រាជធានីភ្នំពេញ ៖ កម្មករសំណង់ម្នាក់បានស្លា.ប់ដោយសារធ្នឹមផ្ទះបាក់សង្កត់ពេលកំពុងកាត់ធ្នឹមនោះ ដើម្បីដូរទ្វារ ។ ហេតុការណ៍នេះកើតឡើងនៅផ្ទះលេខ៥ ផ្លូវលេខ២៩ សង្កាត់ចំការមន កាលពីវេលាម៉ោង៣ និង៤៥នាទីរសៀលថ្ងៃទី២២ ឧសភា ឆ្នាំ២០១១
រាជធានីភ្នំពេញ ៖ កម្មករសំណង់ម្នាក់បានស្លាប់ដោយសារធ្នឹមផ្ទះបាក់សង្កត់ពេលកំពុងកាត់ធ្នឹមនោះ ដើម្បីដូរទ្វារ ។ ហេតុការណ៍នេះកើតឡើងនៅផ្ទះលេខ៥ ផ្លូវលេខ២៩ សង្កាត់ចំការមន កាលពីវេលាម៉ោង៣ និង៤៥នាទីរសៀលថ្ងៃទី២២ ឧសភា ឆ្នាំ២០១១ ។
កម្មករនោះឈ្មោះអៀម សុគា អាយុ២២ឆ្នាំ មានស្រុកកំណើតនៅខេត្តស្វាយរៀង ត្រូវលោកមាស សារិន អាយុ៦៦ឆ្នាំ ជារដ្ឋលេខាធិការក្រសួងអប់រំ យុវជន និងកីឡា ជួលឱ្យមកវាយធ្នឹមនៅលើមាត់ទ្វារ ដើម្បីដាក់ទ្វារថ្មី ។
ក្នុងពេលកំពុងធ្វើការងារនោះអៀម សុគា ត្រូវធ្នឹមផ្ទះធ្វើអំពីបេតុងបាក់សង្កត់ចំក្បាលបណ្តាលឱ្យរងរបួសធ្ងន់ ហើយស្លាប់ពេលបញ្ជូនដល់មន្ទីរពេទ្យឯកជនមួយ ។ សមត្ថកិច្ចមូលដ្ឋានដែលទៅពិនិត្យកន្លែងកើតហេតុសន្និដ្ឋានថា កម្មករសំណង់នោះស្លាប់បណ្តាលមកពីធ្វើការធ្វេសប្រហែសដោយខ្លួនឯង ៕
ចែករំលែកព័តមាននេះ