ខេត្តកំពង់ស្ពឺ ៖ ក្មេងទំនើងម្នាក់ក្នុងចំណោមបក្សពួក៤នាក់ត្រូវបានចាប់ខ្លួននៅវេលាម៉ោង៨ព្រឹក ថ្ងៃទី២៤ ឧសភា នៅភូមិព្រីងកោង ឃុំសង្កែសាទប ស្រុកឱរ៉ាល់ តាមដីការបស់តុលាការលេខ៣៣៦ ចុះថ្ងៃទី២៩ ខែវិច្ឆិកា ឆ្នាំ២០១០ របស់ចៅក្រមស៊ើបអង្កេត និងស៊ើបសួរអ៊ិន បូរិន នៃសាលាដំបូងខេត្តកំពង់ស្ពឺ ពីបទប៉ុនប៉ងមនុស្សឃាតដោយចេតនា
ខេត្តកំពង់ស្ពឺ ៖ ក្មេងទំនើងម្នាក់ក្នុងចំណោមបក្សពួក៤នាក់ត្រូវបានចាប់ខ្លួននៅវេលាម៉ោង៨ព្រឹក ថ្ងៃទី២៤ ឧសភា នៅភូមិព្រីងកោង ឃុំសង្កែសាទប ស្រុកឱរ៉ាល់ តាមដីការបស់តុលាការលេខ៣៣៦ ចុះថ្ងៃទី២៩ ខែវិច្ឆិកា ឆ្នាំ២០១០ របស់ចៅក្រមស៊ើបអង្កេត និងស៊ើបសួរអ៊ិន បូរិន នៃសាលាដំបូងខេត្តកំពង់ស្ពឺ ពីបទប៉ុនប៉ងមនុស្សឃាតដោយចេតនា។
លោកអនុសេនីយ៍ទោ សម សាក់ នាយរងការិយាល័យកណ្តាលនគរបាលព្រហ្មទណ្ឌខេត្តបានឱ្យកោះសន្តិភាពដឹងថា ជនស្ទាវម្នាក់នេះឈ្មោះឌឿន សុខគង់ ភេទប្រុស អាយុ២០ឆ្នាំ ស្ថិតក្នុងចំណោមបក្សពួក៣នាក់ទៀតដែលពុំទាន់ចាប់ខ្លួនបាន ។ ឌឿន សុខគង់ ជាជនដៃដល់ខាងលួច វាយ និងប្លន់ អំឡុងឆ្នាំ២០០៩ទៅ២០១០ ដោយគំរាមវាយក្មេងស្រីដោះយកខ្សែ.កទៅលក់ស៊ីចាយ និងគំរាមវាយយកម៉ូតូជាច្រើនករណី ។
ឌឿន សុខគង់ បានគេចខ្លួនជាមួយបក្សពួកអស់រយៈពេល១ឆ្នាំ ក៏លេចមុខមកវិញ ទើបសមត្ថកិច្ចស្រុកឱរ៉ាល់សហការជាមួយកំលាំងជំនាញព្រហ្មទណ្ឌខេត្តតាមចាប់ខ្លួនតាំងពីមូលដ្ឋានស្រុកសំរោងទងរហូតដល់ភូមិព្រីងកោង ឃុំសង្កែសាទបទើបចាប់បាន ខណៈដែលជននេះព្យាយាមបើករថយន្តកូរ៉េ១គ្រឿងគេចខ្លួន។
លោកសម សាក់ បន្តថា សុខគង់ ត្រូវឈ្មោះកែវ ចិន ជាឪពុកជនរងគ្រោះប្តឹងពីបទរួមជាមួយបក្សពួកគេ៣នាក់ទៀតយកញញួរវាយក្បាលកូនគាត់ឱ្យរបួសធ្ងន់ ហើយបំរុងវាយបន្ថែមឱ្យស្លាប់នៅនឹងកន្លែង តែត្រូវសមត្ថកិច្ច និងអ្នកភូមិជួយអន្តរាគមន៍ទាន់។ ពួកគេក៏គេចខ្លួនបាត់តាំងពីថ្ងៃកើតហេតុ ថ្ងៃទី២៧ មករា មក។ នៅចំពោះមុខសមត្ថកិច្ច ឈ្មោះ ឌឿន សុខគង់ ឆ្លើយថា គេរស់នៅភូមិតាប៉ង ឃុំខ្ទុំក្រាំង ស្រុកសំរោងទង បានរួមជាមួយបក្សពួកប្រព្រឹត្តបទល្មើសនោះពិតប្រាកដមែន។ ចំណែកជនល្មើស៣នាក់ទៀតសមត្ថកិច្ចកំពុងស្រាវជ្រាវតាមចាប់ខ្លួន ៕
ចែករំលែកព័តមាននេះ