រាជធានីភ្នំពេញ ៖ ផ្ទះមួយខ្នងសង់អំពីថ្មក្រោម ឈើលើ ស្ថិតក្នុងដីឡូត៍មួយនៅភូមិទឹកថ្លា សង្កាត់ទឹកថ្លា ខណ្ឌសែនសុខ របស់មន្ត្រីយោធាជើងទឹកម្នាក់ ត្រូវបានអគ្គិភ័យលេបត្របាក់អស់ស្ទើរទាំងស្រុងនៅសល់តែជញ្ជាំងថ្មពុកផុយផេះផង់ និងសូម្បីតែទ្រព្យសម្បត្តិ សម្ភារផ្សេងៗក៏យកចេញមិនទាន់ដែរ កាលពីវេលាម៉ោង១០និង៣០នាទីថ្ងៃត្រង់
រាជធានីភ្នំពេញ ៖ ផ្ទះមួយខ្នងសង់អំពីថ្មក្រោម ឈើលើ ស្ថិតក្នុងដីឡូត៍មួយនៅភូមិទឹកថ្លា សង្កាត់ទឹកថ្លា ខណ្ឌសែនសុខ របស់មន្ត្រីយោធាជើងទឹកម្នាក់ ត្រូវបានអគ្គិភ័យលេបត្របាក់អស់ស្ទើរទាំងស្រុងនៅសល់តែជញ្ជាំងថ្មពុកផុយផេះផង់ និងសូម្បីតែទ្រព្យសម្បត្តិ សម្ភារផ្សេងៗក៏យកចេញមិនទាន់ដែរ កាលពីវេលាម៉ោង១០និង៣០នាទីថ្ងៃត្រង់ ថ្ងៃទី២៤ ឧសភា ២០១១។
យោងតាមសម្តីរបស់សមត្ថកិច្ចខណ្ឌសែនសុខ បានឱ្យដឹងថា ម្ចាស់ផ្ទះ ដែលត្រូវភ្លើងឆេះនេះមានឈ្មោះសោម ហឿ ភេទប្រុស អាយុ៥៩ឆ្នាំ ជាមន្ត្រីយោធាជើងទឹក ស្នាក់នៅផ្ទះកើតហេតុខាងលើ ។ មូលហេតុនៃការឆេះផ្ទះនេះ ត្រូវបានសមត្ថកិច្ចធ្លោយឱ្យដឹងថា មកពីទុស្សេខ្សែភ្លើង ទើបបណ្តាលឱ្យកើតជាអគ្គិភ័យ ហើយទ្រព្យសម្បត្តិ និងផ្ទះដែលមានពីរជាន់ថ្មក្រោម ឈើលើ ត្រូវភ្លើងឆេះខ្ទេចគ្មានសល់ បើទោះជារថយន្តពន្លត់អគ្គិភ័យបានចេញទៅបាញ់ទឹកពន្លត់យ៉ាងប្រញាប់ប្រញាល់យ៉ាងណាក៏ដោយ ។
រយៈពេលប្រមាណ២០នាទីប៉ុណ្ណោះ ផ្ទះត្រូវបានអគ្គិភ័យលេបត្របាក់អស់ស្ទើរទាំងស្រុង ហើយអណ្តាតភ្លើងក៏ចាប់ផ្តើមរលត់ទៅវិញនៅវេលាម៉ោង១០និង៥០នាទីដោយសារមានការចូលរួមពីអ្នកជិតខាងនាំគ្នាយកទឹកមកជះ ខ្លះយកទុយោទឹកមកបាញ់ ដើម្បីជួយទប់ស្កាត់ ព្រមជាមួយរថយន្តពន្លត់អគ្គិភ័យមកដល់យឺតពេលបន្តិចទៅហើយ ប៉ុន្តែទោះជាយ៉ាងណាក៏បានបាញ់ទឹកពន្លត់បង្ហើយដែរ ។ ការពន្លត់អគ្គិភ័យនេះគឺបានប្រើរថយន្តទឹក១គ្រឿងប៉ុណ្ណោះ ៕
ចែករំលែកព័តមាននេះ