កូរ៉េខាងជើងបា.ញ់មីស៊ីលបាលីស្ទិករយៈឆ្ងាយ និងរយៈខ្លី
ប្រទេសកូរ៉េខាងជើង ៖ កងទ័ពកូរ៉េខាងត្បូងអះអាងថា កូរ៉េខាងជើងកាលពីថ្ងៃទី១៨ ធ្នូ បានបា.ញ់
ប្រទេសកូរ៉េខាងជើង ៖ កងទ័ពកូរ៉េខាងត្បូងអះអាងថា កូរ៉េខាងជើងកាលពីថ្ងៃទី១៨ ធ្នូ បានបាញ់មីស៊ីលបាលីស្ទិករយៈឆ្ងាយ១គ្រាប់ដែលអាចវាយប្រហារដល់សហរដ្ឋអាមេរិក ដែលការបាញ់មីស៊ីលបាលីស្ទិកនោះ ធ្វើឡើងតែប៉ុន្មានម៉ោងប៉ុណ្នោះបន្ទាប់ពីប្រទេសនេះបាញ់មីស៊ីលរយៈខ្លី១គ្រាប់ ទៅកាន់សមុទ្រខាងកើតដែលគេហៅផងដែរថាសមុទ្រជប៉ុន។
ការបាញ់មីស៊ីលទាំង២គ្រាប់នោះធ្វើឡើងតេប៉ុន្មានថ្ងៃប៉ុណ្ណោះ បន្ទាប់ពីការព្រមានរបស់ក្រុងវ៉ាស៊ីនតោននិងក្រុងសេអ៊ូល ដែលថាក្រុងព្យុងយ៉ាងអាចបាញ់មីស៊ីលរំលងទ្វីបក្នុងខែធ្នូនេះ។ អគ្គសេនាធិការដ្ឋានកងទ័ពកូរ៉េខាងត្បូង ក្នុងសេចក្ដីប្រកាសមួយនិយាយថា កងទ័ពយើងចាប់ឃើញមីស៊ីលបាលីស្ទិករយៈឆ្ងាយ១គ្រាប់បាញ់ចេញពីតំបន់ក្រុងព្យុងយ៉ាង ដោយមីស៊ីលនោះហោះដល់ចម្ងាយ១០០០គីឡូម៉ែត្រ មុនពេលធ្លាក់ក្នុងសមុទ្រជប៉ុន។
មុននេះកូរ៉េខាងជើងបានបាញ់មីស៊ីលបាលីស្ទិករយៈខ្លីមួយគ្រាប់ ចេញពីតំបន់ក្រុងព្យុងយ៉ាងដែរ សំដៅទៅសមុទ្រខាងកើតនាវេលាម៉ោង២២និង៣៨នាទីម៉ោងក្នុងស្រុក។ មីស៊ីលនោះហោះហើរក្នុងចម្ងាយ៥៧០គីឡូម៉ែត្រមុុនធ្លាក់ក្នុងសមុទ្រខាងកើត។ ក្រុងសេអ៊ូល ក្រុងវ៉ាស៊ីនតោននិងក្រុងតូក្យូ បានចែករំលែកព័ត៌មានគ្នាទាក់ទិននឹងមីស៊ីលបាលីស្ទិករបស់កូរ៉េខាងជើង។
ក្រសួងការពារជាតិជប៉ុនក៏ថ្លែងផងដែរថា កូរ៉េខាងជើងបានបាញ់មីស៊ីល ដែលហាក់ដូចជាមីស៊ីលបាលីស្ទិករយៈឆ្ងាយមួយនិងមីស៊ីលរយៈខ្លីមួយ។ ទីបញ្ជាការដ្ឋានយោធាអាមេរិកនៅឥណ្ឌូប៉ាស៊ីហ្វិក ក្នុងសេចក្ដីប្រកាសមួយនិយាយថា ក៏ទោះបីការបាញ់មីសីុលនោះមិនមែនជាការគំរា.មកំហែ.ងមួយ ចំពោះសហរដ្ឋអាមេរិកឬបណ្ដាសម្ព័ន្ធមិត្តក្ដី តែពិតណាស់កម្មវិធីគ្រឿងសព្វាវុធខុសច្បាប់របស់កូរ៉េខាងជើងបង្កឲ្យមានអស្ថេរភាព។
ការបាញ់មីស៊ីលកាលពីថ្ងៃទី១៧ធ្នូរបស់កូរ៉េខាងជើង ធ្វើឡើងចំថ្ងៃខួបមរណភាពរបស់បិតាលោកគីមជុងអ៊ុន គឺលោកគីម ជុងអ៊ុលដែលទទួលមរណភាពនាថ្ងៃទី១៧ ធ្នូ ឆ្នាំ២០១១៕
ចែករំលែកព័តមាននេះ