ស្ថានការណ៍នយោបាយមុនការបោះឆ្នោតទូទៅនៅប្រទេសថៃហាក់ដូចជា មានភាពអាប់អួកាន់តែខ្លាំងឡើង ខណៈពេលមានលេចឮព័ត៌មានថា ថវិកាជិត១០ពាន់លានបាត បានបាត់ពីធនាគារនៅទូទាំងប្រទេស ។ កាសែតបាងកកប៉ុស្តិ៍ចេញផ្សាយដោយដកស្រង់សម្តីជំនួយការ ទេសាភិបាលធនាគារថៃដែលនិយាយថា ថវិកាជិត១០ពាន់លានបាតបានបាត់មុនការបោះឆ្នោតទូទៅដែលគ្រោង រៀបចំឡើងនៅថ្ងៃទី៣ កក្កដា ខាងមុខនេះ ។
ស្ថានការណ៍នយោបាយមុនការបោះឆ្នោតទូទៅនៅប្រទេសថៃហាក់ដូចជាមានភាពអាប់អួកាន់តែខ្លាំងឡើង ខណៈពេលមានលេចឮព័ត៌មានថា ថវិកាជិត១០ពាន់លានបាត បានបាត់ពីធនាគារនៅទូទាំងប្រទេស ។ កាសែតបាងកកប៉ុស្តិ៍ចេញផ្សាយដោយដកស្រង់សម្តីជំនួយការទេសាភិបាលធនាគារថៃដែលនិយាយថា ថវិកាជិត១០ពាន់លានបាតបានបាត់មុនការបោះឆ្នោតទូទៅដែលគ្រោងរៀបចំឡើងនៅថ្ងៃទី៣ កក្កដា ខាងមុខនេះ ។
ជំនួយការទេសាភិបាលធនាគាររូបនោះលោក Sorasit Suntornkes និយាយឱ្យដឹងទៀតថា ថវិកាសរុបជិត១០ពាន់លានបាតត្រូវបានដកពីធនាគារផ្សេងៗនៅតំបន់ទាំងឡាយក្នុងប្រទេស ប៉ុន្តែថវិកាដ៏ច្រើននេះមិនបានយកមកចំណាយក្នុងការធ្វើយុទ្ធនាការឃោសនាបោះឆ្នោតនោះទេ ។ លោក Soravit ឱ្យដឹងទៀតថា ពេលនេះមូលហេតុនៃការបាត់ថវិកានេះកំពុងតែស៊ើបអង្កេត និងតាមដាន។
អ្នកតាមដានស្ថានការណ៍នយោបាយក្នុងប្រទេសថៃនិយាយថា ថវិកាក្នុងចំនួនដ៏ច្រើននេះប្រហែលជាអ្នកនយោបាយមួយចំនួនលួចដកយកដើម្បីទិញសន្លឹកឆ្នោត ៕
ចែករំលែកព័តមាននេះ