះនៅមន្ទីរពេទ្យ តែដោយសាររបួសធ្ងន់ធ្ងរពេក ក៏បានស្លា.ប់បាត់បង់ជីវិតទាំង២នាក់ទៀត ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១២និង១២នាទីរំលងអធ្រាត្រឈានចូលថ្ងៃទី២៥ ខែធ្នូ ឆ្នាំ២០២៣ នៅទល់មុខអាផាតមិន១កន្លែង ស្ថិតនៅលើកំណាត់វិថីព្រះស៊ីសុវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពពីអ្នកឃើញហេតុការណ៍បានឲ្យដឹងថា នៅមុនពេលកើតហេតុ គាត់បានជិះម៉ូតូតាមបណ្តោយវិថីព្រះសុវត្ថិ ក្នុងទិសដៅពីត្បូងទៅជើង ។ ភ្លាមៗនោះ គាត់បានឃើញរថយន្តបង្ក ពណ៌ខ្មៅ មិនចាំម៉ាក និងស្លាកលេខនោះទេ បានបើកបរក្នុងល្បឿនលឿនពីក្រោយគាត់ ក្នុងទិសដៅស្របទិសគ្នា ដោយសារឮសម្លេង និងល្បឿនលឿនខ្លាំង គាត់បានអែបម៉ូតូទៅកៀន ស្រាប់តែឃើញរថយន្តបង្កបើកទៅបុ.កម៉ូតូ១គ្រឿងម៉ាកស៊ុយហ្ស៊ុយគីនិក (Suzuki Nex) ពណ៌ស ពាក់ស្លាកលេខ ព្រៃវែង 1Q-7635 យ៉ាងពេញទំហឹង បណ្តាលឲ្យមនុស្សប្រុសស្រី២នាក់ និងកូនក្មេងប្រុសវ័យជាង២ខួបម្នាក់ ត្រូវបានខ្ទាតជាមួយនឹងម៉ូតូ១គ្រឿង ដែលអ្នកទាំង៣កំពុងតែជិះឌុបគ្នា។
អ្នកឃើញហេតុការណ៍បានបន្តទៀតថា បន្ទាប់ពីឃើញមនុស្សរបួសធ្ងន់បែបនេះ ធ្វើឱ្យគាត់ភ័.យតក់ស្លុតណាស់ ចំណែករថយន្តបង្កវិញបានបើករត់គេចបាត់ បន្សល់ទុកអ្នករបួសទាំង៣នាក់នៅកន្លែងកើតហេតុ ខណៈស្ត្រីជាម្តាយបានស្លា.ប់ បន្ទាប់ពីផ្លោងទៅផ្ទប់ជាមួយដើមអំពិល បើទោះជាមានគេជួយសង្គ្រោះបឋមក៏ដោយ ។
តាមប្រភពពីនារីវ័យជំទង់២នាក់ដែលបានឃើញហេតុការណ៍បានរៀបរាប់ឱ្យដឹងថា ពួកគេទាំង២នាក់ជិះម៉ូតូឌុបគ្នាចេញពីលក់ដូរនៅម្តុំស្ពានអាកាសឫស្សីកែវ ឆ្លងកាត់វិថីព្រះស៊ីសុវត្ថិពីជើងទៅត្បូង លុះមកដល់ចំណុចកើតហេតុ ក៏បានឃើញរថយន្តបង្កបើកលឿនក្នុងទិសដៅបញ្ជ្រាសគ្នាជាមួយគាត់ ទៅបុកម៉ូតូប្តីប្រពន្ធនិងកូន ហើយស្ទើរតែរេចង្កូតមកបុកពួកគាត់ទាំង២នាក់ថែមទៀតផង។
សូមបញ្ជាក់ផងដែរថា លុះដល់វេលាម៉ោង១និង៣០នាទីឈានចូលព្រឹកថ្ងៃទី២៥ ធ្នូ កូនប្រុសវ័យជាង២ឆ្នាំ ដែលត្រូវបានបញ្ជូនទៅសង្គ្រោះនោះក៏បានផុតដង្ហើមនៅក្នុងមន្ទីរពេទ្យ ខណៈលលាដ៏ក្បាលត្រូវបានបែក ចំណែកឆ្អឹងដងកាំបិ.តត្រូវបានបា.ក់ រីឯបុរសជាប្តី និងត្រូវជាឪពុកក្មេងតូចនោះដែលដឹកយកទៅសង្គ្រោះនៅមន្ទីរពេទ្យកាល់ម៉ែតក៏បានស្លា.ប់ផងដែរ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ ក៏បានទាក់ទងទៅមន្ត្រីជំនាញអោយចុះមកធ្វើការវាស់វែង ព្រមទាំងយកម៉ូតូជនរងគ្រោះទៅរក្សាទុក រង់ចាំក្រុមគ្រួសារមកទទួល និងដាក់ពាក្យបណ្តឹងស្វែងរកជនបង្កផងដែរ។ ចំណែកស.ពប្តីប្រពន្ធនិងកូនប្រុស ត្រូវបានសមត្ថកិច្ចប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ៕
ចែករំលែកព័តមាននេះ