ហេតុការណ៍បា.ក់ស្រុតកំណាត់ផ្លូវជាតិលេខ៧៦ ដែលបង្កឱ្យមានការភ្ញាក់ផ្អើលយ៉ាងខ្លាំងកាលពីអំឡុងខែសីហា ឆ្នាំ២០២៣កន្លងទៅ នៅស្រុកអូររាំង ខេត្តមណ្ឌលគិរីនោះ ព្រោះតែករណីបែបនេះស្ទើរតែមិនធ្លាប់កើតមាននៅក្នុងស្រុកខ្មែរ។ បច្ចុប្បន្ន
ខេត្តមណ្ឌលគិរី ៖ ហេតុការណ៍បា.ក់ស្រុតកំណាត់ផ្លូវជាតិលេខ៧៦ ដែលបង្កឱ្យមានការភ្ញាក់ផ្អើលយ៉ាងខ្លាំងកាលពីអំឡុងខែសីហា ឆ្នាំ២០២៣កន្លងទៅ នៅស្រុកអូររាំង ខេត្តមណ្ឌលគិរីនោះ ព្រោះតែករណីបែបនេះស្ទើរតែមិនធ្លាប់កើតមាននៅក្នុងស្រុកខ្មែរ។ បច្ចុប្បន្ន កំណាត់ផ្លូវដែលរងការខូចខាតបណ្តាលមកពីគ្រោះធម្មជាតិនេះ ត្រូវបានស្ថាបនារួចរាល់ជាស្ថាពរហើយ និងត្រៀមដាក់ឲ្យដំណើរការវិញនាពេលខាងមុខ។
តាមការបញ្ជាក់របស់លោក រស់ គីមធន ប្រធានមន្ទីរសាធារណការ និងដឹកជញ្ជូនខេត្តមណ្ឌលគិរី គិតត្រឹមថ្ងៃទី២០ ខែធ្នូ ឆ្នាំ២០២៣នេះ បានប្រាប់ឱ្យដឹងថា «កំណាត់ផ្លូវជាតិលេខ៧៦ ដែលរងការបា.ក់ស្រុតនារដូវវស្សាកន្លងមកនោះ ត្រូវបានត.ភ្ជាប់ និងអ៊ុតកៅស៊ូរួចរាល់ហើយ»។
លោក រស់ គីមធន បន្តថា «ហើយក្រុមការងារបានធ្វើការស្រោចកៅស៊ូ រោយថ្មទំហំ ១៩ មម រួចទាំងស្រុងហើយ លើកំណាត់ផ្លូវជាតិលេខ៧៦ ដែលមានប្រវែង៤២៥ម៉ែត្រ (PK93+900 to PK94+325) ដើម្បីត.ភ្ជាប់ឡើងវិញ ជំនួសផ្លូវជាតិលេខ៧៦ ដែលបានរអិលស្រុ.តចុះកាលពីយប់ថ្ងៃទី០១ ខែសីហា ឆ្នាំ២០២៣ កន្លងមកនោះ»។
សូមបញ្ជាក់ថា កាលពីយប់ថ្ងៃទី០១ ខែសីហា ឆ្នាំ២០២៣ កំណាត់ផ្លូវជាតិលេខ៧៦ បានបា.ក់ស្រុតដី នៅចំណុចអូរងើយ ស្ថិតក្នុងភូមិអណ្តូងក្រឡឹង ឃុំសែនមនោរម្យ ខេត្តមណ្ឌលគិរី បណ្ដាលឱ្យមានសភាពខូចខាតធ្ងន់ធ្ងរខ្លាំង រហូតអាជ្ញាធរត្រូវបង្ខំចិត្តបិទផ្អាកចរាចរណ៍ទាំងស្រុង ហើយការធ្វើដំណើរចេញ-ចូល និងដឹកទំនិញនានាកាលនោះ ត្រូវធ្វើដំណើរវៀងតាមខេត្តរតនគិរីវិញ។
គួររំលឹកថា ៖ បាក់ស្រុតដីផ្លូវជាតិលេខ៧៦ មានសភាពធ្ងន់ធ្ងរខ្លាំង ។ គួររំលឹកបន្តថា ៖ ផ្អាកចរាចរណ៍បណ្តោះអាសន្នលើផ្លូវជាតិលេខ៧៦ ក្នុងភូមិសាស្ត្រខេត្តមណ្ឌលគិរី ក្រោយភ្លៀងខ្លាំង បា.ក់ស្រុតផ្លូវ ។ គួររំលឹកទៀតថា ៖ គ្រឿងចក្រប្រឹងកាយទាំងយប់ទាំងថ្ងៃ សម្រាប់សង់ផ្លូវវាងឱ្យអ្នកដំណើរឆ្លងកាត់ ៕
ចែករំលែកព័តមាននេះ