ខេត្តបាត់ដំបង ៖ កម្លាំងនគរបាលព្រហ្មទណ្ឌផ្នែកបង្ការ និងបង្ក្រាបបទល្មើសនៃស្នងការដ្ឋានខេត្ត បានឃាត់ខ្លួនក្មេងទំនើងចំនួន៣នាក់ ក្នុងចំណោមបក្សពួកប្រហែល៣០នាក់ ខណៈពួកគេកំពុងប្រយុទ្ធគ្នាយ៉ាងសាហា.វក្នុងវង់រាំក្នុងកម្មវិធីប្រគំតន្ត្រីមួយកាលពីវេលាម៉ោង១១យប់ ថ្ងៃទី២៣ ឧសភា នៅខាងកើតរង្វង់មូលរូបសំណាកលោកតាដំបងគ្រញូង
ខេត្តបាត់ដំបង ៖ កម្លាំងនគរបាលព្រហ្មទណ្ឌផ្នែកបង្ការ និងបង្ក្រាបបទល្មើសនៃស្នងការដ្ឋានខេត្ត បានឃាត់ខ្លួនក្មេងទំនើងចំនួន៣នាក់ ក្នុងចំណោមបក្សពួកប្រហែល៣០នាក់ ខណៈពួកគេកំពុងប្រយុទ្ធគ្នាយ៉ាងសាហាវក្នុងវង់រាំក្នុងកម្មវិធីប្រគំតន្ត្រីមួយកាលពីវេលាម៉ោង១១យប់ ថ្ងៃទី២៣ ឧសភា នៅខាងកើតរង្វង់មូលរូបសំណាកលោកតាដំបងគ្រញូង ក្នុងក្រុងបាត់ដំបង ។
លោកម៉េង លៀង អនុប្រធានការិយាល័យនគរបាលព្រហ្មទណ្ឌកម្រិតស្រាល ដែលបានដឹកនាំកិច្ចប្រតិបត្តិការនេះបានថ្លែងថា យើងរកមិនឃើញថា តើក្រុមណាជាអ្នកបង្កមុនទេ ព្រោះក្នុងហ្វូងមនុស្សរាប់សិបនាក់បានប៉ះប្រយុទ្ធគ្នាក្នុងវង់រាំដ៏កំរោលបំផុត ។ ពេលដែលពួកគេកំពុងដេញប្រវាយប្រតប់គ្នាដែលខ្លះឃើញមានបែកក្បាលនិងរបួសពេញខ្លួនទៅហើយនោះ កម្លាំងរបស់លោកបានចូលអន្តរាគមន៍ភ្លាមៗចាប់បាន៣នាក់ ទាំងឈាមដាបរៀងៗខ្លួន ប៉ុន្តែសមត្ថកិច្ចរបស់លោក២នាក់បានរងរបួសដោយសារពួកក្មេងទំនើងវាយនឹងខ្សែក្រវាត់ និងដំបង ។
ជន៣នាក់ដែលចាប់ខ្លួននេះម្នាក់ៗស្រវឹងទន់ខ្លួនឈរលែងនឹងទៅហើយ គឺ១-ឈ្មោះសេង សល់ អាយុ២០ឆ្នាំ ២-ឈ្មោះឃិន មួន អាយុ២២ឆ្នាំ ៣-ឈ្មោះលាង ខ្វេ អាយុ២៨ឆ្នាំ ។ ក្រោយពេលបញ្ជូនមកដល់ការិយាល័យជំនាញ ជនទាំងនេះ និយាយលែងដឹងខុសត្រូវទៅហើយ ព្រោះស្រវឹងស្រាដល់កម្រិតសូម្បីតែមុខរបួសក៏ពួកគេមិនឈឺចាប់ដែរ ។
តាមការបំភ្លឺពីសាក្សីថា ពួកគេរាប់សិបនាក់បានប្រយុទ្ធគ្នាដូចគោហ្វូងដូច្នេះមិនអាចកំណត់ថា មួយណាជាបក្សពួកខាងណានោះទេ បើនិយាយទៅពួកគេសុទ្ធតែជនល្មើសទាំងអស់ ។ ទោះបីជាបែបណា លោកម៉េង លៀង បញ្ជាក់ថា ដោយសារសំណុំរឿងនេះគ្មានដើមបណ្តឹង ទើបលោកស្នងការសម្រេចដោះលែងវិញ ក្រោយពីអប់រំហើយឱ្យធ្វើកិច្ចសន្យា៕
ចែករំលែកព័តមាននេះ