ខេត្តកំពង់ស្ពឺ ៖ ក្រុមជនសង្ស័យចំនួន០៣នាក់ ត្រូវបានកម្លាំងនគរបាលស្រុកសំរោងទងធ្វើការឃាត់ខ្លួន ខណៈដែលជិះម៉ូតូឌុបគ្នាធ្វើសកម្មភាពឆក់ទូរស័ព្ទពីជនរងគ្រោះបានសម្រេច ហើយយកទៅលក់ ក៏ត្រូវនគរបាលក្របួចជាប់តែម្តង។ ការឃាត់ខ្លួនក្រុមជនសង្ស័យធ្វើឡើង កាលពីវេលាម៉ោង៩និង០៧នាទីយប់ថ្ងៃទី៧ ខែសីហា…
ខេត្តកំពង់ស្ពឺ ៖ ក្រុមជនសង្ស័យចំនួន០៣នាក់ ត្រូវបានកម្លាំងនគរបាលស្រុកសំរោងទងធ្វើការឃាត់ខ្លួន ខណៈដែលជិះម៉ូតូឌុបគ្នាធ្វើសកម្មភាពឆក់ទូរស័ព្ទពីជនរងគ្រោះបានសម្រេច ហើយយកទៅលក់ ក៏ត្រូវនគរបាលក្របួចជាប់តែម្តង។ ការឃាត់ខ្លួនក្រុមជនសង្ស័យធ្វើឡើង កាលពីវេលាម៉ោង៩និង០៧នាទីយប់ថ្ងៃទី៧ ខែសីហា ឆ្នាំ២០២៥ នៅក្នុងភូមិសុវណ្ណគីរី ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ។
នគរបាលស្រុកសំរោងទងបាននិយាយឱ្យដឹងថា នៅមុនពេលឈានដល់ធ្វើការឃាត់ខ្លួនក្រុមជនសង្ស័យខាងលើ គឺកម្លាំងនគរបាលស្រុកសំរោងទង ប៉ុស្តិ៍នគរបាលឃុំខ្ទុំក្រាំង បានសហការជាមួយប្រជាការពារភូមិ បានធ្វើការល្បាតតាមផ្លូវជាតិលេខ៤៤ ដល់ចន្លោះបង្គោលគីឡូត៍ម៉ែត្រលេខ១០-ទៅលេខ១១ ស្ថិតនៅភូមិសុវណ្ណគីរី ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បានឃាត់មុខសញ្ញាសង្ស័យចំនួន៣នាក់។
នគរបាលស្រុកសំរោងទងបានបន្តថា ក្រុមជនសង្ស័យដែលឃាត់ខ្លួនទី០១~ មានឈ្មោះផល ថាត់ ភេទប្រុស អាយុ១៦ឆ្នាំមុខរបរមិនពិតប្រាកដ (ជាអ្នកឆក់ទូរស័ព្ទពីជនរងគ្រោះ) ទី២~ឈ្មោះផល រស្មី ភេទប្រុស អាយុ១៦ឆ្នាំមុខរបរមិនពិតប្រាកដ (ជាអ្នកឌុប)ជនសង្ស័យទាំងពីរនាក់ខាងលើរស់នៅភូមិត្នោតជ្រុំ ឃុំព្នាយ ស្រុកសំរោងទង ខេត្តកំពង់ស្ពឺ និងទី៣~មានឈ្មោះបាន សុផល ភេទប្រុស អាយុ២០ឆ្នាំមុខរបរមិនពិតប្រាកដ (ជាអ្នកជូនទៅលក់)រស់នៅក្នុងភូមិចំការស្លែង ឃុំតាំងក្រូច ស្រុកសំរោងទង ខេត្តកំពង់ស្ពឺ ។
នគរបាលស្រុកសំរោងទងបានបញ្ជាក់ថា ក្រោយឃាត់ខ្លួន នគរបាលបានធ្វើការសាកសួរ ក្រុមជនសង្ស័យខាងលើ បានឆ្លើយសារភាពថា ខ្លួនពិតជាបានឆក់ទូរស័ព្ទ០១គ្រឿងម៉ាកអាយហ្វូន១១ ប្រូម៉េក ពណ៌ប្រផេះ នៅចំណុចលើស្ពាន ស្ថិតនៅភូមិអូរគគី ឃុំតាំងក្រូច ស្រុកសំរោងទង ខេត្តកំពង់ស្ពឺ នៅវេលាម៉ោង ១៦និង១៥នាទី នៅថ្ងៃទី៧ ខែសីហា ខាងលើពិតប្រាកដមែន។ ដោយជនរងគ្រោះជាម្ចាស់ទូរស័ព្ទមានឈ្មោះ ម៉ាប់ សម្ភស្ស ភេទស្រី អាយុ២៥ឆ្នាំ រស់នៅភូមិសុវណ្ណគីរី ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បានដាក់ពាក្យបណ្ដឹងឱ្យសមត្ថកិច្ចចាត់ការតាមផ្លូវច្បាប់។
នគរបាលស្រុកសំរោងទងបានបញ្ជាក់ទៀតថា ក្រោយឃាត់ក្រុមជនសង្ស័យដកហូតបានវត្ថុតាងមធ្យោយបាយម៉ូតូ០១គ្រឿងរបស់ជនសង្ស័យ និងទូរស័ព្ទដៃ០១គ្រឿង ជារបស់ជនរងគ្រោះ។
បច្ចុប្បន្ន ក្រុមជនសង្ស័យខាងលើ រួមជាមួយវត្ថុតាងនគរបាលជំនាញបានកសាងសំណុំរឿងចាត់ការបន្តតាមផ្លូវច្បាប់៕
ចែករំលែកព័តមាននេះ