ខេត្តពោធិ៍សាត់ ៖ ឈើគ្រញូងមួយគំនរដែលគេលាក់ទុកក្នុងគុម្ពោតព្រៃក្បែរផ្ទះប្រជាពលរដ្ឋក្នុងភូមិក្រពើរោទិ៍ ឃុំស្នាមព្រះ ស្រុកបាកាន ខេត្តពោធិ៍សាត់ បានត្រូវមន្ត្រីមេព្រៃរឹបអូសយកមករក្សាទុកនៅខណ្ឌរដ្ឋបាលព្រៃឈើខេត្ត កាលពីថ្ងៃទី២២ ឧសភា ឆ្នាំ២០១១ កន្លងទៅនេះ
ខេត្តពោធិ៍សាត់ ៖ ឈើគ្រញូងមួយគំនរដែលគេលាក់ទុកក្នុងគុម្ពោតព្រៃក្បែរផ្ទះប្រជាពលរដ្ឋក្នុងភូមិក្រពើរោទិ៍ ឃុំស្នាមព្រះ ស្រុកបាកាន ខេត្តពោធិ៍សាត់ បានត្រូវមន្ត្រីមេព្រៃរឹបអូសយកមករក្សាទុកនៅខណ្ឌរដ្ឋបាលព្រៃឈើខេត្ត កាលពីថ្ងៃទី២២ ឧសភា ឆ្នាំ២០១១ កន្លងទៅនេះ ។
ប្រជាពលរដ្ឋដែលមានផ្ទះក្បែរនោះបានប្រាប់សមត្ថកិច្ចថា ឈើគ្រញូងទាំងនេះមិនមែនជារបស់គាត់ទេ គឺជនមិនស្គាល់មុខដឹកជញ្ជូនតាមម៉ូតូយកមកលាក់ទុកក្នុងគុម្ពោតព្រៃនេះ ខណៈពេលគាត់មិននៅផ្ទះ ។ សមត្ថកិច្ចបានរាប់ និងវាស់វែងឈើគ្រញូងនេះសរុបមានចំនួន២០០ដុំ ទម្ងន់៦៥០គីឡូក្រាម ស្មើនឹង០,៤៨១ម៉ែត្រគូប ហើយបានដឹកយកមករក្សាទុកនៅខណ្ឌរដ្ឋបាលព្រៃឈើខេត្តទុកជាសម្បត្តិរដ្ឋ ។
មានមតិរិះគន់ថា គេកម្រឃើញសមត្ថកិច្ចមេព្រៃ ប៉ូលិស ប៉េអឹម ចាប់ឃាត់រថយន្តដឹកឈើលើផ្លូវជាតិលេខ៥ បានណាស់ បើចាប់បានលុះត្រាតែចរចាគ្នាមិនត្រូវ ឬរថយន្តដឹកឈើទាំងនោះជួបគ្រោះថ្នាក់ចរាចរណ៍ ។ ឈើគ្រញូងខាងលើនេះ បើមិនមែនជារបស់ម្ចាស់ផ្ទះទេ អាចជនទុច្ចរិតយកមកផ្ញើម្ចាស់ផ្ទះបណ្តោះអាសន្នដោយឱ្យកម្រៃចាយបិទមាត់ ដើម្បីរៀបដាក់រថយន្តត្រៀមដឹកចេញនៅថ្ងៃនោះ។ ឈ្មួញទុច្ចរិតអាចមានកន្លែងស្តុកឈើក្នុងឃុំស្នាមព្រៃនោះ ប៉ុន្តែគេមិនដឹកចូលដែលរូបភាពបែបនេះគេប្រើដើម្បីទម្លាក់កំហុសទៅលើអ្នកដទៃ និងបំភាន់ភ្នែកសមត្ថកិច្ចតែប៉ុណ្ណោះ ៕
ចែករំលែកព័តមាននេះ