ស្ត្រីខ្លាំង១រូបចង់ឈរឈ្មោះប្រជែងជាមួយលោកពូទីន
ប្រទេសរុស្ស៊ី ៖ ស្ត្រីជាអ្នកនយោបាយឯករាជ្យម្នាក់ គឺលោកស្រីអេកាតឹរីណា ដូអ៊ុនសូវ៉ា ជាអ្នកចង់បាន
ប្រទេសរុស្ស៊ី ៖ ស្ត្រីជាអ្នកនយោបាយឯករាជ្យម្នាក់ គឺលោកស្រីអេកាតឹរីណា ដូអ៊ុនសូវ៉ា ជាអ្នកចង់បានសន្តិភាព កាលពីថ្ងៃទី២០ ធ្នូ បានដាក់សំណុំរឿងលោកស្រីសម្រាប់ការឈរឆ្មោះជាបេក្ខនារីក្នុងការបោះឆ្នោតប្រធានាធិបតីរុស្ស៊ីនាខែមីនាខាងមុខនេះ ប្រជែងជាមួយលោកវ្ល៉ាឌីមៀរ ពូទីន។ ក្នុងការបោះឆ្នោតនោះគេជឿជាក់ច្បាស់ថាលោកពូទីននឹងជាអ្នកឈ្នះទៀត។
ទោះបីយ៉ាងណានេះមិនមែនជាដំណាក់កាលតែមួយទេ សម្រាប់ការឈរឈ្មោះជាបេក្ខជន។ លោកស្រីអេកាតឹរីណាដូអ៊ុនសូវ៉ាអាយុ៤០ឆ្នាំ ពេលនេះនៅត្រូវប្រមូលហត្ថលេខាអ្នកគាំទ្រឲ្យបាន៣០០.០០០នាក់ ដែលមិនមែនជារឿងតូចតាចទេ។ មានសុទិដ្ឋនិយមលោកស្រីថ្លែងថា យា៉ងហោចណាស់លោកស្រីក៏មានសង្ឃឹមពាក់កណ្ដាលដែរ។
បើជាប់ឆ្នោតជាថ្មីនោះលោកពូទីននឹងកាន់អំណាចអាណត្តិទី៥ រួចតាមមើលទៅលោកពិតជាឈ្នះឆ្នោតទៀតព្រោះពុំមានរូបភាពនៃតួអង្គប្រឆាំងណាត្រូវបានអនុគ្រោះឡើយ។ ពួកអ្នកប្រឆាំងស្ទើរទាំងអស់ដូចជាលោកអាឡិចសីណាវ៉ាល់នីជាដើមត្រូវចាប់ដាក់គុកឬត្រូវបង្ខំឲ្យនិរទេស។
លោកស្រីអេកាតឹរីណាដូអ៊ុនសូវ៉ាថ្លែងថាយើងមានកម្មវិធីវិជ្ជមានមួយ យើងមិនប្រឆាំងនរណាទេ យើងចង់បានសន្តិភាពនិងចង់ឲ្យមានដំណើរការប្រជាធិបតេយ្យ៕
ចែករំលែកព័តមាននេះ