រាជធានីភ្នំពេញ ៖ កាលពីរសៀលថ្ងៃទី២៣ ឧសភា សាលាដំបូងរាជធានីបានសំរេចឃុំខ្លួនមេបនជនជាតិវៀតណាម២នាក់នៅពន្ធនាគារព្រៃស ពីបទបើកកន្លែងប្រព្រឹត្តអំពើសញ្ចារកម្ម។ មេបនម្នាក់ឈ្មោះប៊ិន ចាន់លី ភេទប្រុស អាយុ៣៨ឆ្នាំ ស្នាក់នៅផ្ទះលេខ១៦ ផ្លូវលេខ១៣ សង្កាត់ស្រះចក ខណ្ឌដូនពេញ ជាអ្នកបើកលក់កាហ្វេ និងបើកកន្លែង
រាជធានីភ្នំពេញ ៖ កាលពីរសៀលថ្ងៃទី២៣ ឧសភា សាលាដំបូងរាជធានីបានសំរេចឃុំខ្លួនមេបនជនជាតិវៀតណាម២នាក់នៅពន្ធនាគារព្រៃស ពីបទបើកកន្លែងប្រព្រឹត្តអំពើសញ្ចារកម្ម។ មេបនម្នាក់ឈ្មោះប៊ិន ចាន់លី ភេទប្រុស អាយុ៣៨ឆ្នាំ ស្នាក់នៅផ្ទះលេខ១៦ ផ្លូវលេខ១៣ សង្កាត់ស្រះចក ខណ្ឌដូនពេញ ជាអ្នកបើកលក់កាហ្វេ និងបើកកន្លែងប្រព្រឹត្តអំពើពេស្យាចារ និងម្នាក់ទៀតឈ្មោះង្វៀង ធីស៊ី ភេទស្រី អាយុ៥២ឆ្នាំ ស្នាក់នៅផ្ទះលេខ១៧ ផ្លូវលេខ១៣ សង្កាត់ស្រះចកខណ្ឌដូនពេញ ជាថៅកែហាងកាហ្វេ និងបើករបរដូចគ្នា។
ជនសង្ស័យទាំង២នាក់ត្រូវសមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញឃាត់ខ្លួនកាលពីវេលាម៉ោង១១ និង៤៥នាទី ថ្ងៃទី២០ ឧសភា នៅហាងលក់កាហ្វេរបស់ពួកគេ ដោយយោងទៅលើពាក្យបណ្តឹងរបស់នារីរងគ្រោះចំនួន៦នាក់ ដែលសុទ្ធសឹងជាជនជាតិវៀតណាម។ ពាក្យបណ្តឹងមានន័យប្រហាក់ប្រហែលគ្នាថា ពួកគេត្រូវមេបនទាំង២នាក់ហៅឱ្យចូលទៅធ្វើការរត់តុកាហ្វេនៅម្តុំមុខវត្តនាគវ័ន្ត។ ពេលចូលធ្វើការមាននារី២នាក់គេទុកឱ្យដាំបាយ ចំណែក៤នាក់បង្ខំឱ្យបំរើផ្លូវភេទជាមួយបុរសដែលខ្លះធ្វើបានរយៈពេលជាង១ខែ ខ្លះបាន២ទៅ៣ថ្ងៃប៉ុណ្ណោះ។
ពាក្យបណ្តឹងបញ្ជាក់ថា ពេលចូលរួមភេទជាមួយភ្ញៀវម្តងបានប្រាក់១៥.០០០ទៅ២០.០០០រៀល ប៉ុន្តែប្រាក់នេះមិនសល់ទេ ត្រូវថៅកែហាងដកយកក្នុង១ថ្ងៃ១០.០០០រៀល។ ពេលណាមានធុរៈ ឬជំងឺត្រូវខ្ចីប្រាក់ពីថៅកែចាយវាយបណ្តោះអាសន្នសិន លុះពេលរួមភេទជាមួយភ្ញៀវត្រូវគេកាត់យកប្រាក់នោះវិញ។ ដោយមើលឃើញអំពើអាក្រក់ និងខុសច្បាប់ទើបពួកនាងទាំង៤នាក់ដាក់ពាក្យបណ្តឹងទៅសមត្ថកិច្ចឱ្យចាប់ខ្លួនមេបនដាក់ពន្ធនាគារ និងរំដោះពួកនាងចេញពីកន្លែងនោះ។ ក្រោយពីចាប់ខ្លួនមេបន២នាក់នោះ សមត្ថកិច្ចបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញទើបត្រូវតុលាការសំរេចឃុំខ្លួនដាក់ពន្ធនាគារជាបណ្តោះអាសន្ន ៕
ចែករំលែកព័តមាននេះ