រាជធានីភ្នំពេញ ៖ រដ្ឋមន្ត្រីក្រសួងព័ត៌មាន បានគូសបញ្ជាក់ថា ក្រមសីលធម៌ វិជ្ជាជីវៈ សារព័ត៌មាន នៅតែដើរតួនាទីយ៉ាងសំខាន់ សម្រាប់អ្នកសារព័ត៌មាន ព្រោះអាចនឹងឲ្យស្នាដៃខ្លួននៅមានបន្ត…
រាជធានីភ្នំពេញ ៖ រដ្ឋមន្ត្រីក្រសួងព័ត៌មាន បានគូសបញ្ជាក់ថា ក្រមសីលធម៌ វិជ្ជាជីវៈ សារព័ត៌មាន នៅតែដើរតួនាទីយ៉ាងសំខាន់ សម្រាប់អ្នកសារព័ត៌មាន ព្រោះអាចនឹងឲ្យស្នាដៃខ្លួននៅមានបន្ត បើមិនដូច្នេះទេ អ្នកសារព័ត៌មាននោះ នឹងបាត់បង់ប្រជាប្រិយ៍ភាព ជាមិនខាន ។
ថ្លែងក្នុងវេទិការ និពន្ធនាយកសារព័ត៌មាន លើកទី២០ ក្រោមប្រធានបទ ៖ “វិជ្ជាជីវៈ និងក្រមសីលធម៌សារព័ត៌មាន” នាព្រឹកថ្ងៃទី២១ ខែធ្នូ ឆ្នាំ២០២៣ ដែលរៀបចំដោយក្លឹបអ្នកការសែតកម្ពុជា នៅសណ្ឋាគារសុខា ភ្នំពេញ ឯកឧត្តម នេត្រ ភក្ត្រារដ្ឋមន្ត្រីក្រសួងព័ត៌មាន បានគូសបញ្ជាក់ថា ៖ “ចរន្តសារព័ត៌មាន ឥឡូវដើរផ្ទុយពីមុន ដែលពីមុន ទាល់តែទៅរៀនផ្នែកការសែត ទទួលការបណ្តុះបណ្តាលហើយ បានយើងចូលមកអនុវត្តការងារវិជ្ជាជីវៈ សារព័ត៌មាន តែឥឡូវនេះ យើងដើរផ្ទុយ ដោយសារតែកំណើនយ៉ាងគំហុក នៃកំណើរព័ត៌មាន ពិសេសនោះគេហទំព័រ និង TV អនឡាញ ឬក៏និយាយ មានតែហ្វេសប៊ុកក៏គេនិយាយថា សារព័ត៌មានដែរ» ។
ឯកឧត្តម រដ្ឋមន្ត្រី បានបន្តថា បច្ចុប្បន្ននេះ មានអ្នកសារព័ត៌មានខ្លះ មិនទាន់ដឹងពីគ្រឹះមូលដ្ឋាន នៃការសរសេព័ត៌មានផង ប៉ុន្តែចំណុចនេះ យើងមិនអាចបន្ទោសអ្នកណាបានទេ ដោយសារតែមានការវិវត្តន៍ នៃក្រមខណ្ឌសង្គមជាតិ ។
យ៉ាងណាក្តី ឯកឧត្តម រដ្ឋមន្ត្រី គូសបញ្ជាក់ថា តើយើងត្រូវធ្វើយ៉ាងដូច្នេះ ដើម្បីគ្រប់គ្រងស្ថានភាពវិស័យព័ត៌មានយ៉ាងដូច្នេះដើម្បីកុំឲ្យវាជ្រុល ហើយតម្រង់ទិសឲ្យវិស័យព័ត៌មាន ដែលតែងតែជាកញ្ចក់ឆ្លុះ តថភាពពិត ក្នុងសង្គម ដើរតួនាទៅជាកញ្ចក់ដែលថ្លា មិនមែនជាកញ្ចក់ស្រអាប់ នោះទេ ។
ទាក់ទងនឹងការគ្រប់ក្រងវិស័យព័ត៌មាននេះដែរ ឯកឧត្តម រដ្ឋមន្ត្រីក្រសួងព័ត៌មាន បានលើកឡើងក្នុង អាណត្តិទី៧ នៃរដ្ឋសភា ក្រសួងព័ត៌មាន នឹងធ្វើការរៀបចំ វិស័យព័ត៌មានឡើងវិញ ផងដែរ ក្នុងគោលបំណង ពង្រឹងលើកការអនុវត្ត លើក្រមសីកធម៌ វិជ្ជាជីវៈ អ្នកសារព័ត៌មាន ។
ឯកឧត្តម រដ្ឋមន្ត្រី បានគូសបញ្ជាក់យ៉ាងដូច្នេះថា ៖ «ក្រមសីលធម៌ វិជ្ជាជីវៈនេះ គឺជាមូលដ្ឋានគ្រឹះ សំខាន់ណាស់ ទាំងគុណភាពការងារ និងទាំងការការពារអ្នកសារព័ត៌មាន ផងដែរ។ ឥឡូវ បើយើងមើល ក្នុងប្រទេសកម្ពុជាយើង សមាគមន៍អ្នកសារព័ត៌មាន បានទទួលស្គាល់ជាង ៥១សមាគមន៍ នៅមានថែមទៀត» ។
ក្នុងឱកាសនោះដែរ ឯកឧត្តម ក៏បានលើកឡើងថា គោលបំណងរបស់ក្រសួង គឺព័ត៌មានទាំងអស់ ដែលបង្កើតឡើង និងទទួលស្គាល់ដោយត្រឹមត្រូវ ត្រូវតែធ្វើការជាមួយគ្នា ដោយមិនអាចបង្កើតឡើងហើយ ចង់ធ្វើការងារតែឯង នោះទេ ។
ឯកឧត្តម សង្កត់ធ្ងន់ថា «ការងារវិស័យព័ត៌មាននេះ គឺជាការងារយើងទាំងអស់គ្នា មិនមែនសម្រាប់អ្នកណាផ្សេងនោះទេ អ៊ីចឹង អ្វីដែលយើងធ្វើថ្ងៃនេះ គឺរួមគ្នាធ្វើ ហើយក៏មានសមាគមន៍ផ្សេងទៀត បាននិងកំពុងតាមដានការងារយើង«..» សរុបខ្ញុំចង់ឲ្យមានក្រមសីលធម៌ វិជ្ជាជីវៈ អ្នកសារព័ត៌មានមួយ ដែលអ្នកទាំងអស់គ្នា ទទួលយកបាន» ។
ឯកឧត្តម បានលើកឡើងទៀតថា ដើម្បីឲ្យគ្រប់ភាគីអ្នកសារព័ត៌មាន ទទួលយកបានទាំងអស់គ្នា ធ្វើក្រមមួយ ដែលផ្សំនឹងការវិវត្តន៍របស់សង្គមជាតិ ៕
ចែករំលែកព័តមាននេះ