ខេត្តបន្ទាយមានជ័យ ៖ ឯកឧត្តមអភិសន្តិបណ្ឌិត ស សុខា បានតឿនរំលឹកដល់កងកម្លាំងប្រដាប់អាវុធក្រសួងមហាផ្ទៃថា បើធ្វើតេស្តរកឃើញសាធាតុញៀន គឺមិនអនុញ្ញាតអោយនៅក្នុងក្របខណ្ឌទៀតឡើយ ដែលការលើកឡើងនេះ ស្ថិតក្នុងពិធីសម្ពោធមជ្ឈមណ្ឌលសំចត…
ខេត្តបន្ទាយមានជ័យ ៖ ឯកឧត្តមអភិសន្តិបណ្ឌិត ស សុខា បានតឿនរំលឹកដល់កងកម្លាំងប្រដាប់អាវុធក្រសួងមហាផ្ទៃថា បើធ្វើតេស្តរកឃើញសាធាតុញៀន គឺមិនអនុញ្ញាតអោយនៅក្នុងក្របខណ្ឌទៀតឡើយ ដែលការលើកឡើងនេះ ស្ថិតក្នុងពិធីសម្ពោធមជ្ឈមណ្ឌលសំចត កាលពីថ្ងៃទី១៨ ខែធ្នូ ឆ្នាំ២០២៣ នៅក្រុងប៉ោយប៉ែត ។
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានមានប្រសាសន៍ទៀតថា បើនិយាយត្រូវដកចេញពីក្របខណ្ឌមន្ត្រីប្រដាប់អាវុធ ដើម្បីបង្ហាញឱ្យយុវជនជំនាន់ក្រោយត្រូវបោសសំអាតចំពោះគ្រឿងញៀន ។
ឯកឧត្តមបានបញ្ជាក់ថា ចំពោះមន្ត្រីរាជការស៊ីវិលមិនទាន់មានផែនការនៅឡើយទេ តែសូមផ្តាំថា បើអ្នកពាក់ព័ន្ធ សូមដើរចេញអោយឆ្ងាយ បើយើងកំពុងមានសាធាតុញៀនក្នុងខ្លួន ត្រូវផ្តាច់អោយបានឆាប់ ព្រោះអ្នករកស៊ីគ្រឿងញៀនល្មើសនឹងច្បាប់ គឺគេចមិនផុតពីកណ្តាប់ដៃមន្ត្រីអនុវត្តច្បាប់ឡើយ ។
ឯកឧត្តមអភិសន្តិបណ្ឌិត ស សុខា បានផ្តាំផ្ញើដល់កងកម្លាំងប្រដាប់អាវុធនៃក្រសួងមហាផ្ទៃត្រូវបញ្ឈប់សកម្មភាពប្រើប្រាស់ និងពាក់ព័ន្ធបទល្មើសគ្រឿងញៀនដែលជាអំពើល្មើសច្បាប់។ បើកងកម្លាំងប្រដាប់អាវុធក្រសួងមហាផ្ទៃណាមួយរកឃើញសាធាតុញៀនរឺប្រើប្រាស់គ្រឿងញៀនត្រូវបញ្ឈប់ពីក្របខណ្ឌក្រសួងមហាផ្ទៃ និងអ្នកពាក់ព័ន្ធបទល្មើសគ្រឿងញៀននឹងមានចំណាត់ការតាមច្បាប់ដោយមិនអនុគ្រោះនិងលើកលែងឡើយ ។
ចែករំលែកព័តមាននេះ