ខេត្តស្វាយរៀង ៖ សាំងគេចពន្ធនាំចូលមកពីប្រទេសវៀតណាម ចាប់កម្រើកឡើងវិញហើយ តាមច្រករបៀងនានានៃទឹកដីខេត្តស្វាយរៀង មានច្រករបៀងសំយ៉ោង ស្រែបារាំង តានូ ក្រសាំងជ្រំ ក្នុងភូមិសាស្ត្រស្រុកកំពង់រោទ៍ និងស្រុកស្វាយជ្រំ នាប៉ុន្មានខែចុងក្រោយនេះ
ខេត្តស្វាយរៀង ៖ សាំងគេចពន្ធនាំចូលមកពីប្រទេសវៀតណាម ចាប់កម្រើកឡើងវិញហើយ តាមច្រករបៀងនានានៃទឹកដីខេត្តស្វាយរៀង មានច្រករបៀងសំយ៉ោង ស្រែបារាំង តានូ ក្រសាំងជ្រំ ក្នុងភូមិសាស្ត្រស្រុកកំពង់រោទ៍ និងស្រុកស្វាយជ្រំ នាប៉ុន្មានខែចុងក្រោយនេះ ។
ជាក់ស្តែងកាលពីព្រឹកថ្ងៃទី២៤ ឧសភា ឆ្នាំ២០១១ នៅច្រករបៀងសំយ៉ោង ឃុំសំយ៉ោង ស្រុកកំពង់រោទ៍ និងច្រករបៀងស្រែបារាំង ស្រុកស្វាយជ្រំ មានសកម្មភាពដឹកសាំងចូលមកក្រុងស្វាយរៀងយ៉ាងរលូនដោយពុំមានឃើញសមត្ថកិច្ចណាអើពើឡើយ ក៏ប៉ុន្តែគេឃើញមានសមត្ថកិច្ចខ្លះចងអង្រឹងតាមផ្លូវចាំយកប្រាក់ពីអ្នកដឹកសាំងគេចពន្ធទាំងនោះដែរ។ ចំពោះអ្នកដឹកសាំងគេចពន្ធវិញបានបង្ហើបឱ្យដឹងថា ពួកគេទិញសាំងពីវៀតណាមនៅមាត់ព្រែកតានូ ហើយបង់ឱ្យសមត្ថកិច្ចបីទៅបួនកន្លែង ទើបដល់គោលដៅដោយក្នុងមួយកន្លែងមួយប៊ីដុង៣០លីត្រ ៥០០រៀល។ ពួកគេដឹកបានពី១០ទៅ១៣ប៊ីដុង តែគេចោលឱ្យ២ប៊ីដុង ដូច្នេះក្នុងម៉ូតូ១គ្រឿងត្រូវបង់៥.៥០០រៀល សរុបគ្រប់កន្លែងគឺត្រូវចំណាយ២២.០០០រៀល។ បើសំណាងអាក្រក់ជួបគយចល័តត្រូវគេចាប់យកទទេ ដូច្នេះបច្ចុប្បន្នពួកគេភាគច្រើនគ្រាន់តែស៊ីឈ្នួលដឹកឱ្យថៅកែប៉ុណ្ណោះ ក៏ប៉ុន្តែទោះបីជាយ៉ាងណាពួកគេត្រូវតែព្យាយាមដឹកគេចមិនឱ្យជួបគយចល័តឡើយ បើមិនដូច្នេះទេ ថៅកែលែងឱ្យដឹកទៀត។ ចំណែកអ្នកខ្លះដែលគេមានប្រាក់ គេទិញប្រេងសាំង ឬម៉ាស៊ូត ដឹកខ្លួនគេដាក់ឱ្យម៉ូយលក់រាយ ។
ចំពោះមន្ត្រីសមត្ថកិច្ចវិញនិយាយថា អ្នកដឹកសាំងគេចពន្ធមានច្រើន គេមិនអាចបង្ក្រាបអស់នោះទេ ។ រីឯក្រុមអាជីវករតាមស្ថានីយវិញ បានរិះគន់ថា តើអ្នកដឹកសាំងចូលតាមណាបានជាសមត្ថកិច្ចតាមច្រករបៀងមើលមិនឃើញ? ឯអ្នកចងអង្រឹងកាក់យកលុយតាមផ្លូវបីបួនកន្លែងនោះប្រហែលជាកុងត្រូលជជុះហើយមើលទៅ៕
ចែករំលែកព័តមាននេះ