បង្កើតក្រុមចម្រុះនៅសមុទ្រក្រហម ទប់ទល់ការវា.យប្រហាររបស់ពួកឧទ្ទាមយេម៉ែន
ប្រទេសយេម៉ែន ៖ រដ្ឋមន្ត្រីការពារប្រទេសអាមេរិកលោកLLOYD AUSTIN ប្រកាសនាថ្ងៃទី១៨ ធ្នូ ពី
ប្រទេសយេម៉ែន ៖ រដ្ឋមន្ត្រីការពារប្រទេសអាមេរិកលោកLLOYD AUSTIN ប្រកាសនាថ្ងៃទី១៨ ធ្នូ ពីការបង្កើតក្រុមចម្រុះអន្តរជាតិមួយនៅសមុទ្រក្រហម សំដៅទប់ទល់ការវាយប្រហាររបស់ពួកឧទ្ទាមយេម៉ែនហ៊ូធី មកលើបណ្ដានាវាពាណិជ្ចកម្មដែលបើកបរក្នុងសមុទ្រនោះ។
ក្រុមចម្រុះនេះមានការចូលរួមរបស់ប្រទេស១០ក្នុងនោះមានបារាំង អង់គ្លេស បារ៉ែន កាណាដា អ៊ីតាលី ហូឡង់ ន័រវែស អេស្ប៉ាញនិងសីសែល។ លោកLLOYD AUSTIN ក៏អំពាវនាវផងដែរដល់អ៊ីរ៉ង់ឲ្យបញ្ឈប់ការជួយទ្រទ្រង់របស់ខ្លួនដល់ប្រតិបត្តិការរបស់ពួកហ៊ូធីប្រឆាំងបណ្ដានាវាពាណិជ្ជកម្ម។ ក្នុងសេចក្ដីប្រកាសមួយលោកថ្លែងថា ការកើនឡើងនាពេលថ្មីៗនេះការវាយប្រហារ ដោយគ្មានការទទួលខុសត្រូវរបស់ពួកហ៊ូធីចេញពីយេម៉ែន គំរា.មកំហែង ដល់ការធ្វើចរាចរណ៍ដោយសេរីនៃបណ្ដានាវាពាណិជ្ចកម្ម ធ្វើឲ្យមានគ្រោះថ្នាក់ដល់អាយុជីវិតបណ្ដានាវិកស្លូតត្រង់និងរំលោភបំពានច្បាប់អន្តរជាតិ។ អាស្រ័យហេតុនេះហើយបានជាយើងសម្រេចប្រកាសបង្កើតក្រុមចម្រុះសម្រាប់ប្រតិបត្តិការមួយមានឈ្មោះថា PROSPIRITY GUARDIAN ។
ការប្រកាសនោះធ្វើឡើងបន្ទាប់ពីមានការវាយប្រហារជាច្រើនប្រឆាំងបណ្ដានាវា ក្នុងសមុទ្រក្រហមដែលពួកឧទ្ទាមយេម៉ែន ចាត់ទុកថាជានាវារបស់ប្រទេសជាសម្ព័ន្ធមិត្តអ៊ីស្រាអែល។ ការវាយប្រហារនោះបណ្ដាលឲ្យក្រុមហ៊ុនដឹកជញ្ជូនតាមសមុទ្រធំៗ ប្រកាសនាពេលថ្មីៗនេះពីការផ្អាកមិនឲ្យនាវាពួកគេបើកបរក្នុងសមុទ្រក្រហម រហូតដល់មានបទបញ្ជាជាថ្មី៕
ចែករំលែកព័តមាននេះ